ماهي اكثر دوله يوجد بها تقطيب سيارات ( عبث )

انا صوت للكويت ولكن ليس تحيز لأن الموضوع ماهو محتاج تحيز

سبب تصويتي هو ان في الكويت اشوف ان كل شاب يشتري سيارة يروح يعبث فيها من زينون وجنوط وفيابر ومسجلات وشاشات وتلقى داخلية السيارة ألوانها غريبة ومميزة ... كذلك من الاسباب هو انتشار السيارات الرياضية مثل الموستنغ والكمارو والكورفت والجيتي القديم والزد بجميع انواعه ... ايضا سيارات الجيب مثل اليوكن والتاهو والسكاليد والوانيتات اصبحوا منتشرين بشكل غير طبيعي وتلقاهم بكثره بالجنوط الكبيرة مثل 20 و 22

ورش التزويد منتشره بكثره ايضا وتجد عندهم كل شيء ابتداء من ال MSD الى المحركات المعدله بالكامل وتلقى عليهم طلب خصوصا من اعضاء النادي العلمي ( الرابطة )

عموما في الوقت الحالي اصبحت ادارة المرور متشدده مع اصحاب التقطيب وتلمش هذا التشدد اثناء الفحص الفني .. يعني ممنوع تركيب جنوط غير جنوط الوكالة حتى لو كان نفس المقاس وممنوع الفيابر بجميع انواعها وممنوع التضليل و و و إلخ

ولكن الشباب ماهم مهتمين بالموضوع كثير :D لأن في ورش ترجع لك السيارة مثل الوكالة وبعد ماتخلص فحص ترجع لهم القطع

قبل شهرين أو ثلاثة أشترينا سيارة لأخوي نوعها لومينا S ولما وديته للمعرض عشان يستلم السيارة ورجعت انا للبيت انتظرت انه يرجع ولكنه تأخر كم ساعه ولما رد لقيته جاي مركب زينون وكشافات وستاير ومش عارف ايش :D ... هذا وهو توه مستلم السيارة

وآسف أني طولت عليكم والله يعين