ممكن احد يوضح لنا الفرق بين البانشي والرابتر؟؟

البانشي مكينته 2 سلندر بسعة 350 سي سي ذو شوطين للمحرك
الرابتور مكينته 1 سلندر بسعة 660 سي سي ذو اربع اشواط للمحرك

البانشي يخلط البنزين مع الزيت بنسبة معينة ويضع في التانكي
الرابتور الزيت في تانك مستقل والبنزين في تانك مستقل

البانشي التبريد ماء ويبرد عن طريق الهواء يعني مافيه مروحة كهربا عشان تبرد الرديتر
الرابتور تبريد ماء ايضا ويوجد به مروحة كهربا للتبريد الرديتر

البانشي يعاني من مشكلة السخونة ... يعني ما تقدر تمشي به فترة طويلة والا بتلاقي موية الرديتر تطلع بررة
الرابتور ما تقدر تمشي به 24 ساعة بدون مشاكل

البانشي منخفض وهالشي يعطيه افضل تماسك من دون الدبابات كلها
الرابتور مشكلته عالي وشاسيه قصير يعني يرفع بسرعة وتماسكه نوعا ما سيء

البانشي اخف من الرابتور
الرابتور عيبه ثقيل وهالشي يجعله صعب في النط من فوق الطعوس

البانشي مافيه بطارية
الرابتور فيه بطارية

البانشي تشغيل بالهندل
الرابتور تشغيل بالكهرباء ( فيه ستارتر )

البانشي يوصل الى مراحل مررة عالية من القوة بالاحتفاظ بمكونات مكينته الداخلية الاصلية
الرابتور توصل لمرحلة وتوقف ( الا اذا فكيت مكينة وغيرت بستم )

البانشي صيانته صعبة وفيها نوع من الملل
الرابتور ( دق سلف وامشي )

البانشي فيه متعة في القيادة ما توصف خاصة اذا عدلته
الرابتور تحس انك راكب امريكي بسبب العزم اللي فيه ولاكن يكون افضل في حالات التمشية في الطعوس على رواقة

قطع غيار البانشي برخص التراب ( لو جبتها بنفسك من امريكا ) لان الوكيل نصاب
قطع غيار الرابتور ( كانك شاري رولز رويس ) من غلاتها

البانشي بعد ما تتمشى فيه تلاقي باقايا رذاذ زيت تخرج من الشكمانات في الخلف وتغطي المنطقة اللي حوليها
الرابتور ( ما عندك مشكلة )

البانشي لازم تخلط نسبة الزيت مع البنزين بمهارة والا راح تخبط عليك المكينة اذا كان اي منهما اكثر من الثاني
الرابتور مافيه الشي دا بس لازم تشيك على الزيت والماي كل طلعة

هذي بعض المميزات والعيوب للدبابين اللي اكتسبتها من خبرتي لامتلاكي للدبابين معا