الافضلية بين شراء لكزس LS430 وبين Q45... وتصويت أيهم أفضل...!!!!

والله يابوي ما دريت انك تزعل من المزح ، اذا كنت كذا قل لي انت ما تحب المزح وما عاد امزح معك مرتن ثانية ، وبعدين انت نكتة ما اعتبرها ذم ، بالعكس هي زي ما تقول انها مدح اذا كان اللي تقولها له دمه خفيف ويقول نكت حلوة ، عموما حقك علي وانا آسف

بالنسبة للاف اكس ، انا اعتبر هذي وجهة نظرك انت في السيارة ولا اقدر اجبر نفسي او غيري يجبر نفسه انه تكون وجهة نظره في السيارة موافقة لوجهة نظرك ، انا اشوفها من افضل سيارات الكروس اوفر وافضلها على باقي السيارات من الاكس 5 والطوارق والكايين ، لا تقولي معليش ومهوب معليش ، هالشي خاص فيني انا ولا لاحد علاقة فيه ، مسألة ان سيارات الانفنيتي ما تعجبك هالشي راجع لك لكن انك تمحيها من الوجود وتعتبرها سيارات عادية فهالشي ما يخش العقل

انا ما قلت انك قايل هالشي ، انا فهمت هالكلام من الكلام اللي قلته يوم تقول ان اللكزس اثقل يعني انك تقصد انها اكثر ثبات لكن لما تبين لك ان الانفنيتي اثقل انت اللي ناقضت نفسك وقعدت تقول من يقول ان الاثقل اكثر ثبات ، بالنسبة لوزن الكبح زي ما تقول انا شفت كل المواقع ولقيتهم كاتبين زي ما كتبوا موقع اللكزس ومنها موقع MSN المشهور ، ادخل على مواصفات اللكزس موديل 2005 وشف وش كاتبين ، الرطل = 0.454 كجم بالضبط وعليك الحساب ، يعني اذا كان وزن اللكزس بالرطل 3990 رطل فشي اكيد راح تكون تحت الـ 2 طن اللي تساوي 2000 كجم ، مسألة ان اللكزس انك متأكد انها فوق الـ 2 طن عطني طيب دليل او اثبات على هالشي حتى اصدق كلامك

الانسيابة انا معك ان لها دور في الثبات لكن مو هي اللي تخلي الموتر ثابت او لا ، حاجات كثير اللي تخلي السيارة راسية منها : الوزن و الانسيابية و مقاس الكفرات والجنوط و نوعية الطريق نفسه لها دور بعد ، انا اعرف ان اللكزس انسيابيتها اعلى من الانفنيتي وكل السيارات الفخمة الباقية لكن هل هي ارسى من البي ام او الفياقرا ؟ عمر الانسيابية ما كانت السبب الرئيسي في الشي هذا عشان ابين لك انه مو معنى ان انسيابية اللكزس اعلى تخليها ارسى من الكيو 45

اجل محد درى عن الانفنيتي ، الظاهر انها ما تباع الا على سطح القمر بس عشان كذا محد درى عنهم ، لعلمك : انفنيتي هي اكثر علامة في السيارات الفاخرة في امريكا زيادة في المبيعات في السنتين الماضية ، وفرق المبيعات بين عام 2003 و 2004 صار زيادة مقدارها 17% عن السنة اللي قبل وهذا اكبر دليل على ان ما فيه احد يدري عنهم ، والله شي يضحك بصراحة ، انت ما ادري ليه مستهين بالانفنيتي للدرجة هذي ، عطهم بس شوية وقت وشف وش بيصير باللكزس ، حلوة منك وش عندها مرسيدس عقبال ما تطلع الانفنيتي مثل المرسيدس واحسن ان شاء الله

اعتراضك هذا هو رأيك الشخصي ، مو لازم ان كل الناس تكون عندهم اللكزس مميزة اكثر من الانفنيتي ولا احلى من الانفنيتي ، انا اشوفها احلى من اللكزس ومميزة اكثر وغيري كثير يشوف الانفنيتي بنفس نظرتي هذي ، يعني انا مو مجبور اني اصير مثلك يا سيدي العزيز

بالنسبة للقوة انا اول مرة ادري عن هالشي اللي ذكرته ، القوة دائما وابدا تحسب على عزم السيارة اللي ينتجه المحرك ، كل ما كان المحرك ينتج عزم اكبر على سرعات دوران اقل راح يكون افضل واقوى واسرع استجابة وهالكلام يؤكد تفوق محرك الكيو 45 على محرك الـ 430 ، 333 رطل على سرعة دوران 4000 افضل من 320 رطل على 3600 ، اما مسافة الربع ميل ما ادري عنها ، اذا عندك شي حط اللنك هنا خلنا نشوفه اما مسألة الخط فانا اتوقع الانفنيتي لان عزمها يخليها تجيب سرعات اكبر من اللكزس واذا كان على النظام حق العزم الموجود في اللكزس فهر متوفر في انفنيتي باسم انفنيتي تورك دايمند اللي يزيد العزم بشكل اوتوماتيكي بدون ما تزيد الدعسة اذن في الشي هذا هم متعادلين ويظل العزم هو اللي يفصل بين السيارتين وهو لصالح الانفنيتي في كل الظروف

اما المراتب فما ادري هل فرقت بس عشان التهوية ؟ شف اللكزس الـ 400 موديل 2000 ما فيها تهوية لكن هل هالشي قلل من فخامتها ؟ الفرق بين الـ 2004 و 2005 هي التهوية وان المقاعد صارت مخرمة عشان السبب السابق ذكره ، والله ما ادري وش جابها للماكسيما

بالنسبة لآخر سطر انت كاتبه فهو بصراحة احلى ما في الرد حقك ، بالله ما سألت نفسك الي انت فيه الحين وش تعتبره ؟ هذا هو التعصب بكبره ، مسألة انك تلغي شركة بكبرها وسياراتها من الوجود عشان اللكزس هذا اكبر تعصب

نكهة البنزين

من قال لك ان عزم اللكزس اقوى ؟ عزم اللكزس بالقدم 320 على سرعة دوران 3600 د.د اما عزم الانفنيتي فهو 333 قدم عند 4000 د.د و قوة محرك اللكزس بالقياس الصافي اللي هو ادق من القياس الاجمالي المعتمد عندنا هو 290 حصان فقط لا غير مو 332 حصان اما قوة الانفنيتي بالصافي فهو 340 حصان وبالاجمالي هو 365 حصان وهذا هو الدليل
http://www.lexus.com/models/ls/specifications.html
اما بالنسبة للرساوة فما ادري ، سيارة بالوزن هذا معقولة تصير مثل الددسن في الرساوة ؟ سيارة وزنها 1887 كجم بتصير زي الددسن في الثبات ؟ حدث العاقل بما لا يليق ، فإن صدق فلا عقل له |2|
اما قوة الانارة مهوب انا ولا انت اللي نحكم على هالشي ، المفروض فيه جهة هي اللي تحدد قوة الاضاءة وانتشارها وتكون معلنة للكل عشان تكون الناس على بينة وبالنسبة لموقع المسجل هم مخلينه في الدرج لان الناس الحين بدت تستخدم السيديات اكثر ونادر اللي يستخدم الكاست وعلى فكرة ، اغلب سيارات الانفنيتي بالشكل هذا ولا تنسى ان الكاست الحين في طريقه للزوال من السيارات ولعل الهوندا والفياقرا هي من يثبت هالشي ، بالنسبة للمقاعد بسألك : هل الماكسيما فيها تهوية للمقاعد الامامية والخلفية ؟ هل الماكسيما فيها مقاعد السيارة بأكملها كهربائية ؟؟ اما اذا جيت للشكل فما ادري من وين يتشابهون معه ، مقاعد الانفنيتي مخرمة اما الماكسيما لا حتى الشكل العام والفخامة فرق بينهم كبير ، يمكن الالتيما تشبه الماكسيما صح :D وبعدين نصيحة لك يا خوك : لا تطير في العجة وتاخذ بكلام غلط في غلط

قبل كل شي انا يا بوي ما غلطت عليك عشان تقول احترم الفاظك وتكلم باسلوب محترم ، ما ادري هل المزح صار قلة ادب واسلوب غير محترم ؟ انت مزحت معي ولا قلت لك تكلم معي باحترام

ما ادري انت ليه تقلل من قيمة الانفنيتي .. الانفنيتي اللي مو عاجبتك توها الحين تشتغل صح بسبب الادارة الفاشلة اللي كانت ماسكة الشركة ، هي كلها مسألة وقت وراح تشوف العجب من انفنيتي ولعل البداية بالسيارات الجديدة FX وQX و M الجديدة اللي تثبت ان هذي هي البداية فقط والجاي احلى ، انت بس اصبر وبتشوف اما مسألة ان الـ 2005 بـ 150 الف هذي ياحبيبي هي الجي 35 الجديدة مهيب الكيو 45 واللكزس الـ 2004 شي معروف انها بتكون فوق الـ 200 الف لسبب بسيط وهو ان سعرها جديدة بـ 250 الف او نقول بـ 245 الف ما راح ينزل منها الا 20 او 30 الف وهذا طبعا على نظافة السيارة

اجل بيبع بـ 100 :D الظاهر انه لاقيها بالشارع عشان يبيعها بالمبلغ هذا ، هذا سعرها بـ 120الف واذا تبي تشتري تراني جاهز :D وبخليه يزود سعرها عشان ما تشتريها :D اما بالنسبة للثبات فكلامك قمة في التناقض فأول رد لك تقول ان اللكزس اثقل يعني اكثر ثبات لكن الحين لما عطيتك الحقائق بالارقام تقول لي : الحين اذا سياره اثقل من سياره يعني ثباتها احسن؟ لا وابشرك اللكزس صار وزنها 1810 تقريبا وهذا الدليل لو حبيت تتأكد
http://www.lexus.com/models/ls/specifications.html
مكتوب في الموقع ان وزنها 3990رطل يعني بعد التحويل الى كجم تصير الرقم اللي ذكرته لك فوق ، اما بالنسبة للبورش والجمس ما ادري وش جاب السما للارض :confused: الحين وشلون تقارن سيارة ضخمة ومرتفعة عن سطح الارض ومعامل جرها او الانسيابية يوصل الى 0.40 تقريبا بمقياس سي دي بسيارة رياضية انسيابيتها ما توصل الـ 0.20 ، بالله عليك فيه احد فاهم بالسيارات يقارن هالمقارنة البشعة هذي ؟؟ما فيه اي وجه مقارنة بين هالسيارتين وخصوصا في الثبات والرساوة على الخط لان هالشي بيكون لصالح البورش اكيد بغض النظر عن الوزن ، انا هنا اقارن لك سيارتين من نفس الفئة لان انسيابيتهم تكون متقاربة جدا

اما بالنسبة لموضوع الثبات انا اقول واقصد لو كانت السيارة زي الماكسيما في الثبات والاتزان ليه الانفنيتي تغامر بسمعتها وتنزل سيارة اتزانها اي كلام بالنسبة لغيرها من السيارات الفخمة ؟؟ وطبعا شي اكيد ان من الشروط اللي تطبقها المصانع على السيارات اللي تنتجها انها تكون على اعلى المواصفات المطلوبة ومنها الثبات ولا ليش الشركات تسوي اختبارات وتصرف مئات الملايين على السيارات الجديدة ؟؟

مجلة سعودي اوتو انا اقراها لكني ما استقي معلوماتي اللي انت تشوفها منها لاني ادري انهم ما يجيبون كل شي بالارقام الدقيقة لاغراض شخصية للاسف الشديد ، وبعد معلومتك اللي قلتها عرفت من اللي ياخذ معلوماته من سعودي اوتو واللبيب بالاشارة يفهم ;)

وبعدين مهوب بس اكورد وبس اللي تعجبه الانفنيتي ، فيه ناس كثر ردوا على هالموضوع واعجبتهم الانفنيتي اكثر من اللكزس بمعنى ثاني انها مميزة عندهم اكثر من اللكزس ولعل من بينهم سوبر ماوس وعابر سبيل 5 وسيد الجروح ، بالله عليك هل كل هالناس ما عندهم نظر ولا ما عندهم ذوق عشانهم ما اختاروا اللكزس ؟؟