ماهو إنطباعك عن اللومينا أو الكابريس الذي تملكه

لومينا ls 2004 وماشي 36 ألف كيلو , عدد الخرابات من شريت السيارة : صفر

بس اللومينا LS بالتحديد (والكابريس LS) عيبهم أنه رساوتهم شوي تعبانة لانه مافيهم نظام تراكشن (نظام التحكم في الدفع ...مانع التشفيط) ولا بريك abs (نظام يوزع قوة البريك على العجلات الاربع ويمنع انزلاق أي واحد منهم) فلهذا اذا لعبت فيك السيارة لا قدر الله صعب جداً انك ترجعها للوضع الطبيعي ...( عدد مرات الزحفات = لا تعد ولا تحصى)

فلهذا ما أنصح أي شخص بالمنتدى أنه يقرب من اللومينا والكابريس LS ... مخطوور ..واصلا لو بامريكا أو اوروبا هذا الموتر ممنوع ينزل لانه ال abs يعتبر من المواصفات الامان الاساسية في السيارة مثل الحزام ...

انا معي كاااااابريييييس 2004 LTZ

ماشي الحين 24000 كم اللي سويته خرطت الهوبات وغيرت فحمات

ومركب زينون والحمد لله ما واجهتني اي مشكله

انا معاى لومينا اس اس ماشيه75 الف.موديل2003.

والحمد لله غير مشكلت الهوبات والخرط مافى مشاكل. والحمد لله.
سياره طرب طرب طرب طرب طرب لابعد الحدود ما شاء الله عليها.

انا معاي لومينا 2002 LS ماشية 85000 كيلو متر والحمد لله السيارة تمام ولا حصل معي أي خراب , مع أني مركب فيها شاشات وسستم كامل فرش نيون أزرق جنوط 17 زوايد .وغير كذا أنا دايما أفحط فيها يعني كل شهرين أغير الكفرات لكن أسوي عليها فحص شامل بس مو عند الوكالة . حصل معي موقف جدا غريب وهو أنه كنت ماشي بسرعة 140 في خط سريع داخل المدينة [ومشكلتي اني أسها (أسرح كثير ) ] ,وفجأة انتبهت لللفة الي أريدها ولفيت الطارة بقوة على أساس أمكن اللفة , وا أخذت الا والسيارة تروغ (تزوح) معي لجهة الرصيف ممكن مسافة 30 متر على سرعتها ويضرب الكفر الخلفي بالرصيف .لحظة وأجد نفي أنا والسيارة داخل الدوار (يعني طارة السيارة) . والحمد لله على سلامتي . غيرت الرمالبلي تبع الكفر الخلفي فقط !!. ومن هذا الموقف ومواقف أخرى أوؤمن بعبارة (ليت كل شي يعمر مثل لومينا) .

انا عندي كابرس 2004 وماشاء الله ماشي صح ولم اجد عليه اي ملاحظات

رغم اني لعبت في الكهرب وادخلت اظافات عليه الى انه عكس الي يقول لو تلمس كهرب الكابرس يخرب عليك

وولد عمي معه كابرس 2004 والله كل يوم في ديره ومشى موتر 150 الف وماشي معه مظبوط

عندي لومينا اس اس 2005 ماشيه 6600 وللحين مافي اي شي عليها

باستثناء شي واحد مو عاجبني في السياره طبعاً هالشي يشمل الكابرس واللومينا في جميع الموديلات وهو ان البويه بسرعه تتاثر باي شي

LUMINA SS 2005 والله السياره ماشاء الله تستاهل سعرها لكن عيبها فراملها ...
بالتوفيق.

انا عندي كابرس ss 2004 ماشي 16800 صار له عندي 8 شهور والحمد الله مافي مشاكل

انا معي كابريس اس اس 2005 سياره مشاءالله رووعه رهيبه طبعاا هي ماشيه حاليا 2000

مااطلعتها الا قبل شهر سياره روعه مشاءالله صرفيتها معقووله ووالمكيف ماايحتاج اقوول وانشاءالله ماصادف فيها اي مشكله

مشكورين

Lumina SS 2004

لا مشاكل و لله الحمد و ان شاء الله دوووووووووم


طبعا الهوبات تحتاج خرط كل 10000 و سيارتي ما شيه 12000 و خرطت الهوبات مره و حده

انا معي لومينا 2001 ls مشاء الله ماشيه الحين86. الف والحمدلله ما صادفت غير مشكله وحده في الراديتر وبس


وانشاء الله ما اصادف اي مشكله