باركولي شريت مورانو

ما عندي الا ان اقول ..

الله يعطيك خيرها ويكفيك شرها .. والف مبروك ..

والسلام عليكم . ،،،

الف مبروك اخوي على السيارة


والله يعطيك خيرها ويكفيك شرها


صراحة الموتر وايد كشخة

NIGHT HAWK تبي موتر صح .. حق بر وحق مدينه وفخم و عملي ؟؟


..

خذ لك باترول فل كامل 2005 .. عزم حلو و رزه وكل شي
يعني سياره خياليه

وشكرا

مبروك اخوي الله يطعمك خيرها و يكفيك شرها وشر العيون الحاسدة ويجعلها عونا لك على طاعته



انا شخصيا متردد في هالسيارة
لاني اشوفها انها حقت كشخة ورزه ما هي حقت بر
وانا ابغى موتر للبر ووللمدينة

يا مرحبا بالشباب اشكركم جدا على التواصل :rolleyes:

اسف جدا اخوي الوافي مارديت عليك بالنسبه للسياره هي الحين تحت التمرين انا جربتها امس قومه عجيبه خفيفه بس اني ماطولت لانه بسرعه جدا مايمديك تغط شوي الا وانت واصل 120 وضغط المكينه عالي يعني ع 120 واحد ونص والله مريحه ؟؟

محب الفايبر اهلين والله يبارك فيك !!!

اخوي محرك الله يبارك فيك بالنسبه للرمال حنا في الكويت ماعندنا طعوس علشان جذي ماقدر احكم شكرا جزيلا

اخوي الرائع/الله يبارك فيك بالنسبه للسياره مثل ماقلت في بدايه الموضوع حلوه جدا اما عن تنفيس الهواء انا ماتعديت 120 بالسرعه هذه يادوب اسمع الهواء لكن ماقدر اثبت الحين لان الهواء مع السرعه العاليه وان شاء الله اجربها على سرعه عاليه واقولكم بالنسبه للمكينه صح نفس الالتيما والزد بصراحه ماتحس انك تسوق جيب خفيف جدا وراقي ولحد الان جامد ؟؟؟؟

الاخ هليسنج الله يبارك فيك !!!!

كار فان الله يبارك فيك ومشكورين على المرور |3|

أهلين

ألف مبرووووك على السيارة :)

ما شا الله سيارة حلوة الله يهنيك ..

مع الشكر والتقدير ،
cars fan

مبروك اخي العزيز على السياره الجديده
يعطيك خيرها ويكفيك شرها
ولاتنسانه باي شي تلاحظه على السياره لان مثل ماقالو الاوان السياره جديده ولايوجد اخبار كثيره عن استخدامها

تحياتي

الف الف مبروك

يعطيك خيرها ويكيفك شرها بس ياليت تعلمنا كيف السيارة بتسارعها والخط وهدوء السيارة لاني متردد بينها هي والافلون بس شكل الافلون هونت عنها عقب ماقلوا عن الرساوة والتنسيم فا ياليت تفيدينا بس بعد التمرين مهوب الحين

مبروك الله يطعمك من خيرها ويكفيك شرها .. ولا تنسى تقرا اذكار شراء الشي الجديد .. لأن العين حق .. وبعدين معك سيارة رزة وكشخة يعني كل العيون عليك ونت تمشي في الشارع
يارب تتهنى فيها وفال خير عليك
بس لو تجربها في الرمال .. وتعطينا أنطباعك
تحياتي

مارديت على كلامي اخوي safhm

آسف إذا كنت احرجتك

اها 9800 دينار يعني 127500درهم بالاماراتي ..... نفسنا

الا اقول كيف تحس السياره بالشارع يعني لما تظغطها تحس انها نفس سيارة الصالون والا نفس سيارات الفورويل خاصه اني سمعت ان محركها مشتق من الالتيما.

ادري كثّرت من الاسئله بس تحمّّّّّلنا;)

مبرووووووووووووووووووك


الله يعطيك خيره ويكفيك شره



تحياتي:محب الفايبر

ابو اسد الله يبارك فيك وشكرا على المرور

اخوي بو عابد حاضر تبي كيك اعتبرها وصلت وحياك الله ؟؟؟؟؟؟؟؟

ماااااااااااااااااااااشاااااءالله عليك .. الف الف مبروك على السياره وانا على فكره في خلال الشهور الجايه يمكن اشتريها بس اني محتار وش آخذ
سوبر سفاري 2005 فل فل
ولا المورانو ..

محتار جدا .. فانا اهم شي عندي القوه الصراحه .. وإذا ماعليك امر ودي اجرب معك لأن معي الحين سفاري 2002 :) .. ماتخلص التمرين قلي علشان نجرب

وشكرا

...................|3|

مبروك أخوي safhm ألف ألف مبروك
الله يعطيك خيرها ويكفيك شرها وشر الحسودين
ولا أوصيك أخوي العزيز تعطينا معلومات عنها مع الوقت من حيث الرساوة والأقتصاد للوقود وقدرتها في المشي في الرمل ... ألخ

والله يهنيك في السيارة وتسعد بها

أخوك أبوأسد

الله يبارك فيك اخوي بنز ويوفقك شكرا جزيلا على المرور

الف الف الف مبروك والله فرحتلك من كل قلبي



ويارب يكفيك كل شر فيها



ويعطيك كل خير فيها


والف مبروك مره اخرى

هلا اخوي الغالي راعي الكشخه انا من الكويت وسعرها 9800 دينار وياهلا