رساوة البيجو407؟محركها؟هدوئها؟؟اتفضل واعطينا معلوماتك

والله يا مجنون بيجو كلامك صحيح


بس العضو هذا هو اللي يشتكي من السيارة

أما الباقين يمدحون فيها

خالي عنده سيارة بيجو.... كان يحافض عليها كثير... لكن للأسف ما تحملت جونا الحار وفوحت..

الهاشمي1


صاحب الموضوع اللي بالرابط هو الوحيد اللي اشوفه يشتكي من السيارة

انا اعرف واحد معا 607 ماشية 50 الف وما فيها اي مشاكل

السلام عليكم..........................وبعد

بالنسبة للمحركات أحب أضيف نقطه الأخ ما ذكرها

وهي أنه يوجد في الأربعه سلندر محرك بقوة 160 حصان

وبالنسبة لي أقولك توكل على الله وخذها

وأنا عندي موضوع عن 407 باسم للذين يملكون 407 الرجاء الدخول

الكل كان يمدحها وردودهم مقنعه أدخل عليها وشوف|3| .

شوفواهذا الرابط
http://alsaha.fares.net/sahat?128@188.QQGFpJ6i2Ri.0@.1dd7137f

اخي الكريم
البيجو اوروبي ومعروف بالرساوة وديكوره قوي ما يتفكك ولا يطلع اصوات والمواد المصنوعه منه ممتازة
والسيارة قطع غيارها معقولة بعض الشي بس عيبها وكيلها
اما كسيارة فهي جدا ممتازة

مع احترامي الشديد لكن من الصعب انك تسأل عن رساوة بعد ال200 لان احسن السيارات بعد ال200 لو لا قدر الله صار لها حادث تروح وطي. بالنسبة للسيارة كشركة فهي في رأيي ممتازة ولكنني ما جربت ال407 . كان معايا 206 موديل 2000 واستخدمتها لمدة 5 سنوات وكان فيها بعض الخرابات بسبب سوء استخدامي ولكن السيارة في الظروف العادية ماشاء الله وتعتبر راسية في السرعات الاعتيادية و اكثر من ممتازة عموما والسيارة لازالت معي ولكن لظروف سفري الان فلا يمكنني استخدامها.
نصيحة اخوية : السرعة مو زينة :) .

الاخ مازن نصر

مو كل اللي ينقال يتصدق

الف شكر ياشباب

مع تحية
راعي الكراون

انا كان معى سيارة بيجو 306 وكانت السيار ه ممتازه جدا وكل خرابتها عاديه زى اى سيارة

كانت قوية وثابتة مرة وانا فى رائى احسن من اليبانى بكثير و قول لخويك يتوكل على الله وياخذها

اخوي السفير ..
..
انت لما تكلمت عن اللومينا انها كل خرابات من نزلت .. هل أنت جربتها وحكمت عليها .. .. لاتأخذ على كلام الناس .. الناس تبي بس تتكلم بدون داعي .. يعني انا مرة قاعد اتكلم عن البيجو الا يجيء واحد ويقول 307 لو تمشي بها 120 على خط وتميل شوي انقلبت .. هل هو صادق بس قال كلام من عنده بدون تفسير .. بس طلعت وجت
..
والأكورد بدون أيرباقات !!! عجيبة لانها من 98 أساسي الأيرباق فيها ..
..
والكامري الي بدون ثبات .. انا معاك فيها .. مش ثابته مره .. بس مو بمعنى مافيها ثبات ..
..
البيجو 607 صراحة مادري عنها .. ماأقدر أفتي انت اعلم بما أنت خبير بيجو ..
..
والمونديو فيها بلاوي .. هاههاه .. أنت جربتها سقتها أستعملتها عندك خبرة عنها .. لو سمعت عنها فقط ؟
عفواً لاتأخذ على كلام أحد .. مابي أحد يفتي عن سياره مايدري عنها ..
بضرب لك مثل في ناس يتمنون يملكون لومينا ولكن مايملكون قيمتها .. بذلك يروحون يذمون فيها ليش ماتدري انت اكيد سمعت كلام من دي الفئة .. صح ؟
..
تحياتي ولاتأخذ كلام من كل هب ودب ..

من المجلات والمواقع
السيارة راسية
امافوق 200 لم يذكروا عنها شيء:)

أما بانسبة للمقاومة

بأختصار السيارة
سيارة عائلية راقية وأنيقة وسلسلة
ليست للمقاومة

تحياتي

الشكل جميل بس المحرك ضعيف والسعر غالي شوية
والله الموفق

اذا كل واحد سمع مشاكل الناس كان ما اتشوف سيارات في الشارع

ولو تلاحظوا أن كل السيارات الجديدة إذا نزلت يطلع واحد يقول أنها زفته وخراباتها كثيرة

ومنها الألتيما الجديدة اللي طلع فيها القير واللومينا اللي من يوم نزلت وخراباتها كثيرة والأكورد اللي بدون ايرباقات والكامري اللي بدون ثبات والبيجو 607 اللي مافيها شي صاحي ابد ..والمونديو بعد اللي يقولوا مافيها خرابات طلع فيها بلاوي والمازدا 6 اللي ما تعيش كثير
واذا واحد ما قدر يطلع عيب في سيارة يقوم اذم في الوكيل مثل الفلكس واجن ... ووكلائنا ما يخبوا ظن أحد

وهذا اللي لاحظته في المنتدى

والله لو تتكلم البيجو وتقول اشتريني مادفعت فيها 82000
مره قرأت موضوع عن البيجو هنا في المنتدى من بعدها حقدت على شيء اسمه بيجو
بإختصار السياره خراباتها ليس لها عدد وهي جديدة
احسن حاجة انه كل شيء تغيره على الضمان
والله لأشتري قولف 1.6 افضل بمليون مره

الف شكر على معلوماتك اخوي السفير واعتقد سعرها غالي بالنسبه لمحركها الصغير وشكرآ مره ثانيه


----------------------
اانتظر ردود الشباب.

مع تحية
راعي الكراون

مرحب


أنا ما جربت السيارة بس السيارة عاجبتني مررررة وراح أقولك اللي أعرفه نقلا عن مجلة سعودي أوتو

حسب مواصفاتها وانظمة السلامة أعتقد أن لها مستوى راقي في الرساوة

يتوفر فيها نظام ABS المانع للإنغلاق وتوزيع ألكتروني لقوة الكبح
وزودت أيضا بنظام AFU لمساعدة الكبح في الحالات الطارئة مع تشغيل أوتوماتيكي آلي لمؤشرات التنبيه للخطر
ويتوفر فيها أحدث جيل من برنامج الإستقرارالالكتروني ESP
والمقود مدعوم بالطاقة

ولل407 تشكيلات عديدة من المحركات تبدأ من 1.8 لتر إلى 3 ليترات لمحركات البنزين
ومحركان للديزل مع تيربو

والمتوفر عدنا حاليا محرك 2.0 لتر بقوة 138 أحصنة وما اعتقد أنه بذيك القوة لأن هذي المكينة وحسب أعتقادي أنه نفس مكينة ال 307
هذي صورة لمكينة ال407
http://safeer307.jeeran.com/Dsc00735.jpg
وهذي لل307
http://safeer307.jeeran.com/Dsc00733.jpg
المحرك الثاني 6 سلندر بـ3لترات بقوة 210 احصنة وعزم

وجودة البيجو ممتازة بحكم أن عندي 307 وصار لها سنة والحمدلله ما فيها شي

إلا...القير ... قير ال307 الأوتو يجي تيبترونيك وهذا القير حساس وما يتحمل كرف وإذا أخترب ما يتصلح لأنه معقد

بس بالنسبة لقير ال407 ما ادري لكن أنصحه أنه يآخذ قير عادي حتى يتلاشى المشكلة هذي وبنفس الوقت تكون صرفيتها أقل


وسعر الفل حسب آخر زيارة للمعرض كان 82.000 للمحرك 2.0 لتر

واذا بغيت صور ادخل موضوعي هذا
http://www.assayyarat.com/forums/showthread.php?t=54806

وبالتوفيق

والله السيارة مااعرف عنها شي ..
بس عندك عضو اسمه s8 هذا كرهني بشي اسمه بيجو من كثر مايتكلم عن البيجو حقته ..

لو ياخذ له سكودا سوبرب اصرف له من البيجو وشوف لها موضوع كامل في التوقيع ,,