أيهم تفضل في الطعوس لناقل الحركة (أرجو الجميع الدخول)

العادي افضل وارييح للسيارة .. واسهل للتحكم في البر ..

مشكور اخوي طير نجد وشرفتنا بحضورك
نريد ردود وتفاعل أكثر يا شباب

مشكور أخوي ونريد تفاعل أكثر

سلام

انا افضل الاتوماتيك لان الاوتوماتيك لما يبدل النمرة ماينتع يعني مايحفر مثل العادي وغير كذا العادي ضجيج الجير فيه اعلى .

تحياتي ..

مشكورين أخواني على الردود
أنا أتفق مع أخوي في مسئلة S.TOURING (وكل واحد وذوووقه) يعني ليس أجبارا أن يكون الشخص يحب نوع معين ويرغم الشخص الأخر أنه هو الأفضل هو على الذوق ومثل ما هو مكتوب في الموضوع أيهم تفضل لا أكثر ولا أقل.

هلا اخوي salehhd...
لو تنتبه نهاية الرد راح تشوف --.. وكل واحد وذوووقه ومشكور عالموضع...--
وفيه ناس كثير مايرتاحون للقير الاوتو مهما كان وشكرااااااااااااااا لك.

مع احترامي للاخ س تورينق

الهوندا مثل الكابرس ما ييصلح الا اتماتك

وقيور الهوندا تعتبر من اقوى القيور الاتماتيك في العالم
ياشين السيارة وهي كاملة المواصفات وفيها مثبت سرعة وهي قير اتوماتك

99 %من السيارات الفخمة قيورها اتماتك

محسومه للعادي في الطعوس مايبيلها واحد ثنين .... اغلب الي اعرفهم مايفكرون يشترون غير العادي يعني مثلا كم واحد اقوله وشرايك في الاكورد يقول ماهي حلوه اقول ليش يقول الفل كامل مافيها قير عادي.. وكل واحد وذوووقه ومشكور عالموضع...

السلام عليكم موضوع شيخ اخ ابو اسد احب اهنيك باختيارك له

انا بصراحة ماعمري صعس قبل ما اشتري الباث قبل 4 شهور

وخت غير تماتيك وكنت خافي اصعس فيه تعرف الفشيله اذا غرزد

بس رحت هاف مون عندها في الدمام ونسمت الكفرات وتوكلت على الله

بصراحة القير الاتماتك مريح جداً ماعليك الا انك تدعس بنزين وتمشي وتتمتع ما يحتاش تطلع وتنزل نمر اذا حبيت ترجع نمرة ادعسة وهو يقوم بالباقي

وحسب ما اعرف ان اغلب الجيوب الامريكية وحاليناً اليابانية صارت قير اتماتك عادي بس الاساس طبعاً اوتو

القير الاتماتك زي ماقالو الشباب تطور بشكل كبير جداً واتوقع ان اغلب السيارات الجديدة راح تنزل قير اتماتك وراح ينلغي العادي

يعيب على القير الاتماتك صرفيتة للبنزين ويحتاج الى صيانة اكثر

السلام عليكم
كيفكم تمام
انا افظل الاتو متك عشان انا طول عمري ما اسوق إلا اتو متك على فكرة عمري (16) سنة
بس العادي تسلة ويقولوا انو اقوا بس انا مايناسبني انا اسوق عادي شروكي



|3|

أشكرك أخوي Shevchenko على مشاركتك
وأتمنا من الجميع المشاركة والتفاعل في الموضوع لنعرف ردودهم وأرائهم

مرحبا اخووووي ابو اسد ماشاء الله عليك مداك ترد!!
على كل حال حصلت الموضوع ....واخيرا قدرت اطلعه..طلع مع طلوع الروح
تفضل:
http://www.assayyarat.com/forums/showthread.php?t=26528

وان شاء الله يعجبك

كلامك أخوي Shevchenko
صراحة أعرف بعض الأصدقاء ممن يطعسون بالقير العادي لكن أسأله وش تحب تشتري موتر من ناحية القير
يقول أكيد توماتيك؟؟؟
أقوله: طيب الأفضل هو العادي وأنت مجربة.
يقول: متعب جدا في المدن والطعوس يعني ما تاخذ راحتك أبدا تغث نفسك على الفاضي.

وأنا حتى أتضايق من القير العادي ودي واحد يسوقه عني حتى يوصل البر ثم أسوقه
يعني ما أحبه أبدا في الخطوط والمدن وأذا جيت للبر أحب أشيلة على سطحة أفضلي ثم ينزلة عن البر وأروح أطعس بعدها

والله يا اخ ابو اسد الناقل الاوتوماتيكي تطور بشكل كبير في الفترة الأخيرة ..لدرجة انه اصبح مفضل حتى في الطعوس..(اقول مفضل وليس الافضل)
يعني انا اعرف كثير من المطعسين اللي معهم قير عادي وأسألهم عن الاوتو يقولون ممتاز بل ان بعضهم يتمنى لو اخذ الاوتو بدل العادي لانه يريح السواق..
عموما انا سبق وان طرحت موضوعا قد نقلته ويتكلم عن المقارنه بين الاوتو والعادي من ناحية علمية وليس من ناحية يقول فلان وعلان لعلي اضع رابطه..

شباب لا تبخلوا علينا بردودكم
فآرائكم تهمنا

مشكور أخوي als7e7ri على ردك
صراحة أنا من النوع الذي يحب ناقل الحركة الآلي
والسبب لأني عادة أحب أطعس بشكل معقول وليس بالكرف
بس بعض الأحيان أكرف فيها الموتر لمجرد الأستمتاع فقط أو التطعيس بأستهبال لكنها ليست دائما
أنا ما أنكر أن الناقل الحركة اليدوي أفضل في الطعوس من ناحية الكرف وأذا كان عندي موتر قير عادي أطعس إلين تطلع روحه
لكنه من ناحية الأستخدام في الشوارع ووسط المدن أحس جاء دور ناقل الحركة اليدوي أنه يطلع روحي فأنا ما أرتاح له أبدا في المدن

مجرد رأي وأرجو التفاعل ياشباب والكل يبدي برأيه مع ذكر السبب

لا وبصراحة كلهم طيبين

بس الأوتو أحسن لدي وخصوصاُ إذا توفر على دفع رباعي

وشاكر لك الموضوع الرائع

ولك التحية ,,,

أشكركم جميعا على ردودكم
أخوي أبوطريخم أنشاء الله بيكون فيه تفاعل وأنشاء الله يتثبت بس حبيت أعرف ما هو أكثر شيء يحبه الناس في التطعيس بشكل عام