السلام عليكم ..
اولا اقولك اهلا فيك اخوي بينا نحن الاعضاء في المنتدى الرائع .
ثانيا اهنيك والله على حسن الاختيار وبأذن الله ماراح تندم على اخذ هذه السيارة ذات الجودة العالية ماشاءالله .
اما من ناحية استفسارك فتطمن اخي الكريم وبأذن الله موديل سنة 2006 ماراح يتغير من الخارج فقط من الداخل تغييرات بسيطة تتمثل في : مقود السيارة .. ولو تردد في خاطرك تسالني كيف عرفت برد عليك وكما يعرف الجميع من اصحاب الخبرة في السيارات ان نحن في دول الخليج يصلنا الموديل وبشكله المجدد متأخر كما حصل في عام 2002 نزل في الخليج نفس شكل موديل 2001 بينما في البلدان الاخرى مثل امريكا نزل عندهم الشكل الجديد ونحن نزل عندنا في سنة 2003 .. يعني نحن متأخرن بسنة عن غيرنا .. ولكن وكما يقال ( رب ضارة نافعه ) وهو صحيح نحن متأخرين لكن نستفيد اننا نعرف اذا تم تغيير اي شئ في الشكل او شئ اخر وهذا اللي صار نزل في امريكا وبعض الدول موديل 2005 نفس موديلنا من الخارج لكن من الداخل يختلف المقود ( الدركسون ) بينما نحن ماتغير عندنا لذا اتوقع بيتغير عندنا في موديل 2006 .. هذا والله اعلم ..
ولو بتسأل عن رأيي في السيارة فهي سيارة جديرة وتستحق الشراء وانا ولله الحمد امتلك موديل 2005 GLI 4 سلندر .
ثانيا : يقولون فيه نوع جديد اسمه زد ون فيه اضافات رياضية و6 سلندر .. ؟
بصراحه اول مره اسمع فيها منك .. يمكن يكون نوع جديد نازل الله اعلم .
ثالثا : ابي تقولون وش رايكم وش اطلع اي نوع ؟؟؟؟؟
طبعا وقبل كل شي الراي في الاول والاخير هو رايك انت عزيزي لانك انت اللي بتشتري وانت اللي بتستخدم ..
فشوف نفسك .. تبيها لقوة وعزم قوي خذ 6 سلندر .. واذا تبي قوة معقولة واقتصاد في الوقود خذ 4 سلندر ومن ناحيتي انا انصحك بـ 4 سلندر GLI والله ماعليها اي كلام وحتى في القوة ماتخيبك ان شاءالله وتعجبك .
وبالتوفيق اخوي واي استفسار ان شاءالله انا وباقي الشباب ماراح نقصر .
اخوك THE MAX
