ماهو رأيك بالــ " بيجو 407 " أرجوكم ساعدووني !!

Sa7er @user_17503 · 29-05-2005

السلام عليكم ورحمة الله وبركاته .................

يا اخوان اتمنى تساعدوني وتعطوني رايكم ونصيحتكم في الموضوع هذا ..:confused:

انشالله ياشباب نويت اشتري " بيجو 407 " لكن متخوف لأن السيارة ماهي منتشرة بشكل كبير وما عندي أي خلفية عنها ....انا اعرف ان بيجو مصنع عريق للسيارات ..لكن السيارة نفسها ماادري وش عيوبها ....

واتمنى منكم لو تكرمتم انكم تساعدوني ..وبالذات اللي معاه بيجو 407 أو اللي عنده خلفيه عنها

وابي أعرف وش الأشياء السلبية الموجودة في السيارة ..لأني انا شخصيا احبها ..بس خايف اندم بعدين

ويعطيكم العافيه

الساحر. @user_22403 · 28-01-2007

شباب الموضوع

من جد قدييييييييييييييييييييييييييييييييييييييييييييم

RR1000 @user_16244 · 28-01-2007

مع ان عندي الـ 407 موديل 2006 ومواصفات مشاء الله .... لاكن العيب في الصيانة تصور رحت اغير زيت بالجبيل من الساعة 4.15إلى الساعة 6 تقريبا وبعدين وانا ماشي الا والسيارة تنفض والآر بي إم يتحرك فوق و تحت كلمت الوكالة ...قال جيبها بكرة او مع الصيانه الدورية .... لو اني بتيوتا كان والله ما مشيت الا وهي اوكي ...مع ان المشكلة من شريت السيارة وهي كأنها جني تجي وتروح وكل وكالة يقول لك: الخبر بالبيد ... ما حلها ...الحسا العبدالقادر ماحلها...الجبيل الملحم ما حلها وانا قاعد بسيارة 2006 كاشخ وهي مرات تنفض مرات تطفي وانا كاشخ ...هين وبعدين إذا الموزع ولا الوكيل المعتمد للسيارة ما حل المشكلة مين تتوقع راح يحل لك المشكلة وإذا تبي تتأكد راسلني على الخاص وخذ جوالي وإسألني عن اي شيء... مثل التهويه حقت المكيف ما تسكر إذا سكرتها ... سألت الوكيل قال اليجو كذا على طول واي شيء ما له حل عندهم راح يقولون لك البيجو على طول كذا وحتى الكمبيوتر ما حد يعرف يستخدمه صح لا الجبيل ولا الخبر ولا الأحساء

تبي نصيحة خذ كامري مع ان البيجو افضل بمراحل من الكامري بس صدقني بتنسى عيوب الكامري براحة بالك بالصيانه ... أنا عندي بيجو 2006 ماشية 27000 الف ما خذها بـ 86000 الف (سبشل كانت 90000 الف) 4 سلندر فل ابشن ببيعها بـ 75000 تشتري بعتك ... وفحص الوكالة ... حسب كلامهم السيارة ما فيها شيء ... تم ... الله يعينك عليها ...

ابو لانا @user_40240 · 26-01-2007

والله انا انصحك انك تبعد عنها

انا كنت في الوكاله قبل فترة وقالي الموظف والله هذي السيارات بالحظ

وحده تصيب وعشرة تخيب

لكن شوف لك سيارة غيرها احسن لك

والله يوفقك لما فيه الخير

S E N I O R @user_31926 · 26-01-2007

اخوي الغالي

انا ولله الحمد املك 206 سبور

واملك 307 كوبيه

كلهم عسل ولله الحمد

اللهم الـ 307 تعبتني بالقير وحليتها بالوكاله

اذا تبي رساوه خذ رساوه

اذا تبي كشه فيها حقها من الكشخه

اذا تبي قطع غيار رخيصه ومتوفره وعند الوكيل

اذا تبي امان والحافظ الله خذ امان

اذا تبي مسجل وصوت خذ مسجل

يعني تقدر تقول سياره متكامله

حتى مكيفها والله جيييد

وعلى فكره فيها نيفيقيشن ( شاشة ملاحه )

والله يوفقك يارب

shadir @user_40895 · 25-01-2007

يا كثر كلام الناس

أنا عندي بيجو 406 موديل 2001
قبل ما أشتريها، كل الناس حذروني منها ( قطع غالية / خرابات كثيرة ....... إلخ)

بعد ما أشتريتها، طلع كل كلامهم كلام فاضي.

قطع غيار متوفرة ومن الوكالة (بالبيد) وبسعر جدا رخيص ( قماش أمامي 110 وخلفي 135 / فلتر زيت ب 13 / هوبات خلفية ب 200 تقريبا)

المشكلة بس بالصيانة عند باللبيد, بطيئين وسيئين، بس اكتشفت ورشة تركية ما تصلح الا سيارات أوروبية ومشالله عليهم أحسن من الوكالة بالسعر وبالسرعة وبالصيانة وقبلها كنت بدخلها ورشة الوكيل القديم ( المتوكل)

السيارة ولا أروع من كده. مواصفات ورساوة وأناقة وقطع غيار معقولة جدا، لا حرارة والمكيف زي التلج والحمدلله السيارة لين دحين ماشية 145000 وما في خراب كبير أو رئيسي فيها. كلها صيانات عادية( قماشات / كراسي ماكينة / ....الخ)

بالنسبة للبيجو 307 ، للأسف هي اللي مخربة سمعة البيجو لأنها بالفعل فيها مشاكل كثيرة ما أعرف اذا اتداركوها بالموديل 2007

بالنسبة للبودي مشالله كأنو خرسانة مسلحة.

نصيحتي للكل، اذا انتا من الأشخاص اللي تبغى تكشخ بسعر معقول بس ما يهمك السرعة وبنفس الوقت تكون رجلك خفيفة على السيارة وما في أكتر من مستخدم ليها ، فعليك بالبيجو

abo sirag @user_40021 · 23-01-2007

واللة السيارة حلوة وفيها مميزات وتكنولوجيا متقدمة بس:
أولا سعرها مرتفع يعني ب75000ألف ممكن تاخذلك أكورد بمواصفات اكثر راح يكون أفضل.
ثانيا إذا يا ليت المشكلة توقف لحد قطع الغيار وبس .
يعني انا معاي ال206 ولو تسمع قصتي بالتفصيل مع الوكالة وخرابها البايخ حيشيب راسك.
يعني انا اول يوم اخذت السيارة من الوكالة بعد ما سخنتها صار السيارة ترج معاي ويطلع لي علامة المكينة كأني ماشي على سلندرين . بس بعد ما طفيت السيارة ب15دقيقة رجع الوضع الطبيعي للسيارة .رجعت للوكالة قالوا المشكلة في الصمامات بس هذا يحصل مرتين اوثلاث مرات في السنة..
بس اذا حاب نغير لك الكفرات مو مشكلة بس ب800ريال...
اللة ينتقم منهم...

فؤاد طه @user_11835 · 18-01-2006

السلام عليكم
كم سعر السيارة ابتداء من كم الى كم؟

الساحر. @user_22403 · 23-11-2005

i

iti999

البيجو عامه مع احترامي للملاك ماعنك ماعندجدتي

تدري إن البيجو اللي تقول ما عندك أحد والله أحسن من سيارات كثيرة بالذات الياباني

يأخي بالله وش تبغى أكثر وسائل سلامة ورساوة في الخط وتقنية ممتازة|1|

سلام|3|

*الـسـفـيـر* @user_7407 Banned · 07-06-2005

احسن شي فيها الأمان

مستوى الأمان والسلامة فيها مثل اللكزسGS300 موديل 2005
واحسن من بعض سيارات المرسيدس

ولو يعطوا الوكالة لواحد فاهم ويعرف للبيجو كان ما آخذ غير البيجو

بس اتحمدوا ربكم على نعمة العقل مع بالبيد

iti999 @user_18509 · 07-06-2005

البيجو عامه مع احترامي للملاك ماعنك ماعندجدتي

Revo @user_19626 · 04-06-2005

السلام عليكم
أخوي ساحر خذ شوري واترك عنك هالسياره
السياره حساسه ماتعرف الجو الحار اللي عندنا والوكيل زففففففت ماعنده لافنيين ولامهندسين !!!!
يعني لو تخرب تبي تبلش !!
مهما تكون قطع الغيار غاليه تهون لما تحصل الفنيين دبش إلى ابعد درجه ...
أبعد عنها بعييييييد وهذي نصيحه لله ....
الكوري وهو كوري أصرف منه بمية مره ..

تحياتي

Sa7er @user_17503 صاحب الموضوع · 03-06-2005

يعطيكم العافيه على الردود

عزووز @user_16655 Banned · 31-05-2005

السلام عليكم

والله ما اقدر افيدك بالموضوع هذا بس اتمنى انك تحصل على سيارة جيدة

اخوي السفير

بالنسبة لدرجة الحرارة مافيها شي انا لما اغسل سيارتي نفس الشي يسير معاي لان الحساس يوصلة موية ولما تمشي الهوا يبر الموية شوي وينخدع الحساس ويقيس لك شي غلط بس اصبر لة شوي ويرجع لوضعة الطبيعي

يعني لاتخاف سيارتك سليمة مافيها اي حاجة

jay-z @user_16198 BiG rORy · 30-05-2005

407 ممتازة جدا واذا تقدر على قطع الغيار خلاص
بس اذا تقدر استنى استنى ! لاني سمعت انه الوكيل بيتغير والله اعلم

*الـسـفـيـر* @user_7407 Banned · 30-05-2005

بقولك سالفه صارت ليي اليوم الصبح

قبل الإختبار جا على بالي أغسل السيارة على ما يجي وقت الإختبار

رحت مغسله للغسيل السريع بعدم ما غسلوا السيارة ونشفوها ركبت السيارة

لقيت طالع في الكمبيوتر أن درجه الحرارة 24...واصلا درجة حرارة الجو 40

بس بعد فترة رجع المقياس لوضعه الطبيعي

وعلى فكرة هالتغيير يؤثر على اداء المكيف لأن المكيف آوتو ومبرمج مع مقياس الحرارة
وكل هذا في بيجو 307 فما بالك بـ407!!!!

*الـسـفـيـر* @user_7407 Banned · 30-05-2005

السيارة حلوه بس ابعد عنها خاصة إاذا كنت بتآخذ حق كرف

لان وكيلها زفت والسيارة ممكن يكون فيها خرابات

انا عندي بيجو 307 يوم رحت أدخلها الصيانة قلت لهم عن نتعة في القير وتدري وش سوو؟!؟
أخذوها سبوعين وماعرفوا المشكله وبالأخير قالوا سببها الحساسات اللي ركبتهم

وبالتوفيق

المهنا بيك @user_16176 · 29-05-2005

السلام عليكم
والله انا كنت بنفس الموقف حقك
بس بعد تفكير لاحظت انه مو منتشر اكيد ان فيه سبب
وصار السبب قطع الغيار غاليه
السياره مو ملائمه للجو الخليجي يعني حراره ومشاكل ولحسه
ولا قدر الله صدمت ما تقدر تزينها الا عند الوكيل بالبيد وشف كم بيسحب منك فلوس على شئ ما يسوى

فأنصحك بالتخلي عنها
وانت بالأخير بتقتنع ان شاء الله