جمس انفوي دينالي..... رايكم يا شباب

بصراحة من مقارنتي بالاسعالر اتوقع انه بيكون ب 8000 درهم بس اللي سمعته انه ما يشتغل عندنا بس تستعمله على اساس انه راديو او مشغل سي دي. وما عندي فكرة اكثر من كذا. واتمنى اذا في حد منكم يقدر ان يفيدنا بخصوص شاشة الملاحة.

أخوي المهنا بيك
على كلامك في اللاندكروزر هي سيارة ممتازة بس بالمبلغ الي ذاكره ما تجيب إلى GXR أقل درجة أيضا وأذكر بدون مثبت ولا تنس أن عزمة ضعيف لأنه ستة سلندر!

أخوي dark2dark
صراحة أول مرة أعرف أن يوجد Navigation في سيارات GMC عندنا في السعودية لا يوجد بتاتا وهذا شيء يقهر.

إلا بغيت أسألك الحين أقدر أركب في اليوكون شاشة Navigation بحيث تطلع خارطة السعودية أم هي مخصصة فقط للأمارات
أتمنى تكون على مستوى الخليج, وأتمنى تذكر كم السعر الشراء Navigation الخاص بسيارت GMC.

أخوك أبوأسد|3|

الانفوي الدينالي عندنا بالامارات يسوى يبدا من 140 الف حتى 150 الف وهي كالتالي
جلد+فتحة 140 الف
جلد+dvd يسوى 142 الف
جلد+فتحة+ navigation يسوى 148 الف
جلد+ dvd+navigation يسوى 150 الف

وانا بصراحه ميزانيتي ما تزيد عن 150 الف واريد سيارة نفس مواصفات اللي ب 148 الف على الاقل.

انا بنظري ان كانك وصلت للسعر 155 الف
ما انصحك لا بذا ولا بذاك :)

ذا = الانفوي

ذاك = اليوكن :)

انصحك تاخذ لك لاند كروز وان كانك تحب التميز

فيه موتر جديد وفخم اسمه ارمادا بشركة نيسان

وقوي جدا لاكن حجمه كبير شوي

وقبل ما تشتري استخر :)

وعليكم السلام

أهلا بك أخوي dark2dark

بنسبة لأنفوي دينالي سيارة رائعة وهي أيضا عملية
قطع الغيار تقريبا غالية نوعا ما, الأستهلاك معقول جدا, بنسبة لشاشة الملاحة أتوقع لا يتوفر جهاز شاشة الملاحة لسيارات جمس كلها في الخليج لكن يوجد شاشة عرض في وسط السقف مع جهاز DVD.

مميزات السيارة:
1- محرك قوي للدينالي لمحرك 8 سلندر وأيضا حيوي وأقتصادي.
2- سيارة عملية مع أن البعض يشتكي من مشاكل فيها لكن الي يشتكي من المشاكل كان في موديلات 2001 وتحت.
3- سيارة تمتلك مواصفات فخامة وراحة يفتقر إليها بعض منافسية.

العيوب:
1- أرتفاع السيارة عن الأرض غير مرضي بالدرجة الكافية.

بس بنسبة لي لو تزود فلوسك شوي لمدام وصلت لسعر الأنفوي الدينالي تشتري لك يوكون |1| أفضل بكثيييير وعملي أكثر منه والمرغوب في الشراء أكثر منه أي ما ينقص سعره مثل الأنفوي.
يعني نصيحة خذ يوكون :) ما أقول لك أن الانفوي فاشل لكن الي أقوله لك أن اليوكون أحلى بكثير ونظرة.

والقرار لك :rolleyes:

أخوك أبوأسد|3|