سلام :cool:
كيف حالكم ياشباب عساكم مبسوطين :-)
طبعاً بعد طول انتظار اخيراً صورنا لكم كم مقطع طراحات بين الألتيما وكوابرس ولومينات .. :-)
طبعاً الألتيما وهذا المعروووف بالمدينة القير العادي يقوم على ال SS إلى 200 .. إن كان راعيها سواق ..
طبعاً اللي اعرفهم يتطارحون معاهم التيمات في المدينة ..
أنا لوحة سيارتي م ح ح 0 9 9
تركي لوحة سيارته ن ن ا 3 0 0
وسلطان ولوحته ما ادري عنها ..
طبعاً سلطان دايم يتطارح مع لومينات وصراحة عدم أغلب (إن ماكانت كل) اللومينات "الستوك" اللي بالمدينة كلها ..
تركي ماشاء الله بالخط سيارته جداً ممتازة وتبديله حليو وسووووااق الولد ..
بس مشكلته القومة معدومة عنده :-)
انا القومة عندي المشكلة مرات ارتبش وتفحط السيارة معي كثير :-) ( ما أتطارح كثير ..)
وفي الخط عندي مشكلة بالنمرة الخامسة (انحرق علي الكلتش وغيرته وكالة وسار زفت من بعدها)
المشكلة هذه إنها تعلق معاي النمرة (لما أبدل من الرابع للخامس) .. وبعدها اي سيارة تعديني .. سواء التيما كانت
ماشي معها من اول ولا غيره .. وتعطيني فرق مرة وصخ ..
طبعاً هذه المقاطع .. وصورت من التجمع الأخير ..وبعضها مو واضح
وقد تكون ماحسمت النتيجة :)
لكن لقيت لي واحد من الشباب (أخو تركي) ماشاء الله مصور طراحاته كلها !! عنده اعتقد فوق 30 مقطع بأجيبها بعدين
وانزلها هنا ..
طبعاً السيارات كلها قير عاادي !! فل اوبشن مخمل ..
السيارة اللي مع تركي .. كان راكب فيها السواق .. + أنا (انا عن اثنين) + أخو تركي بالخلف .. + تو معبين بنزين ب 40
ريال !! (قبل التجمع مادرينا إنه فيه تجمع !!) + الاسبير ..
بالنسبة للمقاطع اللي فيها الكابرس الأبيض .. هذه يقولوا عنها إنها أقوى SS "ستووووووك" بالمدينة !!
السيارة مو صاحية والسواق من جد يسوق !!
المقطع الأول .. (سيارة تركي)
act=view&file=LS0tLS0tKCgoKChBbHRpbWEgTWFudWFsIFZTIFNTKSkpKSktLS0tLS0xLnJhcg==
مع إن راعي الكابرس الأحمر شد بدري .. لكن لو تلاحظون قمنا نقرب منه لكن خرشته سيارة بمساره .. اما الكابرس
الأبيض ماشين معاه بالخط لكن بعدين هدى ما ادري ايش عنده !! (بعد الثانية 28)
المقطع الثاني .. (سيارة تركي)
دحدرة من 40 .. لكن راعي الكابرس الأبيض شد بدري .. او تركي تأخر ماتحرك بدري .. طبعاً كنسلناها وهدينا ..
المقطع الثالث .. (سيارة تركي)
هذه كانت قومة أرض .. لكن تركي مايعرف يقومها زين .. ماتعود على السيارة لسه (ماكملت 6000 !!)
والسيارة هنقت مع تركي (يعني حط ضغط معين يوم فلت الكلتش نزل الضغط للصفر تحت وهنقت شوي وقامت السيارة
تتحرك من الصفر !! الزبدة ماقومها زين )
طبعاً راعي الكابرس لا فحط ولا شيء .. لكن فوق هذا ماعطانا فرق كبير .. سيارتين يعني .. اقل من عامود !!
لو قومها زين المفروض اقل شيء نمشي معاه !!
طبعاً كان موجود كابرس أحمر على اليسار :)
المقطع الرابع .. (سيارة تركي)
المقطع مو واضح .. كان على بالي إني قاعد اصور من اول .. لكن يوم انتبهت ضغطت زر التسجيل ..
كانت دحدرة ..وما ادري كم كنا ماشين بالمقطع .. لكن خرشنا راعي كابرس قدامنا !! بس السواق تصرف :-)
المهم المقطع إثبات بعد ان الألتيما تمشي مع ال SS !!
================
طبعاً بعد الطراحات هذه انا الصراحة تحمست ونزلت ركبت سيارتي ..
سيارتي ماكان فيها إلا انا وواحد راكب .. مافيه اسبير .. البنزين فوق النص ..
طبعاً المصور صراحة مافراسه .. قعد يتفلسف وشغل الوضع الليلي !!
المقطع شوي مو واضح لكنه واضح :-)
مع نفس الكابرس الأبيض ..
act=view&file=LS0tLS0tKCgoKChBbHRpbWEgTWFudWFsIFZTIFNTKSkpKSktLS0tLS01LnJhcg==
طبعاً عندي بالخامس علقت النمرة .. وعطاني فرق اكثر من تركي .. (بعد ال 190 !!)
المقطع كان دحدرة من 40 والتصوير بدأ من 70 اعتقد (المصور المخرج الأخ مايعرف يبدأ تصوير قبل !!)
طبعاً بالنص بيني وبينه كان فيه الكابرس الأحمر !!
المقطع الثاني
المقطع هذا فيه سيارتين .. كابرس SS اسود 2004 وكابرس SS فضي ..
راعي الكابرس الأسود تعتبر سيارته اقوى SS ملغم بالمدينة !! وهي حقت الردادي ولوحته م هـ ى اعتقد ..
طبعاً يشفط ورى الكورفيت اللي بالمدينة لا جاء يتطارح معها !! والكورفيت اللي بالمدينة تطرح اللمبرقيني اللي
بالمدينة !!
والحين سوا تعديل مرة جامد .. وصراحة ما ادري كأني سمعت إنه يلصق بباب الكورفيت او الكورفيت تلصق عنده !!
طبعاً كان المقطع دحدرة من 40 والتصوير بدأ من 70 (نفس المصور) ..
الكابرس الأسود راح علي على طول .. اما الفضي فطرحته إلى سرعة 210 ..
وهذا المقطع الوحييييد اللي فيه صورة الطبلون !! بعد ماطرحناه ..
================
طبعاً من السيارات اللي تطرحها الألتيما ..
الأودي تي تي اربع سلندر تيربو دفع رباعي ..
السيات ليون .. اربع سلندر تيربو (تطارحت مع اكثر من وحدة واعطيهم فرق عامود وشوية تقريباً)
السيارات اللي تطارح معها تركي بس ماتصورت .. (يمكن القاها عند اخوه !!)
اللنكولن الرياضي !!!!!! التبترونيك .. يقول لي ماعندك احد عطيته مشوار ..
وأيضاً الموستنج الجديدة !! حقت الطيار الفضية اللي بالمدينة (مرة معروفة) (قير عادي !!)
يقول لي مرة جااااامدة .. عطاه فرق سيارتين بس !!
(ما ادري 8 سلندر ولا 6 ..)
=======================
وأخيراً هذا مقطع حليو لعشاق الأمريكي :)
مقطع بين الكورفيت اللي اقول .. وبين كابرس SS أسود (مو نفس الكابرس اللي اتكلم عنه!)
الكورفيت اوتو .. بس صراحة راحت مشوار
من اللي يقولونه إنه راعيها مشتريها معدلة لأنه من جد صاحية .. وتطرح اللمبرقيني اللي بالمدينة رايق رايق ..
وفيه ناس يقولوا ستوك .. بس اللمبرقيني شوي معدومة (موديل قديم)
وبس هذا اللي عندي وتقبلوا فائق تحياتي الحااااارة وأشواقي الباردة :)
راح اجيب مقاطع زيادة تأكد اللي اقوله قريب ..
وهذا يعتبر رد على الموضوع اللي سار بين اللومينا والألتيما (الأوتوماتيك !!)
ورد على اللي يقول الألتيما الأوتوماتيك أقوى من العادي !! (كلام سمعته صراحة مرة استغربت منه !! وكلام مرة مايخش
العقل اصلاً !! أوتو اقوى من عادي !!)
اعذروني لو تأخرت بالرد .. عندنا اختبارات جامعة وعارفين الظروف :)
سلام
