سجل انطباعك عن مقارنة ( التيما - أكورد - كامري ) في مجلة سعودي اوتو

لي رجعة لك أخوي vAMP

أخوي اكورد وبس .. بالنسبة للأير باق ترا الموضوع كان مكتوب هنا بالمنتدى متأكد منه مليون بالمية وحاطين رابط موقع لجريدة اعتقد او مجلة (امريكية) وجايبين فيه خبر ان الأكورد ينشق فيه الإير باق حق الدركسون ..

انا اقول لك يمكن تكون موديلات معينة او سيارات معينة من الأكورد (دفعات معينة) قد تكون موديل 2003 او 4 او خمس انا ما ادري لكنه موجود !!

ثاني شيء الله يهديك يا اخوي حارش مارش احس كأنك كذبتني بسالفة السيارة تتحرك وهي موقفة والمفتاح مو فيه ..

انا حلفت يمين غير اطلع الموقع ولي اكثر من ساعة حايس بالمحفوظات ولقيت لك هالموقع واقعد ترجم براحتك :)

http://www.freep.com/money/autonews/irep2e_20050202.htm

ولاحظ التاريخ .. 2 فبراير 2005 !! واليوم 8 او 9 فبراير .. يعني الخبر طازه جديد له اسبوع كامل بس !! وقامت بعملية السحب .. اما اني ما اصدق كل اللي اسمعه معليه احسك بالغت شوي ترا .. بس اعتقد إنك تقصد لو سامعه من زميل ولا شيء اشك فيه .. لكن يجيك موقع اخبار ومجلات ويقول لك فيه هفوة في الأكورد وسوت الشركة عملية سحب بتصلح وماتبغاني اصدق .. معليه .. اسمح لي ..

اما بالنسبة لسالفة الكمبيوتر ترا والله سامعها من الولد انا لا سألت الوكالة ولا حتى شفت وزيك اول مرة اسمع بالخبر ! وكأنه جايتني هبقة أشقر على الوكالة وأشوف اسأل ..

بالنسبة لل ABS اخوي ترا هي كذا اول دفعة وانت عارف الشيء ذا .. صح مو موجود إلا بالفل الجلد .. لكن اتوقع بالدفعات الجاية بتكون اساسية .. اما الكامري ال ABS مايجي إلا بالقراندي !! ما ادري عن 2005 لكن اتذكر ايام 2004 يوم جيت بأطلع وحدة قالوا لي مافيه ABS إلا بالقراندي ..

ثاني شيء ياخي الله يهديك ترا صرفية البنزين راجعة للسواق .. انا بالقير العادي ماكنت ابدل إلا عند ال 4 ولا الخمسة (سواقة عادية مو طراح!) وتشوف امبير البنزين ينزل مع عداد السرعة لما يرتفع !! لكن لو تحن عليه والله غير يقعد معاك اكثر من اسبوع بالراحة .. انا لما أطفر مرة ابدل عند ال 2.5 (الأيام الأخيرة ذي ترا عقلت والله ولا سرت احرق كثير) .. والله امبير البنزين يقعد مكانه مايتحرك باليوم إلا يادوب شرطة صغيرة .. وترجع للمشاوير اليومية بعد !! وانا في الغالب ايام الإجازات اربعاء وخميس امشي فيها اقل شيء 100 كيلو .. اما الأيام العادية عشان الدراسة يادوب 15 ..

وبعدين ترا شفت بموضوع هنا ان صرفيتها داخل المدن نفس صرفية الأكورد الست سلندر .. (هذه والالتيما 3.5) .. لكن في الخطوط توفر الأكورد اكثر (في الخطوط الألتيما تمشي 750 كيلو إذا انك ماشي بسرعة 120 .. الضغط تقريباً على القير السادس يكون على 2 !!) بس اعتقد تانكي الأكورد اقل ..

اما بالنسبة لسؤالك عن الديكورات الداخلية صحيح هي خايسة وهذا كمان مكتوب بالمواقع الأمريكية لكن ترا التيما 2005 اللي نزلت بأمريكا (نازلة قبل شهر وشوي !!!) كانت دعايتها All New Interior .. يعني داخلية كاملة جديدة!! .. صح قد يكون عيبة يعني انه يكون هذا إعلان سيارة لكن الأخطر و"الأعيب" انهم يستمرون بخطأهم .. الشركة حست بغلطتها وعدلت داخليتها وللمعلومية ترا الحين استلمت داخلية كل سيارات نيسان الجاية شركة ثانية متخصصة في الشيء هذا واول سيارتين مسكوا داخليتهم هي المورانو والأرمادا !! وانا بصراحة شفت داخلية المورانو بصراحة اقل ما اقدر اقوله إنها ممتاااااازة وخاماتها فرق السماء عن الأرض بينها وبين الألتيما .. وانتظر تعليقك عن داخلية المورانو .. والصراحة ترا لو التيما 2006 بتنزل نفس خامات الألتيما اللي بأمريكا ترا بأبيع اللي عندي على طول وبأشتريها ..

اما إذا تقصد الأزارير البلاستيك او شيء ترا ما اتوقع انها بتخرب من الشمس !! ترا حتى قمت اشك إنها بلاستيك او إنها بلاستيك معها مادة لكن صدقني ترا شكلها تتحمل الشمس والحين مكملة سبع شهور تحت الشمس ولا لاحظت اي شيء ..

بالنسبة للتخشيبة هي ترا بايخة ومن زمان افكر إني افكها اصلاً .. لكن حقت الأربع سلندر رياضية ومرة حلوة وداخلة مزاااجي ..

اما بالنسبة ليه مايوفرون التندة لباقي الفئات ياخي اسأل الشركة لا تسألني .. يمديها هذه سياسة خاصة فيهم يبغون الفل بس من اول دفعة تكون كاملة المميزات .. من زينون وغيره .. لكن انا اشوف اصلاً ان كل السيارات (من كل الشركات الثانية خاصة الكبيرة تويوتا وهوندا) بعد سنتين بالكثير بيكون فيها زينون بشكل أساسي وتندة وغيره ..

لي رجعة لأنه لي رد مطول شوي .. يعني من اليوم ماسكين لي عيوب الألتيما .. طيب شوفوا المحاسن !! شوفوا المميزات .. يعني المميزات الحين يوم قعدت احسبها عالطاير ترا يمكن توصل بالقليل إلى 20 ميزة تميز الألتيما عن الأكورد .. ومعظمها حاجات اساسية سواء من ناحية الأمان ولا المظهر من جنوط وغيره لكن انا ناوي اجلس عليها واجمعها مرة وحدة بملف عندي بالجهاز وانزلها ..

بعدين بالنسبة لسالفة الهيكل اخوي اكورد .. ترا الهيكل المقصود هو حق الركاب !! مو هيكل السيارة كله واصح اصلاً إنه فيبر والمنيوم .. لكن هيكل الركاب هو اللي ثقيل وفيه ماصات للصدمات .. واللي اعرفه الأربع سلندر هيكله عادي ترا !! يمكن لأنه مو حق سرعة ..

لي رجعة والسموحة على التأخير .. واعذروني يمكن انقطع في الفترة الجاية واتأخر بالردود شوي عندي اختبارات نصف سنوية وقلق ..

سلام

أخوي vAMP الغالي

شكل الأكورد اللي سمعت مسجلها سياحية ..

لانها تجي اربع سماعات بس وبدون تويترات ( السماعات الصغيرة اللي تتكلم عنها )

أما الفل الكامل تجي 6 سماعات مع تويترات ..

وبهذي الحالة ما اتوقع الصوت راح يفرق بينها وبين الالتيما

وبالنسبة للعيوب المصنعية اللي كتبت عنها ...

بصراحة اول مرة اسمعها ‍‍‍!!!

ومحد اشتكى منها ابد .. حتى قصة الكمبيوتر

وبالنسبة للايرباقات .. أخوي أكورد وبس جاب الدليل

مو أي كلام تسمعه يالغالي يكون صحيح

أجل السيارة تشتغل وتتحرك والمفتاح مو موجود والبريك مسحوب |243|

اما بالنسبة للأمان ..

نسيت أخوي ان الالتيما ما يتوفر ال ABS عليها الا على ال 6 سلندر فل كامل جلد ؟؟؟

حتى الكامري وفرو فيها ال ABS !!

وفيه عيب مهم بالنسبة لي الا وهو استهلاك الوقود ..

انت بنفسك أخوي vAMP تشتكي من الاستهلاك وسيارتك قير عادي 6 تعشيقات

فما بالك بالاستهلاك اذا كانت سيارتك قير اوتوماتيك 4 سرعات ؟؟؟

اذا كان يهمك مقاس الجنط وكشافات الضباب ..

أنا يهمني جودة المواد الداخلية في السيارة ..

سؤال واحد أخوي vAMP بما انك طالب جامعي وتوقف سيارتك في الشمس يوميا

بعد مرور سنتين أو أٌقل ومع حرارة شمسنا اللطيفة.. وشوارعنا الغنية عن التعريف

وش تتوقع يصير لديكورات سيارتك بعد مرور السنتين هذي ؟؟

وبما انك أخوي تدقق حول بعض النقاط اللي مالها لزوم

ما لاحظت ان الالتيما الفل كامل جلد منجدين المراتب والابواب ما نجدوها ؟؟

وين حنا فيه !! شغل الغرابي ؟

والتخشيبة عاجبك شكلها ؟

وابي اعرف ليه الفتحة ما يوفرونها اختيارية مثلها مثلب اغلب السيارات الموجودة في السوق ؟؟

صدقني يالغالي .. كل واحد راح يلقى عيوب بسيارته ..

هذا اللي حبيت أوضحه

تحياتي لك :)

السلام عليكم

كنت منقطع عن المنتدى فتره .......وهذا انا رجعت من جديد

بصراحه الأكورد تتفوق على الألتيما والكامري فئة 4 سلندر....وهذا مافيه احد يشك فيه

لكن ودي اقول كلمة راس لمتعصبي الأكورد :D ......لاتفهمون غلط :D

ياجماعه مهو معناة ان الأكورد تفوقت على الألتيما والكامري.....انها تفوقت عليهم في كل شي

لابد ان الواحد يقر بالعيوب....لأنه مافيه سياره مافيها عيب

يعني فرضا فيه واحد يبغى ياخذ سياره 6 سلندر......على طول تلقى الترشياحات للأكورد 6 سلندر

يعني يدفع 102000 ريال....في الأخير يلقى سيارته نفس الــ 4سلندر فل |5| ...هل يرضيكم هذا الشي

احد اكبر العيوب في الأكورد....هي الأكورد سته سلندر :confused:

يعني مافيه فئات كثيره لها.....بعكس الألتيما والكامري اللي توجد فيها فئات كثيره ....وهذا نقطه قويه تسجل للسيارتين

معليش طلعت شوي..... انا عارف ان الموضوع حق فئة 4 سلندر....بس حبيت ابين هالنقطه

اخوكم ابو شطب

تسلم حبيبي

اخ حارش مارش السيارات اللي مجربينه كانت اربع سلندر قير عادي مو اوتو

اخوكم\ ماكسj30

هلا اخوي حارش مارش

صراحه احس ان المقارنه غير عادله ...

المفروض يجيبون جميع السيارات فل اوبشن .... ولا كلها سياحيه ....

المهم في وجهة نظري انا عندي الاكورد طبعا

واتفق معك الاكورد افضل من ناحية صرفية البنزين وفخامه وجوده حتى ان الفل الكامل 6 سلندر فيه نظام التراكشن وهذا ميزة بحد ذاتها تنفرد بها ....

وفيه امر اخر الاكورد افضل واقوى بدي من الكامري خصيصا الكامري البدي حقها لو تضربه بيدك بوقس راح يترك أثر والي مو مصدق يجرب :D
الالتيما اعطيها التفوق من ناحية القوه والغيار اليدوي ...قيادتها ممتعه .... فقط

لذا الافضليه عندي الاكورد ....

يعطيك العافيه وماقصرت :)

والله شوف اخوي S2K .. يعني إذا جات على مجلات ترا بتلقى اللي يفضل الألتيما على الأكورد والأكورد على الألتيما ولو تبغاني اطلع لك ترا الإنترنت مليان وكلها ضغطة زر بجوجل والنتائج عندك ..

فأنا اشوف احسن خليك من كلام الجرايد والمجلات إلا إن كانت مجلات موثوقة ومجلات عالمية وكبيرة .. وما اعتقد اللي حطيته مجلة كبيرة اشوفها عادية لأنهم يوم قارنوا قارنوها بشكل عام ..

فأنا اشوف يعني التجربة خير برهان .. هذه ياحبيبي الألتيما .. وهذه الأكورد ..

انا عن نفسي وتراه مو تعصب اللي اشوف الأكورد تتفوق فيه على الألتيما هي الخامات الداخلية بس.. وهو شيء واضح .. وقد يكون قيرها الأتوماتيك افضل لكن انا ماهمني الأوتو .. اللي معاي قير عادي ..

لكن لو تجي للجنط هو اكبر مقاس وما ابغى اقول احلى لأنها قد تكون وجهة نظر ..
ولو تجي للمقاعد ترا الألتيما اريح بكثيييييير .. وهذا كمان شيء ملاحظ واصحاب الأكوردات معترفين فيه ..
لو تجي للأنوار الألتيما فيها زينون وكشافات ضباب والأكورد مافيها حتى الفل اللي ب 100 ألف مو موجود ..
ومن ناحية النظام السمعي انا جربت حق الأكورد وترا يقل وضوحه على الأصوات العالية وتقل جودته وتراه مو قوي مرة !! يعني رفعته انا إلى 40 بصراحة هذا زي درجة 14 في الألتيما !! ودرجة 31 في الألتيما تراها تصم الأذن عااااالية مرة وتسمع القزاز عندك يطق طق (تقول بينكسر) وفوق هذا اللي يدهشك انها واضحة مرة !! (نظام الستة سلندر حق الألتيما اعتقد يختلف عن الأربعة .. فيه سماعتين زيادة صغار قريب النوافذ توضح الصوت على الترددات العالية ..)
لو تجي من ناحية الأمان كمان الألتيما تتفوق فيها بشكل واضح من ناحية ان الحزام يشد على الجسم بشكل مايكون مضغوط مرة (الشغلة حساسات كلها) ومسندة الرأس ترتفع وتتقدم لقدام (للتصادمات الخلفية وهذه موجودة بأغلب السيارات الحين) والهيكل حق الألتيما ثقييييل (الهيكل لحاله فقط بوزن الأكورد كاملة) وفيه ماص للصدمات وغير إن الصدام الخلفي والأمامي ماص للصدمات كمان !! مع إنها فيبر لكنها ماصة للصدمات بشكل ملحوووووووووظ ..

اما الأكورد حسب علمي مو موجود فيها الكلام اللي فوق كله !! (اللي في الأمان) .. هذا غير انه طلع فيها خلل إن الإير باق لما يطلع في الأكورد يطلع مشقوق !! وهذه قريتها موضوع هنا عن خبر ان الهوندا سوت سحب لسياراتها الأكورد في امريكا تصلح الخلل هذا وهنا ماطبقوه عندنا لسه !!

غير إنه فيه خلل كمان طالع قبل كم يوم انه السيارة ممكن تتحرك وتشتغل والبريك مسحوب والمفتاح مو موجود !! وهذا الخلل طالع في الأسبوع هذا وسوت سحب كمان .. مع إن الخلل يشمل الأكوردات اللي موديل 2002 وانت نازل لكن واحد من الشباب معه اكورد 2005 والله ما اكذب عليكم انسرقت من قدام كازينو في المدينة (البستان) ولقاها بعد كم يوم مكسرة وحالتها حالة .. صح يمكن يكون حاط الأسبير في السيارة او شيء .. لكن انا عن نفسي ما اعتقد واحتمال الخلل فيها ..

ثاني شيء ترا الأكورد مافيها عزل كافي للماكينة والكمبيوتر .. امس يقول لي واحد معاه اكورد 2005 فل يوم راح الوكالة ايام السيول والأمطار لقى 8 أكوردات انحرق فيهم الكمبيوتر !! وكلها جاية على سطحة !! يعني هذولي لقوا لهم سطحات في عز المطر ورضيوا يشيلون السيارة في ذاك الوقت ..يعني اكيد فيه غيرهم كثير (اللي مالقوا سطحات في الوقت ذا) .. ويقول لي طقوها 3000 ريال زي الشباب ..

بعدين بالنسبة للرساوة .. الصراحة اسمح لي .. يعني انا ابصم بالعشرة إنك ماركبت التيما وسقتها زي الناس ..

انا ركبت الأكورد حقت الرجال وسقتها.. صح هي ثابتة في الطريقة بس تراها ماهي متماسكة .. يعني مع إني مشيت فيها إلى 160 لكن والله ما احسها متماسكة بذاك الزود .. يعني احس لو اتجاوز فيها بقوة راح تحوس معي ولا تتجود .. ثاني شيء حسيتها خفييييييفة الصراحة .. يعني لو امشي فيها 200 وفوق الصراحة اتوقع إنها تطير !! انا بصراحة يوم سقتها اسسستتتغررررربت .. قلت هذا مليون بالمية ماركب التيما ..

انا اقول لك اركب وشوف .. وعشان ماتهضم حقها بالمرة اركب التيما ستة سلندر .. خاصة إن تعليق الأكورد الأربعة سلندر نفس الستة ..

لكن اركب الألتيما الست سلندر صدقني راح تعرف إنك ظلمتها كثيييير .. ترا والله الكلام هذا مو دعاية مني ولا ماخذه من الشركة ..

لكن عن ناس مجربة .. انا وكثيييييييييير من الزملاء .. واكثر شيء راح يلفتك إنها ثقييييييييييييييلة بمعنى الكلمة .. وراح تجيب ال 180 من غير ماتحس (خاصة لو مشغل المسجل) ولا تقول فامب ماقال ..

وبعدين انت تقول لي ياخي كلام نيسان ارابيا دعايات ومنحازين؟؟ انا بصراحة مستغرب يعني هم لا قالوا الألتيما احسن من الأكورد ولا من غيرها .. هم جابوا لك مواصفات الألتيما هذا اول شيء .. ثاني شيء لما يقولوا نظام التعليق هو حق الزد مو اكيد يكذبون ومركبين حق الصني ! يعني معليش بس ترى انا وانت اكبر من كذا .. وكلامهم ترا مافيه اي شيء .. خاصة إنه الموقع هذا عبارة عن ترجمة للموقع الإنجليزي .. يعني اصغر معلومة خطأ تقولها نيسان في موقعها الأمريكي اصلاً تشوف قضايا في المحاكم وراحت الشركة في خرايطها ..

اما إن نظام التعليق حق الأكورد هو الأحسن في العالم انا الصراحة اشوفك تحمست مرة :)

الكلام يطول وانا الصراحة متأخر على الجامعة لازم الحق ولي رجعة ..

بايو ..

الاكورد اللي في المقارنه فيها تندا

شوف صفحه 82 الصوره اللي فوق على اليمين

وانا افضل الكامري

اللون الاسود والجناح طالعين رووووعه

^
^
^
خذ راحتك يالغالي ...

والنقاش كان جدا ممتع .. وأشكرك انت والأخ vAMP على ردوكم الجميلة واللائقة ..

وأتفق معاك حول نقطة ( أتحداك تطرحني ) :)

تحياتي لكم ,,

السلام عليكم جميعا وآسف على تاخر الرد لظروف السفر...

خاتمة تجربة المجلة العالمية Motortrend لكل من السيارات الثلاث وفيها تفوقت الأكورد بشكل واضح:

Conclusion
Previous versions of the Camry LE and Accord LX were each named IntelliChoice Best Overall Value based on lower overall costs of ownership in the areas of maintenance, repairs, fuel economy, insurance, and depreciation. There's no reason to believe these two consistent performers won't continue to do so in the future. And all three of the cars in this test are capable of delivering a positive experience from one end of the payment book to the other.

Nothing succeeds like success. The Camry is comfort food for the road, a solid, relaxing ride for tired bones. It's a value-priced, high-quality island of tranquility in a topsy-turvy world. But for the driver who occasionally likes to work a machine through an entertaining series of curves, the Camry is a rather dull instrument.

If the Camry consistently stays below the radar, both the Altima and Accord ping loudly on the enthusiast driving screen. The Altima, with its brassy good looks, roomy cabin, and snappy performance, misses greatness by the narrowest of margins, due to its preponderance of less-than-premium interior materials and sound-deadening attenuation.

The new-generation Accord, on the other hand, takes the honors in this hotly contested three-way based on high-quality presentation, sharp road manners, and generous interior accommodations. This is a fine, dual-purpose car that can double as a family hauler and a sport sedan.



ترجمة المقطع الأخير "آخر ثلاثة سطور" (الجيل الجديد من الأكورد يحتل مرتبة الشرف في هذا التنافس الثلاثي المحموم إعتمادا على الجودة العالية, دقة التوجيه والمواصفات الداخلية المتنوعة. هذه السيارة تؤدي واجبها باقتدار كمركبة عائلية رياضية) إنتهى.

وهنا الأكورد تظهر من جديد ضمن قائمة أفضل عشرة سيارات كأفضل سيدان عائلية حسب تصنيف مجلة Car and Driver:
http://www.caranddriver.com/article.asp?section_id=33&article_id=8922&page_number=1

وهذا مقطع من المقال:
Accord persists on the 10Best honor roll for traditional Accord virtues: rigid chassis, outstanding road manners, excellent powertrains, straightforward ergonomics, bulletproof construction, and a high fun-to-drive quotient by mid-size-sedan standards—all of which is a long way of saying value.

الترجمة "كلوا ببلاش ياشباب ولا يهمكم :D" (تستمر الاكورد ضمن قائمة الشرف لأفضل 10 سيارات بفضل مواصفاتها التي طالما عرفت بها من: شاسيه "أرضية المركبة" صلب, أسلوب قيادة رائد, نظام تغيير ممتاز, هندسة غير معقدة, هيئة بناء قوية وكمركبة ذات متعة قيادة عالية وكل هذا يمكن إختصاره بكلمة واحدة "القيمة العالية") إنتهى.
على فكرة.. التصنيف خلا من أي مركبة لنيسان مع وجود ثلاث مركبات لشركة هوندا...


عزيزي vAMP خليني أقلك إيش إللي قاعد يصير الآن...
أنا قاعد أعمل مقارنة بين سيارتين وأضع النتائج من واقع تجربة شخصية "أول النقاش.. ولكن للأمانة تجربة الألتيما تجربة قصيرة" ومن واقع عدة تجارب لهيئات مستقلة محايدة في عالم السيارات..
إنت قاعد تعرض بطريقة دعائية مواصفات سيارة معينة من موقعها الرسمي!!!
هل تعتقد أن موقع "نيسان آرابيا" راح يعطيك رأي محايد في "النسيان" ألتيما!!
عموما وكما ذكرنا سابقا الألتيما ذات ثبات ممتاز وللإنصاف فهي تتفوق في أرقام معينة على الأكورد ولكن إجمالا يظل نظام تعليق الـDouble Wishbone المتعدد الوصلات المعتمد في الأكورد من أكفأ وأفضل انظمة التعليق في العالم وهو أمر "بالإضافة إلى الشاسيه" لطالما تميزت وتفوقت فيه مركبات هوندا "حتى الصغيرة منها"...

بالنسبة لكلام أخوي العزيزي LEGACY المقنع لك ولغيرك "الغير مقنع لي ولغيري" فسبق وأن تحدثنا في هذا الامر في ردي السابق...
رأيكم في هذا الأمر لايشكل ولايمثل أي مشكلة لي إطلاقا :) فقط من حق المتابعين ان يطلعوا...

نحن هنا في منتدى راق الهدف منه مشاركة الآراء والإستفادة قدر الإمكان...
حشكته... حشكتك... حشكني... انحشكنا كلنا انا ما يهمني ذا الكلام :D..
المنتدى والاعضاء "إنت وأنا منهم" ما أعتقد نمشي على أسلوب "أتحداك تتطرحني!!" وصلت النقطة؟؟ ;)
ردودك المتزنة في البداية هي إللي شجعتني أفتح هذا النقاش معك..

أعتقد سلبنا حق الرجال في موضوعه..أقدم إعتذاري لصاحب الموضوع في الخروج عن النص..
تحياااااااااتي....

كان عندنا نيسان بلوبيرد .. قيرها عادي .. كان خشن فعلا .. ومع الوقت ما كان يبدل زين

أما بالنسبة للسيارة بشكل عام ، من ناحية الثبات والهدوء والاتزان فالأكورد تتفوق بصراحة ، مع إن الألتيما ممتازة

وهذا الكلام أقوله عن تجربة لأن عندنا الآن ألتيما 2005 وأكورد 2003 ووالله أفضل قيادة الأكورد على الألتيما

حسيت بمعنى ( هوندا )

لوووووووووووووووول ياعمري يالصقار انت .. مشكووووووور على الكلام الحلو ياعسل :)

===============

اخوي S2K

اول شيء معليش فيه جزئيات في كلامك مافهمتها بس جايك حبة حبة ..

اول شيء يالغالي انا صنفت الألتيما كسيارة رياضية من ناحية نظام التعليق .. هي لا تتميز بمقاعد جلد رياضية ولا غيره وخاصة إن الأمور هذا ماتدل على ان السيارة رياضية إلا من ناحية المظهر (الجلد والزبركات وغيره)

يعني القير ما اقدر اقول لك عشانه ست نمر يعتبر رياضي .. خاصة إنه كل سيارات نيسان اللي جاية بتكون ست نمر .. واعتقد حتى باقي الشركات كل السيارات راح تسير ست نمر .. لأنه معروف إلى قبل عشر سنوات السيارات كانت بأربع نمر فقط (اذكر مرسيدس شفته بأربع نمر قير عادي !! وفيه كورلا سمعت فيها موديل قديم بأربع نمر) وتطورت الدنيا وسارت السيارات خمس نمر والحين راح تسير بالقريب العاجل على باقي السيارات ..

من ناحية نظام التعليق واني اذكر لك الثنتين وتقارن انا قعدت ادور على موقع للهوندا عربي ولقيته تحت الإنشاء ..

عاد مافيه إلا اذكر لك الكلام اللي جايبه من موقع الشركة حق نيسان عن الألتيما وعاد انت جيب لنا عن الأكورد ..

وهذا الكلام ناقله حرفياً من موقع شركة نيسان العربي ولاحظ آخر مقطع الرابع وانتبه للكلامات الأخيرة زيين

يتوفر في ألتيما نظام تعليق خلفي مستقل متعدد الوصلات مستوحى من النظام المتوفر في سيارة 350Z الرياضية. ويكمن سر فعالية هذا النظام بمزاياه المقللة للاحتكاك الناتجة عن موقعه وما يحتوي عليه من مكونات الألمنيوم الخفيف. ولهذا أثر في رفع مستوى القيادة وكذلك إضفاء شعور رياضي سلس عليها. كما تم تصميم نظام التعليق الأمامي ليمنح أيضاً فوائد قيمة. فهو يحتوي على قوائم انضغاطية مثبتة على قاعدة العجلات ويقوم بعزل ضجيج الطريق عن المقصورة الداخلية.

فما هي تأثيرات هذه التقنية المتطورة؟

من شأن هذه التقنية المتطورة أن ترفع من مستويات التماسك وتزيد من ثبات وخفة حركة ألتيما.

وتحقق ألتيما توازن مثالي بين الراحة المتناهية والتقنية الفائقة. ولمن يبحث عن قيادة أكثر ثباتاً مع تماسك أكثر مباشرة مع الطريق، تم تزويد ألتيما 3.5 SE بنظام تعليق رياضي مع ماص للصدمات متين إضافة إلى قضيب موازنة خلفي أعرض.

=================انتهى الإقتباس ..


ثاني شيء انت تقول ..



- أنا ذكرت مثال الماكسيما الجيل السابق (95-99) ومثال الإكس ترايل فقط لأنك حكمت على نيسان ككل بتفوقها في "القيور" و"أنظمة التعليق" مع العلم في ردك السابق لم تأت لا على سيرة ديون ولاغيره مع إن أمر التعليق كان واضح "حتى بالنسبة لك!!" على الرغم من طول مدة وجود الماكسيما قيد الإنتاج!!
ونعم إلى الآن بالنسبة للجير أقولك إنت جرب الإكس ترايل واحكم..

الصراحة مع إحتراماتي الشديدة ترا ولا حتى فهمت ربع الكلام اللي تقول ! :) لكن بالنسبة للقير حق الإكس تريل ترا ماعندي اي علم بس ترا مو معناته قيرها تعبان سارت كل قيور نيسان تعبانة ! (الزبدة .. حشكته وبيصرف ومو عارف ايش بيسوي خخخخخخخخخخخ هههههههههه) بس الصراحة مالي تعليق عن الإكس تريل ..

بالنسبة للقير ترا اعيد واقول تسير من غير تسخين .. انا لو اسخنها ترا ماتسير هالحركة عادي !! وترا من يوم ماشريت السيارة إلا يومك (يمكن 9 شهور) ماسارت معاي إلا يمكن 5 مرات .. كنت مستعجل وطاير ولاحظتها .. (اغلبها لو تأخرت عن الجامعة :)) لكن لو تسخنها بالقليل خمس دقائق ماراح تحس بها الشيء ..

وهذا الكلام مصدر كلامي اللي قلته بردي اللي أول .. جبته من العضو LEGACY بأحد المواضيع .. وكلامه مقنع صراحة وخش مزاجي .. وماشاء الله له فوق 3000 مشاركة ..
=================
مثل ما قال اخوي كام بالنسبة للأنوار ....


اما بالنسبة للجير .. لا تشيل .. هم عارف انا ويش تقصد بقولك فيه خشونة ....

وهذا امر طبيعي جججججدا ... بالذات في سيارات نيسان .. وسوبارو .. ومازدا .. فيهم خشونة شوي ... لكن مو الى ذيك الدرجة

وتحس انه تمسك وياك شوي في الجير وتالي تعشق ... يعني وانت تعطيها اول او ثاني .. تحس بدغدغة شوي ((حلو التعبير )) خخخخ

عزيزي هذا امر طبيعي ...


لكن لو ركبت كامري الجديدة 2003 وصاعد .. وايظا اكوردات 1998 وصاعد .. ابد الجير يروح ويجي .... يلعب على قولتنا .. يعني ما يمديك تحركه الا راح ..


وطبعا هذي هندسيات تختلف من شركة الى اخرى ...


والله يعطيك خيرها ويكفيك شرها ...

============

هذا اللي عندي للحين ..

تحياتي ..

حياك أخوي وأحي فيك ردودك المتوازنة..

طيب خلينا نفصل الموضوع لنقاط عشان تسهل المناقشة مع إننا في كل الأحوال أحباب |1|

- على اي اساس صنفت الأكورد صالون ذات الاربعة أبواب عائلية والألتيما صالون ذات الأربعة أبواب رياضية؟؟
إذا إعتقادك مبني على الدعايات "والدعاية هي في الواقع كلام الشركة الأم بس مزبرق" فما أعتقد إن الأغلبية يرون في الدعاية مصدر موثوق...
إذا عندك تصنيف معترف فيه أو موقع وضع هذه السيارة في خانة السيارات الرياضية فأنا أول واحد يرحب بيه..
إذا كنت معتمد على نوع التعليق في كلتا السيارتين فدا بزاتو :D هو إللي نبغاه..
ماعليك في الكلام المستهلك "سيارة رياضية ولا الثانية ذي.. كوبيه بأربعة أبواب!!!"
حطلنا تفصيل لنظام التعليق في كل من السيارتين ونحكم..
وأكيد ننتظر تجربتك...

- أنا ذكرت مثال الماكسيما الجيل السابق (95-99) ومثال الإكس ترايل فقط لأنك حكمت على نيسان ككل بتفوقها في "القيور" و"أنظمة التعليق" مع العلم في ردك السابق لم تأت لا على سيرة ديون ولاغيره مع إن أمر التعليق كان واضح "حتى بالنسبة لك!!" على الرغم من طول مدة وجود الماكسيما قيد الإنتاج!!
ونعم إلى الآن بالنسبة للجير أقولك إنت جرب الإكس ترايل واحكم..
أنا بمعلوماتي الضحلة لا أستطيع أن أنفي قدرة شركة كبيرة كنيسان على صنع أنظمة غيار متطورة ولكنها في إعتقادي أبدا ليست رائدة ولا متميزة في هذا المجال...
أخوي هناك فرق بين غيار "يخترب" يعني "غير إعتمادي" وغيار "مزعج" أو "غير إنسيابي" وكثير الاستهلاك..
أرجوك لا تنسبلي أحكام لم أصدرها :)

حكاية "الحكة ماتصير إلا إذا ماسخنت" فردي راح يكون بالتجربة السابقةالذكر للألتيما مدعومة بتجربة مطولة للإكس ترايل.....
العائق بين الغيار الأول والثاني كان واضح ومزعج بشكل كبير في الألتيما محل التجربة ولم يكن للأمر أي علاقة بتسخين السيارة...
لو كان الأمر يتعلق بتسخين السيارة عشان ما "يحك" الغيار فأكيد إن نيسان "تنفرد" بهذه الميزة من بين نظيراتها ;) وهو ملاحظ بشكل جدا كبير في الإكس ترايل والألتيما وبشكل بسيط في الصني..
وعلى فكرة إعتقادي كان إن هذه "الصفة" مب موجودة إلا في الكيا والهيونداي :D
باختصار إذا الشباب مثلك إعتبروا أن مسألة "الحكة" أمر عادي غير مهم أو غير ذات تاثير على راحة قيادتهم فتأكد إن الرأي الآخر أولا وأخيرا فوق راسي وهو محل تقدير مني واهتمام...
فقط من حق القراء والمتابعين أن يعرفوا ان هذا الأمر كعيب "رأيي الشخصي الغير ملزم" او كميزة لا يحدث في مركبات هوندا..

هذا ما يحضرني حاليا :D الكلام يطول والنقاش حلو وآرائي تحتمل الخطأ والصواب...
ياريت الأخوان يشاركونا بمداخلاتهم..
تحياااااتي.....

فامب


احييك على روحك الرياضيه وردودك الحلوه

تحياتي لك

سلام ياحلو ..

اول شيء تقول لي الأكورد ثابتة اكثر من الألتيما انا الصراحة ما اعتقد ذا الشيء !! يعني انا ماجربت مع ان الزملاء اغلبهم معهم اكوردات عشان كذا بأشوف وأرد لك .. لكني اقول لك من الحين ما اعتقد ما ادري ليه !!

ياخي السيارة هذه سيدان عائلية نظام تعليقها عاادي والألتيما رياضية معقولة بتكون ارسى وأثبت؟

انا الصراحة ماجربت لكني بأجرب وأشوف ..

ثاني شيء بالنسبة لسالفة الماكس ياخي الشركة من يوم ماطاحت بالديون من عام 98 او شيء قامت تستخدم مواد رخيصة ومواد غبية وغيره من هالكلام .. لكن الشركة تغيرت إدارتها من فترة تقريباً 2001 او 2002 واعترفت بأخطائها السابقة وهذا هو عندك الألتيما والزد نظام جبار واللي احسن من كذا بقوة المورانو والأرمادا !! احسن مافي السيارتين هذه نظام تعليقهم وادخل على مواقع المجلات الأجنبية وروح اقرا !! مستخدمة نيسان تقنيات غريبة وعجيييبة من جد ..

طيب تقول لي من عام 2002 وماغيروا نظام التعليق في الماكس انا اشوف ان هذا الشيء صعب شوي .. يعني في الماكس الجديد الشكل المختلف النظام تغير مرة .. وعاد عندنا مايقدرون يغيرون الماكس الحالية باللي برا حتى تنزل منها اربع موديلات ورا بعض من نفس الشكل !! (قانون دولي على ما اعتقد) فانت اصبر على الماكس الجديدة واحكم .. لكن يجون في الماكس الحالية ويغيرون نظام تعليقها عشان عيون السعودية بس (والخليج)اعتقد الشيء هذا صعب شوي ومكلف مرة وقد يكون ماله داعي بوجود الألتيما .. لأن الإقبال الحين على الماكس قل مرة ..

بالنسبة للقير يالغالي انا شفت واحد بالمنتدى هنا كتب ان هذا الشيء شيء عادي !! وموجود بالألتيما والسوبارو وكم سيارة ثانية !! لكن غير موجود بالكامري والأكورد ! والسبب هي هندسيات للقير !! يعني شيء عادي هذا اول شيء !!

ثاني شيء الحكة اللي تقول عليها ماتسير دايم !! يعني ما ادري عن الأكس تريل لكن بالألتيما تسير لو ماسخنت السيارة جيت تعشق من الأول للثاني تشوف القير دخل لكن كأنه حك بحديدة !! يعني هو يعشق عادي ويبدل عادي لكن من الأول للثاني تحسه بعد مايدخل يحك بحديدة يعني ما ادري كيف اوصف لكن بعد مايدخل تسمع حركة كذا وهذه تسير من اول مرة وبعدين مايكون فيه شيء لما تبدل عادي !! وماتسير إلا من الأول للثاني وماتسير إلا إذا ماسخنت !! حط تختها خطين هذه !! لو ماسخنت وماتجي معاك إلا مرة وحدة ..

وبعدين سمعت في قسم الورشة هنا إنه القيور بشكل عام يبغالها تسخين تمشيها نص كيلو او كيلو من غير حرق كبير !!

قد يكون هذا سبب الحكة مع إنها ماتسير إلا في الثاني بس .. اما الباقيات مافيها اي مشاكل ..

اما قصدك إنها تحك او غير إنسيابية لما ترد نمر اعتقد ذا الشيء شيء عادي ..

ثاني شيء ترا التبديل في الألتيما ترا ماتلقاه لا بأكورد ولا كامري ولا بغيره !! النمر تتزحلق زحلقة !! هذا احلى شيء .. اضغط كلتش وحرك القير بس تشوفه والله تزحلق على طول .. وروح الوكالة وجرب .. انسيابي مرة !

اما سالفة ان القير دايم يخترب في نيسان ويحتاج قطع غيار الصراحة هذه اول مرة اسمعها ..

وفيه كلام سمعته من واحد خبيييير في الياباني في التويوتا والنيسان يقول اول اقوى قير نزل على سيارة عادية كان على الألتيما موديل 93 او شيء .. يقول "كان عليها قير مو صاحي" << مقتبس بالنص :)

تحياتي ومعليه على الإطالة .. الشغلة لاتعصب ولا شيء بس حبيت اوضح بعض النقاط ..

ألف شكر على تفاعلكم يا شباب ..

وبالأخص الأخ vAMP والأخ S2K

وان شاء الله لي رجعة .. :)

تحياتي