يا اخوي خذ الافلون و توكل على الله ما عليك من المورانو تراه مب هاك الزود و التويوتا معروف عنها انه سعرها يثبت اكثر من النيسان وبعد سيارات التويوتا ما تتبهدل ابسرعه مثل سيارات النيسان.
أذا مب امصدقني اسال اي عضو كان عنده نيسان و بعدين اشترى تويوتا و شوف رده عليك من ناحيه الراحه و الصيانه و ثاني شي اخوي اهم شي في الموتر هي مواصفاته و صيانته و التويوتا غني عن التعريف من ناحيه الصيانه.
انا الصراحه سويت اللي اروم عليه و الباقي عليك اما تختار تويوتا الوكاله العريقه في تصنيع السيارات و الدليل على هذا سيارات لكزس اللي اصبحت تهدد كيان السيارات الالمانيه.
عندي ملاحظه وحده في واحد من الاعضاء ذكر انه الافلون راح تنتشر ابسرعه في خلال شهر حوالي و انه النيسان بيبقى مميز عنها لقلت عدده. دليل انتشار الافلون دليل على تفوق تويوتا لانها سياره عمليه و مرغوبه و فخمه مب مثل ما ذكر هذا العضو كانه يلمح انه انتشار الافلون عيب من عيوب السياره بل هو دليل على تفوق هذه السياره و بقوه و شكراُ.
اخوي من قال ان سيارات نيسان علي طول تتبهدل بسرعه وسعرها غير ثابت
روح شووف سعر الماكسيما والباترول والصني .. وكل سيارات نيسان المستعمله كلها غاليه وماسكه قيمتها
والتويوتا صحيح معروف انه ماسك سعر السياره ولكن مو من المنطق اني اشتري سياره عشان لما ابيعها
تمسك قيمتها انا لما ابغي اشتري سياره اهم شئ عندي تكون معجبتني صحيح ان السيارتين كلهم احلي من الثانيه
لكن ان ابديت رايك بافلون عن المورانو لسببين الاول ان سيارات النيسان تتبهدل بسرعه وهذا مو صحيح
والسبب الثاني بزعم ان التويوتا يمسك قيمه السياره اكثر عند البيع مو اكيد ان التويوتا معروف بالشئ هذا
لكن السؤال هنا هل الافالون لها هيبه اكثر من المورانو او لا
هل عندما تراي مورانو وافالون عند اشاره واحده يفلت انتباهك الموانو او الافالون اكثر
هذا السؤال
وكلامك عن سيارات لكززس روح وقارن لكزس بانفنتي وشوف الفرق .. بينهم ...؟
