اي طالب بكلية هندسة الدخووووول ضروري

اليوم رحت الأختبار حق هندسة المدينة >>>>>>>>>>>>> VAMP وينك ما شفتك

الأختبار مرة صعب مو بالأسئلة بس لانها معلومات قديمة جداااااااا جداااااااا جدااااااااااا

هلا بك بوخالد . .

انا اقولك انت تقريبا شبه مقبول لانك تعتبر طالب متميز بحكم انك جبت فوق ال85 في القدرات والطالب المتميز

الي ينقبل في الجامعة اما ان تكون قدراته فوق 85 او تكون نسبته 95 وفوق بس عالعموم لاتستهين هم كل

سنة يعقدون النظام اكثر و اكثر شد حيلك وخذ دورة الرائز وان شاء الله امورك تتضبط في الاختبار وتنقبل

من مجهودك بدون انتظار ، من ناحية ثانية اقل محصلة للقبول 78 الطالب المتميز لو جاب اقل منها بشرط انها

ماتنزل عن السبعين (( على مااعتقد )) ينقبل نظرا لتميزه وان شاء الله انك مقبول . .

بالنسبة لكلام اخوي vamp الجامعة ينقسم دخولها الى ثلاثة اقسام : طالب باكالريوس وهي الذي يقبل في

الجامعة على طول - طالب دبلوم وهو الذي يدخل بفلوسه واذا جاب معدل حولوه باكالريوس - طالب كلية مجتمع

وهي الذي لايقبل كطالب باكالريوس يستطيع دخولها واذا جاب معدل يحولونه للبترول وهاذي مايعطونك

كافأة ولا انت تعطيهم فلوس ، واعتقد ان اخوياك اما ان يكونوا انقبلوا بالواسطة قبل ثلاث سنوات او انهم

احد طلاب القسمين الثاني والثالث ، انا لا اكذبك بقدر مااوضح ان الي نسبته في السبعينات صعب جدا ينقبل

باكالريوس اما الثمانينات 88 او 86 ممكن ينقبلون اما السبعيناات صعبة . .


تحياتي لك

8
8
8
8
8
وانت تضحك !!!!!!!! والله تخشها سلام سلام ..

تصدق واحد من العيال هنا داخل ونسبته الثانوية 78 !!!!!!!!! ما ادري كم جاب بالقدرات بس ماهو أعلى منك .. ولا هو يمك أكيد :D

المهم الولد عضو معانا هنا بس له فترة مايشارك ..

المهم انا انصحك حاول قد ماتقدر تروح الشرقية بدري فيه مراكز تسوي دورات على إختبارات البترول والمعادن .. صدقني بتفيدك كثيييييييييييييييييييييييييير والله كثير ..

اعرف اثنين من الشباب واحد نسبته 88 والثاني 86 .. الأخير دخل الدورة والأول مادخلها .. واللي جايب نسبة أقل انقبل والثاني ماقبلوه والحين بجامعة الملك سعود بالرياض يدرس هندسة !!

نصيحة مني لا تضيع هالدورة حرام عليك لو تضيعها ..

ترى لو بتضيعها بأكفخك :D << الولد تحمس مرة :D:D بس والله لمصلحتك لا تروح عليك ..

طيب شباب
ما أدري
تتوقعون معدلي في قياس ونسبتي تأهلني أدخل البترول ولا لأ؟

تحياتي

17/6 لكل الكليات ماعدا الصحيه لانهم انتهوا

ادخل موقعهم علي الشبكة

السلام عليكم شباب

معليش أنا قاط وجهي

بس بغيت أسألكم

أنا نسبتي بالثانوية العامة هذي السنة 93.06%
وباختبار القدرات "قياس" جبت 88%
يعني أحتاج حوالي 58% في اختبار المقررات لدخول جامعه البترول "حسب كلام مدرسين ودكاترة في جامعة البترول"
أنا قدمت على البترول وإن شاء الله أنقبل فيها

بس بالنسبة لجامعة سعود بالرياض متى تقديمهم؟

تحياتي

أبـــ خالد ـــو

Sclass 4 Ever : هلا بك اخوي بالنسبة للرياضة فأنت تاخذها 4 مرات مرتين في الاوريا و مرتين اذا خلصت الاوريا في الجبل

بمعدل محاضرتين في الاسبوع وكل طالب في الجامعة لازم ياخذ الرياضة سواء جسمه يساعد او مايساعد . .

بالنسبة للصعوبة اخواني انا اعتقد ان (( الي يبي الدّح مايقول اح )) فالمستقبل يتطلب التعب لكي تصل الى مكانة مرموقة

ووظيفة ممتازة لازم تجتهد فيها لانها هي افضل الجامعات ولكن في حالة انك ماتبغى والله تتعب وتبي يجيك الشي بسهولة

في البترول مايمشي هالكلاام في غيرها يمكن . .


تحياتي لكم والله يوفقكم ان شااء الله وفي حالة وجود اسئلة سدحوها وانا في الانتظار . .


سلاااااااااااااااااااااااااااااااااااااااااااااام

|10| |10| |10|


مثلك اخوي

|1|

اخوي عزووووزي شركا لك الف الف شكر

انا متخوف من الجامعه كلها لانها صعبه وبعد انذارين تنفصل فرضا لو بعد 3 سنين انطردت وين اروح ؟


فابخليها اخر خياراتي

اخوي شو تقصد بقسم رياضة

ترا عندي الجسم مرة ما يساعد

هلا بك اخوي الصقاار و مافي كلااافة اهم شي تستفيد من المعلوماات الي تنعطى لك . .

مستقبل ال mis اقدر اقولك شبه مضموون وهو المطلووب من معظم الشركاات و البنووك المحلية لانه يعتبر خليط

بين المواد الادارية و المواد الي تتعلق بالحاسب الالى ممايجعلك مطلوبا في اكبر الشركات واحد هذه الشركات

هي ارامكو فهو يريدون خريجا اداريا يجيد استخدام الحاسب الالى وهذا مايتميز به هذا القسم ، للعلم فإن خريجي

قسم الادارة في جامعة البترول هم المطلوبون اولا ومن ثم تأتي الجامعات الاخرى لانهم يتميزون عن غيرهم باللغة

الانجليزية والدراسة المتميزة التي تصقل مهارة الطالب . .

موادها زي ماقلت لك موااد ادارية مع مواد حاسوبية وانا ماراح اقدر اشرح لك اكثر انت لما تجي تقدر تروح الجامعة

وتسألهم عن مناهج القسم وتتفرج عليها خلال تواجدك في السنة التحضيرية وقبل اختيار التخصص . .

من ناحية المذاكرة انا اجابتي لك بتكون مختصرة (( على قد ماتذاكر على قد ماتاخذ )) كل مازدت المذاكرة كل ماارتفع

تحصيلك من خلال درجات الكويزات (( الاختبارات القصيرة )) او الاختبارات الشهرية وفي النهااية انت تقدر تتحكم في

درجاتك ، انا من ناحيتي مااذاكر الا مع الكويزات يعني تقريبا بين يومين او ثلاثة ايام لازم يكون عندي كويز في احد

المواد واذاكر له والحمد لله درجاتي متوسطة و معدلى حلووو . .

بالنسبة للرام 2 هو عبارة عن اختبار في المواد العلمية الرياضيات والكيمياء والفيزياء و الانجليزي من مناهج المرحلة

الثانوية (( اول و ثاني وثالث ثانوي )) ، طبعا الاسئلة كلها اختياراات وهي عبارة عن ست اقسام : قسمين انجليزي ،

قسمين رياضيات ، قسم فيزياء و قسم كيمياء وانا انصحك قبل ماتدخل الاختبار تدخل دورة معهد رائز مفييدة كثيير

وتفيدك في تذكر المعلوماات وكذلك في كتاب الرام 2 ينبااع في مكتبة جرير . .

بالنسبة لهندسة النظم انا والله ماعندي معلومات عنه كثيرة بس المعروف عن اقسام الحاسب بصفة عامة في الجامعة

انه (( قسم العباقرة )) فهو مشهور بصعوبته ولكن اذا ربي كتب لك وتخرجت من هالقسم ابشر بعزك من ناحية الوظايف

فخريجو الحاسب في الجامعة مطلوبون بشدة في الشركاات وبروااتب عااالية وهذا مايجعله يستاهل التعب . .


في حالة وجود اي اسئلة ثاانية انا في الانتظاار وانت تاامر اخوي الصقااار او اي وااحد محتااج معلوماات . .

سلاااااااااااااااااااااااااااااااااااااااااااااااااااااااااام

اخوي عزوووزي


شكرا لك الف شكر على الافاده

ولكن هل مستقبل ال mis جيد وما مجالات التوظيف فيه ؟؟

وياليت اذا تقدر تعرف لي هندسه النظم ووش مجالات التوظيف فيها ؟

بالنسبه لل mis وش موادها ووش تركز عليه اكثر ؟؟


وهل ال mis تحتاج مذاكره كثير يعني يوميا تذاكر وكم ساعه تذاكر عشان تكون فاهمها ؟؟

وهل مستقبل هندسه النظم الوظيفي يستاهل اني ادخلها واكرف فيها مع احتمال الطرد من الجامعه يعني تستاهل كل هالتعب ؟

واذا كنت ممن لحقوا على رام 2 ابيك تشرحه لي تكفى


معليش طولت عليك بس ابيك تتحملني شوي

هلا اخوي الصقاار . .

طبيعي انك اذا تخرجت من قسم هندسة نظم تصير مهندس نظم اما اماكن التوظيف كثيرة خصوصا لخريجي البترول

من اقسام الحاسب الآلي فهم مرغوبون بدرجة كبيرة من الشركات الكبيرة امثال سابك و ارامكو يعني ان شاء

الله تضبط اوضاعك بس اهم شي تخلص دراستها لانها مو سهلة يبغى لها مذاكرة وتعب والله يوفق الجميع . .

بالنسبة ل MIS في جامعة البترول فهي تعتبر من اكثر الاقسام التي تحتوي على طلاب في قسم العلوم الادارية

في الجامعة وهيي مطلووبة كثيرا بالنسبة لارامكو وعلى فكرة انا متخصص فيه :) واي اسئلة بالنسبة للقسم

اسدحها ولا يهمك وعالعموم القسم حلوو مررة و اسهل من الهندسة والحمد لله ربك وفقني ودخلت هالقسم الحلو . .

عالعموم اذا انت معزم على البترول وعديت الاختبار لاتستهين بالسنة التحضيرية تراها والله مو سهلة يبغى لها

متابعة اول بأول يعني انك تستهين وتقول انها الاسهل لاوالله ماهي بسهلة يبغى لها متابعة وانا على ماسمعت

انه ستضااف مادة الفيزياء ومادة حاسب للسنة التحضيرية لتصبح مكونات السنة التحضيرية كالتالي :

001 انجليزي + 002 انجليزي

001 رياضيات ( ماث ) + 002 رياضيات ( ماث )

001 رياضة + 002 رياضة

001 رسم هندسي + 001 ورشة عمل

001 فيزياء + 001 حاسب

طبعاا كل ماادة فيهم تاخذها في سمستر يعني كل مادتين مكتوبين مع بعضهم كل وحدة فيهم

تاخذها في سمستر بحيث انك تخلص الاوريا في سنة كاملة من فصلين دراسيين ولك فرصة انك

فيسنة ونص (( ثلاثة فصول و صيف )) تخلص الاوريا في حال لاقدر الله انك مااجتزت احد المواد

ممايتطلب منك التأخر لاخذها في السمستر الذي يليه . .

اتمنى اني اكون افدتكم . .


سلااااااااااااااااااااااااااااااااااااااااااااااااااااااااااااااااااااااااااااااام

الحين انا مافهمت وش هندسه النظم بالضبط ؟؟

وش تطلع اذا تخرجت وش تدرس بالجامعه ؟


طيب وش رايكم بالهندسه الصناعيه ونظم المعلومات الاداريه mis ؟؟

http://www.taibahu.edu.sa/

أخوي مشبك النمر ..

مشكلة جامعة طيبة مالها موقع رسمي .. فاتحة موقع بس تجريبي لسه .. لكن شغل التقديم كله والمواعيد وهذا من موقع جامعة الملك عبدالعزيز (كانت طيبة منضمة معهم)

تدخل على موقع الجامعة http://www.kau.edu.sa وبعدين بالتقديم تلقى خيارين جامعة طيبة ولا جامعة الملك ..

ولو تبغى أي خدمة أو استفسار آمر وإيميلي بالتوقيع تعال لي على الماسنجر :) (انا طالب بجامعة طيبة :))

سلام ..

الله يوفق الكل وييسر لهم ماهوخير لهم
تصدقون فرحان وصل الموضوع 7 صفحات