ياشباب كم اكثر سرعه وصلته بسيارتك؟؟ سجل

والله بالكامري 2002

مشيت فيها 210 كم



بس توبة ماسرع مرة تانية بعد الحادث اللي سويته






تحياتي

انا جبت 240 على BMW745 موديل 2002 (الحوت) ومرة 260 على فياجرا موديل 2003 S600

ومرة الي كنت من جد طلع الشيب في راسي من الخوف مشينا 300 بورش كاريرا 4s بس كنت راكب

والله مسكين انا |5| |5|

الشباب يقلون لي كامل وانا صدقتهم بس تكفى إذا تقدر ارسلي الوصله خل ننزل :D

كلامك صحيح بس أصل الدرفت هو حق الطرق الجبليه ولو تلاحظ هو قريب من سواقة الراليات


سلام

سلام ياشباب كيف الحالو والله ترى قطعت عن المنتدى فتره طويله المهم كنت أبغى أقولكم أنو أنا أقصى شي وصلتو 170 في خط النفق ولو كان الخط أطول كنت طبقت الطبلون المشكلة كان يومتها زحمه كل ماد عس ارفع رجلي المهم سيارتي قيد نزلتها في المنتدى لاكن الادراة الكريمة مسحتها قوة مكينتي 4.4 سي سي وشباب ترى الواحد دايم لما يجي يسرع يفكر في حاجتين الكفرات و واحد غشيم تكشحلو يقوم يدخل عليك وانت تكون ماشي 160 180 غير كدا انو ماعندي abs عني ظغطت فرامل وانت في الشارع التالى مشكلتي اني بلف يجي جنبي واحد لو كنت ماشي على 70 ويجي واحد يعدي من جنبي تلاقيني أدبل الدعسه واسوي انو ماحد يقدر يطرحني..........الله يهديني ويهدي شباب المسلمين كلهم ويبعدنا عن السرعةوشرها |4|

:D كلام راعي الـ R32 صحيح لانه الدرفتنج مش للمسابق ولو انه صحيح يزيد سرعة السياره في المنعطفات كان شفتهم يطبقونه في سباقات الفورملا1 وسباقات السرعه |1| والصراحه هو كاسر خاطري حتى على أيام السلفيا اللي كانت عنده قبل الـ GT-R بعد كان يخبط الحاجز كخخخخخخخخخخ
الدرفتنج بس حركات استعراضيه وتهيض للجمهور بس
|10| بس وصلت الحلقه الرابعه ؟؟ أنا عندي لين الحلقه العاشره من الجزء الرابع...
بس ترى في مفاجأه حلوه في بداية الحلقة السابعه :D فيه واحد على سوبارو ............ :p مب قايل لك علشان ما أخرب عليك السافه بس إذا شفت الحلقه قولي ... نسيت أقولك ... إذا تبي لينك علشان تنزل باقي الحلقات قولي علشان أرسله لك

هاهاهاهاا

ما نقيت الا ذاك كل هاهها كل ما تسابق لطخ في جدار الله يغربله خوفونا من في اول حلقتين بعدين طلع مااش

المهم اي حلقه وصلو الحين انا آخر حلقه عندي الجزء الرابع الحلقه الرابعه نزلو شي بعدها؟؟؟؟

انا اتبع كلام صديق تاكومي (road racer don't need a girl) :D


سلام |1|

:D بوووووووووه زين اللي فيه أحد يعرف ... بس والله عجيب هالمسلسل (( عندي لين أخر حلقه واللي نزلت الاسبوع اللي طاف في اليابان كخخخخخخخ ))
Lonley driver كخخخخخخخخخخخخخخخ :D أنا اللحين Lonley driver بس بعد سنه بتغير الاحوال كلها
حركات درفتنج .... لا لا ما أسويها غالبا لانه ما منها فايده إلا بس للإستعراض وشو بس
:D أسلوبي نفس راعي الـ R32 إذا تذكره

السلام عليكم

أكثر سرعه كانت 200 بهيونداي كوبيه 98



أقول Initial D

اكيد إذا أنك تتابع هل مسلسل الرائع اكيد ابتسرع وبتخش عرض في المنعطفات :D

بس اسمعك تقول ابتترك العزوبيه يعني ما بتصير Lonley driver مثلنا ههه هه ه :D

اشوي اشوي في المنعطفات وانا اخوك لا يكون اتسوي حركات درفت .

سلام

اركدوووووووووووا يا شباب


انا مشيت 230 بسيارتي وحسيت اني بقلع


بعدها حرمت اسرع

المهم لحد يسرع

انا اكثر شي وصلتها
تقريبا 240 او اقل شوي بلومينا اس 2004 ولو الخط قدامي كان اطول كنت اوصلها اكثر

وفكرت اكثر من مرة اني اعيد هذه التجربة ويكون واحد معاي عشان يصور العداد :D :D
بس المشكلة كل ما اكلم واحد يصرفني :confused: :confused:
بس ياليت اللي عنده استعداد يطلع معاي يكلمني

الموضوع مكرر ياعيال بس يله نعيد ايام الهجوله :D

ااكثر سرعه جبتها على راس تريله سرعه 380
وديانا على سرعه 270
وسيكل ابو كفرين جبلي(معدل وملغم) على سرعه 240

وسلامتكم

260 لكزس 430

300 فاااايبر بس كنت راكب

والله السرعه شيء خطر في أغلب الاحيان
(( وانا عن نفسي أسرع وبشكل متهور خصوصا إذا كنت اتسابق مع أحد |5| بس هالايام أفكر بشكل جدي أني اترك السرعه دام اني لحد اليوم سالم وماصارلي أي حادث من يوم سقت السياره خصوصا اني على نهاية السنه هذي بترك العزوبيه ))
المهم نرد لموضوعنا

انا سقت عدد من السيارات وأغلبهم جبت طبلونهم

أولا ددسن موديل 94 واذكر اني جبت عليها 180
وبعدها خذت مازدا 929 موديل 91 :rolleyes: أسميها البقره وجبت عليها 160 (( فضيحه موتر بخاخ وطبلونه 160))
وبعدها خذت لاندكروزر موديل 86 تماتيك وكان عليه تزويد خفيف وجبت عليه 170 في شارع طوله 1.5 كم تقريبا
وبعدها خذت كامري جراندي 2000 وجبت عليها 230
وبعدها كورولا 1800 سي سي موديل 2002 وجبت عليها 235 وهذي كانت الفصله فيها (( يعني لومافيه فصله كان جابت أكثر ))
وحاليا سوبارو وأكثر شيء جبت عليها 220


|5| بس شباب تكفون ادعولي اني اترك السرعه لانه انا مشكلتي من اشوف احد يدعس جنبي على طول أدعس معاه لاني أكره احد يسوي نفسه سويق علي (( إلا شخص واحد :rolleyes: ))

مرحبا

في الاكوورد 2001 طريق منيفه جبت 200بس خفت ورديت 140خخخ لنه الثبات خرطي
المرسيدس E280 في طريق داخل ماهو طويل جربت ودعست شوي شوي ماشاء الله بسرعه جابت 220وانا مو حاس على بالي تمشي 120عكس الاكوورد بالغصب جاب 200 وقف عند 190 ومهل وبعدين جاب 200
وفي بعد سيارات ثانيه بس خلوها مستورة|6|
تحياتي

الحمد لله ان السرعة المفضلة عندك يااخي 922 120كلم

شكرا لك اخي acc-v6 المشاركة والحمد لله ان السرعة ماهي عادة دايمة عندنا