بصراحة الموضوع شدني و وجدت فيه معلومات جديدة و غريبة في نفس الوقت.
أنا موجود في الرياض و معاي زووم 2,3 و أحب أستفسر من راعي الزووم اللي طرح الأكورد و الكامري في القومة: هل إستخدم القير الأتو و إلا العادي؟
لانه اللي حصل معاي كالتالي:
1- قاومت أكورد 2003 مستخدم القير العادي و لا قدرت أجيبه إلا عند التغيير الثالث و تعديته (ما أدري هل هي غشامة سواقة؟)، طبعا صاحب الأكورد قام قبلي من عند الإشارة.
2- قاومت كامري 2003 أو 2004 مستخدم القير العادي وقتها حسيت أن قومة السيارة بطيئة شوي، و خلت راي الكامري يقوم قبلي ونفس الشي ما قدرت أجبيه الا عند التغيير الثالث و تعديته.
3- مرة كنت ماشي في خط سريع قدامي لومينا 2003 صاحبها شاد و شديت على السيارة الى 180 و جبته و تعديته بمسافة. هل هذا من قوة الزووم و إلا راعي اللومينا خاف من السرعة و هدأ و الا أنا متوهم!
أرجو من راعي الزووم ما يبخل علي من تعليماته و تجاربه المثيرة. و آسف على الإطالة و لكم جزيل الشكر.
