-<( قائمة مالكي تويوتا أفالون 2005 )>-

والله يفوقك يابو خالد ويالله انك تجيب 100 في 100 ونفرح فيك

انا شخصيا قبل ماخدها رحت وجربتها وخديت معاي ناس عندهم سيارات راقية عشان يطلعوا لي عيوبها بس قالوا انها حلو بالنسبة لمثيلتها الالتيما وغيرها بس اللي قهرني اللوحة الطويلة اللي ماتركب ورا

عزيزي ابوفيصل966
مشكور على التوضيح وأنا سيارتي تم شحنها من جده باتجاه الشرقية ولله الحمد
وإن شاء الله أول يوم أستلمها بأصورها من جميع الجهات وبأحط الصور بمنتدى صور سيارات الأعضاء
بالنسبة للأخ AZN من جد الله يهداه كبر الموضوع
وبعدين على فكره ترا العالم يدورون السيارة
يعني لو عرضها في معرض بتطير في نفس اليوم ويمكن بأغلى من سعر الوكالة (نظرا لعدم توفرها)
أنا متأكد أنه مقتنع بالسيارة
بس شكلة قبل ما يشتريها يحسبها S600 وأنا مدري :)
أمزح ترا لا تزعل AZN

عزيزي م ح ص 469
من جد يا شباب
جربوها واحكموا
ولا تسمعوا كلام أحد
حتى كلامي
ترا في مثل يقول "الميدان يا حميدان"
جرب واحكم

تحياتي
أبـــ خالد ـــو

انا انصح كل من يبي يشتري افالون يجرب قيادتها اول شي قبل مايخدها

هذا الكلام الصحيح يابو فيصل 966

والله يابوخالد فيه ناس يبغون يشترون افالون بعد موضوع الاخazn يرسلون لي ايميلات يتاكدون من الموضوع صراحة الاخ الله يهديه كبر الموضوع (قدر الله علي وشريت افالون) صراحة انا مالومهم واشكرك على توضيح تلك النقاط وان السيارة فعلا تستاهل مبلغها وبقوه

تحياتي لك ولا تنسى تعرض لنا سيارتك بالصور

عزيزي uaesolidsnake
مشكور على المرور
وأنا مجرب السيارة قبل وسايقها على سرعات عاليه وتشطيف وكلش
من وجهة نظري (ليس إلا)
السيارة روعه ---> أنا معك :)
لكن أحس أنها خذت أكبر من حجمها
يمكن لأنها نزلت بمواصفات غير متوقعه على أفالون
لكنها ليست خارقه كما يظن البعض

لكن مع هذا أنا أقيمها من وجهة نظري الأفضل (يكفي أنها سيارتي :) )
والسيارة صراحة تستاهل سعرها
وقوة جبارة ما شاء الله محرك ممتاز

بالنسبة للمشاكل اللي قالو عليها الشباب

تنسيم الهواء
موجود بشكل بسيط (تراك منت بشاري مايباخ عشان تقول فيها ويخطيها)

عدم الثبات
السيارة رساوتها ممتازة بس لا تقارن بالسيارات "الفخمه"
ولا واحد يقول أمر جنب تريلا ترج
خذ لك تريلا ومر جنب تريلا وإذا ما رجت لك اللي تامر عليه
هذي قوى جذب فيزيائية ولها تعاليل علمية*
* ملاحظة:- للاستزادة:- كتاب الفيزياء للصف الثالث الثانوي :)

ولا تنسوا أن السيارة سعرها معقول بالنسبة لمواصفاتها
وثاني شي شكل جديد ما راح يتغير بسرعه

مقارنتي لها مع ES300
تتفوق الأفالون بنظام الدخول الذكي + الشكل الخارجي + الرحابة الداخلية + السعر
تتفوق اللكزس بالاسم + نظام اليايات اللذي يمكن تحويل بين الرياضي والمريح :) --->ممتاز

واخترت الأفالون وبقوووة

أما مع GS430
تتفوق الأفالون بالواجههة + الرحابة الداخلية + السعر وبقوووة
تتفوق اللكزس بالاسم + نظام الملاحة (لا أحتاجه) + الخلفية + الجنوط :)

وطبعا أنا اخترت الأفالون ولو كان متوفر معي 230 ألف لاشتريت
7
7
7
7
7
7
7
7
7
7
7
(أفـــــــــالـــــــــون وبـــــــــقـــــــــوة)

ولكل من رأية وليس لنا الحق في التعدي على حريات الآخرين

والاختلاف في وجهات النظر لا يفسد للود قضية

عزيزي م ح ص 469
تسلم على التنفيذ
وترا ماهو أمر مجرد اقتراح وبس
بالنسبة للعدد
أتوقع ممكن يوصل 700 أو أكثر
بس طبعا مش كلهم أعضاء في المنتدى
وحتى لو أعضاء مو كلهم حيشارك في الموضوع
لأنه يمكن ما انتبه له أو إنه ماله خلقنا :)
ممكن يوصل بالمنتدى مع مرور الوقت إلى 50
وإن شاء الله يزود

تحياتي
أبـــ خالد ـــو

ابو خالد كم تتوقع اصير عدد اللي يملكوا افالون السيارة الرائعة والتي كل يوم اكتشف فيها مواصفات اكثر من اليوم اللي قبله

نفدنا مرك يابو خالد

انشاء الله يوفقك مع الموتر و نتريا تقييمك للسياره ^^

عزيزي KLCC
مشكور على الرد والتشجيع
وإن شاء الله قريب تسمعون أخبار تسر الجميع بخصوص موتري

عزيزي Time2Die
بالنسبة للدفعه الثانية
تخربط أبو جميل فوق تحت
الآن في 4 دفعات

لأن المتقدمين 735 شخص
واللي وصلت الأسبوع الماضي
212 سيارة ---> (منهم موتري) :)
وهذا كلام موثوق من الوكالة ومن ميناء جدة الاسلامي

وأبشركم تراي رحت الان وخلصت أوراقي
ودفعت وكلش
باقي يرسلون الموتر من جده لهنا (الدمام)

ومبروك للي استلم
وعقبال الجميع

تحياتي :)

السلام عليكم أخوي م ح ص 469
يعيش اللؤلؤي
ما شاء الله

الله يعطيك خيره ويكفيك شره يالغالي

بالنسبة للقومة

طبعا فرق في الأحصنه
3.5 V6 وبقوة حصانية قدرها 280 حصان

وما ودنا أنك تعرض نفسك للخطر عشان قومة أو ما شابه يالغالي
لكن لا يمنع من تمرين القير قليلا :)

تحياتي
*ملاحظة
أتمنى لو انت وباقي الأعضاء حطو بتواقيعهم الرقم في القائمة بالطريقة التالية
العضو رقم -<(*)>- في -<( قائمة مالكي تويوتا أفالون 2005 )>-
ويستبدل الرمز * برقمه في القائمة

أتمنى من الأعضاء التجاوب

تحياتي مره أخرى
أبـــ خالد ـــو

وين الدفعه الثانيه جت ولا باقي يقولون انتظر شهر ؟

مبروك اخوي م ح ص 469 على السيارة ويعطيك خيرها ويكفيك شرها ان شالله
والله سعداء بسماع هذي الاخبار |1|
ويعطيك الف عافية


ومبروك للشباب اللي استلمو سياراتهم
وعقبال الباقين :cool:


يالله خلونا نسمح اخبار حلوة منكم عن هذي السيارة
عشان نتشجع ونطلع وحدة زيكم ... ونصير مع الزحف :D


تحياتي لكم |3|

أيو خالد الظاهر احنا منمسك السوق هنا

تصدق اذا رحت اتمشى بها الناس ينظروا لي غير شكل كاني راكب مرسيدس او فياقرا

على فكرة تطارحت مع اكورد سته سلندر اللي عننت الكامري تبعي مع اني متبهدل من القوة ماشاء الله
بس خليته وراي بـ4 اعمدة واللي عنده اكورد ويحب اجرب مافي مانع

عزيزي افالوني
ألف شكر على المرور والرد
ومبروك السيارة وعلى فكرة اللون مرررره حلو وغريب
الله يعطيك خيرها ويكفيك شرها

عزيزي Touareg 2003
مشكور يالغالي والله يبارك فيك
ويالله شد حيلك وخذ لك وحده

تحياتي

القائمة الآن:-

1- أبـــ خالد ـــو
2- Time2Die
3- uaesolidsnake
4- أعز إنسان *
5- ابوعزيز
6- باشا الخبر
7- ابوفيصل966
8- avalon *
9- اقطاى
10- KLCC *
11- DC 300C SRT-8 *
12- عاشق الأفالون
13- م ح ص 469
14- AZN
15- افالوني

الاحصائية:-
11 أفالون 2005
3 أفالون 2004
1 أفالون 2002

تحياتي للجميع
أبـــ خالد ـــو

ما شاء الله ......... الله يبارك للجميع

والله سياره مررررره حلوه وانا ركبت حقت عمي فضي >> فل ابشن <<

واتوقع ان عمي هو باشا الخبر بس ما قال انه سجل بمنتدى السيارات

تحياتي لك

الاخ ابو خالد



يشرفني الانظمام لقائمة مالكي سيارات تويوتا افالون 2005


اللون تفاحي معدني ( مثل ما هو موجود في الكتالوج )

والله يبارك للجميع |3|

يالله حي الغالي AZN
ما شاء الله مبروك السياره

وإن شاء الله العيب اللي في سيارتك يتصلح إذا وديته للوكاله وبدلوا لك الجلد

القائمة الآن:-

1- أبـــ خالد ـــو
2- Time2Die
3- uaesolidsnake
4- أعز إنسان *
5- ابوعزيز
6- باشا الخبر
7- ابوفيصل966
8- avalon *
9- اقطاى
10- KLCC *
11- DC 300C SRT-8 *
12- عاشق الأفالون
13- م ح ص 469
14- AZN

الاحصائية:-
10 أفالون 2005
3 أفالون 2004
1 أفالون 2002

تحياتي للجميع
أبـــ خالد ـــو