بسم الله الرحمن الرحيم
وبدون مقدمات... رحت أصلح سيارتي (حكة بسيطة في الباب الأيمن)...
وقال لي اليمني تعال بكرة تلقاها جاهزة بس لازم تجيب ورقة من المرور!!
المهم قلت خذ الاستمارة وعطها معقب (كالعادة بـ50 ريال) وكان بكرة يوم جمعة
فجيته السبت وقال الاستمارة عند المعقب تعال بكرة أو بعده...وشفت السيارة سليمة
فحاسبته وخذتها(ورانا مدارس) على أنه بيعطيني الاستمارة بكره(الاحد)...
يوم جيت له قال: (أنا عطيتك أياها أمس!!) وقعد يحلف ويقسم أنه معطيني الاستمارة!!
واللي معه يقولون أكيد عطاك أياها...كيف تستلم السيارة بدونها!!؟؟
فوش الحــــل؟؟
وهل يستطيع أن يفعل بها شيء؟؟
أم أعلن فقدانها وأطلع بدل فاقد؟؟
.
.
مع العلم أن فيه واحد شاهد أنه ماعطاني شيء...بس مب مستعد يجزم أو يحلف
