### ما عقوبة من يمشي بدون رخصة ؟؟ وهل صحيح أنه لو صدمه أحد الخطأ عليه 100% ؟؟ ###

مايسويها لانه اصلا نظاما مايقدر






طيب اذا قالك ياذكي لا انا ابي المرور يجي عشان يقدرون الحادث واستلم ورقه الاصلاح وش تبي تسوي ؟؟



او اذا كنت انت المخطي وش تسوي ؟؟




واحب اعلق على كلام اخوي كنود

وش دعوه ياخوك يعني نبي نكذب عليك ؟؟

اعامل رخصه يمكن قصده


يعني رخصه جايه على طريق مابعد تخلص معاملتها


وشكرا

اخوي المتميز من تجربتي اعرف اثنين من خوياني ما معهم رخصة ولا تصريح وواحد منهم يوم سوا حادث حطو الغلط على الثاني اللي معاه رخصة بنسبة 100% لأنه ماخذ يوتيرن ودخل اليسار على طول على خط خويي بدون ما يتأكد من خلو الخط من السيارات

والثاني طاح في يد عسكري نذل شوية بس الصراحة كان هو الغلطان لانه متجاوز السرعة القانونية داخل المدينة وهي 80 فخوي كان ماشي 140 وسوى الحادث خش في سيارة ثانية لكن ما انحجز لانه قريبه يشتغل في المرور

يعني لو عندك واسطة امشي وانت متطمن وما عليك في احد وهذا الكلام من واقع تجربة

مشكورييييين يا شباب جميعا ..

صراحة استفدت منكم واجد :)

----------------------------------------------------

أخوي / كينود ..

أنت تقول : " اذا سالك قله قاعد اعامل في الرخصه يمكن يمشيك "

وش معنى ( قاعد أعامل في الرخصة ) ؟؟

ما فهمت عليك ..

وما قصرت :)

يا جماعه الخير مانبي فتاوي
نبي ناس مجربين زي الاخ جداوي بقوه صحيح كلامه 100%
اذا سالك قله قاعد اعامل في الرخصه يمكن يمشيك ( وهذي الحركه تنفع كثير مع العساكر وانا مجرب ) ويمكن يعطيك قسيمه 100 ريال لعدم حمل رخصه و100 ريال على عدم وجود تامين .......... مافي لاحبس ولاكلام فاضي

بالنسبه للحوادث انا مسوي حادث قبل شهر يعني قبل الاختبارات النصفيه وماعندي لارخصه ولا تامين
يوم رحت للملازم جالس يكلمني ولاسال عن الرخصه ولا شي وقدرو الحادث بدون رخصه بس في حاجه يسويها لك الملازم
يقعد يهزئ فيك الين ماتطفش يعني الرخصه مالها صلاح في الحادث واذا كان لها صلاح العسكري راح يقدرلك 25% للرخصه فقط
بدون التقدير حق الحادث الاخر وماله حق يعطيك 100% في الخطأ

انا مـــــــــجـــــــــــــــرب
نبي ناس مجربين
وانشاء الله اكون افدتكم

انا اقولك

على كيف شرطي الي امسكك

مثلا انا مسكنا واحد طيب في تفتيش وقالي جب رخصه قتله مهب عندي خذ البطاقه وعطاني ايها وتالي قالي امش

فمان الله بدون غرامه ولاشي

واحيانا يمسكك ويقولك ادفع غرامه 100 ريال بس رخيصه مهب واجد


اما الحوادث ماادري عنها

وشكرا

حبيبي انا كم مرره اتمسك قبل ما اطلع رخصه



اهم حاجه يكون معاك الاثبات ((بطاقه احوالك))))


وسلام سلام تاخد مخالفه عدم حمل رخصه وقيمتها 100 ريال


وانا متأكد 100% لأني مجرب

وسلملم يا عسل

بندر بستن ..

مشكووور وما قصرت على أفكارك الحلوة .. :)

في الكويت
اذا مامعك رخصه
تسحب السياره والبطاقه الشخصيه(ويسحبونك احيانا اذا كان مزاج العسكري مو اوكي)
وتدفع غرامه(50 دينار)
واذا كان الشرطي نذل يحولك على المحكمه
وتنطر جلستك طبعا مايحجزونك لحد موعد المحاكمه
ولاجا وقت المحاكمه يسألك القاضي ليه كنت تسوق بدون رخصه انت عاد طلعله عذر معقول وينصدق واكيد راح يصدقك ويقولك خلاص غرامه وبس
وناس يقولون يأخرون قصة الليسن الى 3 شهور او شهر (مومتاكد من هالكلام واضن انه مبالغ فيه)
بالنسبه اذا صدم الشخص ومامعه رخصه الخطأ راكبه 100% لانه شخص مايحمل رخصه وبنظر القانون(غشيم مايعرف يسوق)(بالله عليكم ابو هناد معهم رخص وماطلع منهم الا 0.5%يعرفون يسوقون الباقي غشمان)ماعليه
يعني في حالة مامعك رخصه وصدمت ويمكنك(انك تحط رجلك0(بمعنى اخر تطلق لرجليك العنان)انصحك انك تنحاش ويروح اخوك للمخفر ويسوي نفسه سيارته مسروقه ويقولهم توني جيت اباابلغ عنها وراح تسترجع السياره لصاحبها
واكثر اللي يصدمون ومامعهم رخصه والسياره قادره على المشي يدعس ام البانزين ويفك حاله حتى لو كان مغلوط عليه

وشكرا لك اخوي على طرح الموضوع وارجو اني ماكنت ثقيل وسامحونا على القصور

سلاااااااام

مشكووور أخوي الصقار .. وفيت وكفيت ..


إذا كذا زين ..

طيب تعال .. افرض أنت ما طلعت رخصة .. وجيت عند تفتيش .. قالك الرخصة ؟ قلت أنت ما طلعت ..
قال اركب ..

وش تسوي في هذي الحالة ؟؟


صراحة مشكلة هذي ..

لكن أنا عندي حل لها ..

إذا كان هو المخطي بالحادث .. بيجيني وبيقول معلييييش آسف وكذا ..

أبقوله أنا .. خلاص مسامحك .. كل واحد يصلح سيارته ..

أكيد بيوافق وبيستانس ..

وكذا .. أنا أريح لي ;)

صح أني بتخسر .. لكن أحسن من أني 1- أحجز ، 2- وأصلح سيارته ، 3- وسيارتي ..

وش رايك فيني ؟؟ |1|

نتمنى ان الأمور وضحتلك اخوي المتميز

والاخوان ما قصروا

ولا تتهاون بعدم استخراج أو حمل رخصة قيادة أبدا.

السؤال الاول اقولك مافيه حجز بس مخالفه على البطاقه الشخصيه ( الاثبات)
السؤال الثاني اقولك فيه حجز والخطأ عليك ميه في الميه وحتى اذا كنت مطلع رخصه بس ما امنت بعد يحجزونك حتى تدفع المبلغ حق الحادث او تدفع كفاله

زين .. يعني اللي فهمناه .. أن عليه غرامة 300 ريال ..

طيب فيه سؤالين .. ودي تتأكدون منها ..

الاول / هل فيها حجز ؟؟ لأنه ما طلع رخصة ؟؟

الثاني / إذا صدم الخطأ عليه 100% ؟؟ ويحجز بعد ؟؟

الصقار جاوب على الثاني بأنه صحيح هالكلام ..

ودي نتأكد زيادة ..

ومشكورين كلكم .. وما قصرتوا :)

شباب ممكن توضحون اكثر ؟؟

اللي ماعندة رخصة ووقفته الدورية نظاما يعطى قسيمة عدم وجود رخة قيادة وليس عدم خمل رخصة قيادة لان الثانية للي عندة رخصة وناسيها في بيتهم مثلا اماالاولى للى ماعندة خصة من الاساس طبعا تفرق في السعر فالوالى ب300 ريال والثانية 100 على ما اظن وطبعا القسيمة تسجل على الاثبات

بالنسبة للحوادث ماعندي خلفية

اللي يمشي بدون رخصه ياخذ مخالفه على البطاقه الشخصيه

واذا صدم يكون عليه الخطا 100 % ويحجز بعد حتى يتم دفع المبلغ اللي عليه