مقارنة بين موستنج وكمارو ...وينكم يا اصاحاب الفورد

السلااام عليكم شباب..

الكل يعرف ان الموستنج والكمارو سيارات اسطورة واكثر السيارات الرياضية شهرة في العالم وبالتحديد في امريكا..والكل يتحدث عن الافضل بينهما ..ولكي نعرف الافضل يجب علينا المقارنة ..ليش يا شباب كل واحد يصير متعصب ليش ما نسوي مقارنه بالارقام والوثائق ونأخذ المعلومات من المواقع المختصة والمجلات العالمية على ايدي الخبراء والمجربين..وكل واحد يترك عنه التعصب ..

ماشاء الله على الشباب في المنتدى جزاهم الله خير .ما يقصرو ..وترى انا عضو جديد وماعليكم من اسمي ..لا تخافو انا مو متعصب ..

يعني ياشباب على سبيل المثال ..واحد اعطانا رأيه وقال انا الكمارو في الشكل احسن وبس وهو متعصب ....على سبيل المثال ..ليش ما يثبت لينا بالشيء العلمي في هندسة التصميم والانسيابية والوزن والعرض كيف تأثيرهم على سرعة السيارة واختراق الهواء يعني نبغى شوي الواحد يفتح عقله يعني ما عليه من إسطابات كريستال مثلا في السيارة خلاص يقول هذي اجمل..

ولكي نقارن لازم نجيب نفس الموديل ونفس الفئة يعني z28 مع gt وكمارو اس اس مع موستنج كوبرا ...علشان تكون عادلة وسليمة ...ودائما تقارن على نفس هذا النمط في اشهر المجلات العالمية على سبيل مجلة توب جير البريطانية

خلنا نقارن موستنج وكمارو من موديل 93الى 97 او الى 98 بالنسبة للموستنج لان الكمارو بدأ الشكل من 93 والجديد من 98 قبل الموستنج يعني مايصير نقارن جيل على جيل بين السيارتين على سبيل المثال موستنج 98 وكمارو 98 يعني الافضل نقارن كمارو 98 بموستنج 99 او كمارو 93 مع موستنج 94 علشان تكون عادلة في كل شيء لان زي ما قلنا جيل مع جيل
نبدأ في التسارع هذي منقولة من احد المجلات الامريكية وقدامكم كل شيء يعني ناس تقيس في مضامير احسن مني ومنك ونلااحظ في جميع التساراعات الكمارو افضل واسرع وهذا شيء لا يختلف فيه اثنان نتيجة محرك الكمارو ذو 5.7 لتر وبقوة 295 حصان من موديل 93 الى 97 لاكن الموستنج 94 و95 السعة 5لتر والقوة تقريبا 225 حصان يعني لاحظو الفرق وثاني الشيء تغيرت سعة المحرك من 5 لتر الى 4.6 في موديل 96 و97 و98 مادري الى اي درجة وصلت تقنية شركة الفورد يعني تقلل من حجم المكينة والكل الي جرب وانا واحد منهم الموستنج يقول ان 94 و95 اقوى يعني تصغير المكينة ماله داعي لان ما صارت تقنية افضل ... على فكره الموستنج 2003 تغير وصار اقوى لكن ما بنقارنه لان مافي كمارو موديل 2003 ولو حبيتو اعطيكم المعلومات حق موديل 2003 انا حاضر..

ولو قارنا موديل 99 من موستنج الشكل الجديد الي قبل 2005 مع كمارو 98 في القوة فنلاحظ:
محرك الموستنج موديل99: 4.6 لتر بقوة 250 حصان واما الكوبرا بقوة 320حصان بنفس السعة ..
وزن الموستنج 3065 رطل

محرك الكمارو 98: محرك LS1 ثالث افضل محرك في العالم بتقييم مجلة AUTO WORLD WORD الامريكة بسعة 5.7 لتر بقوة 305 حصان في موديل Z28 وبقوة 325 حصان..

بالنسبة للتساراعات: ماخذها من مجلة امريكية سنة 99 مقارنة بين موستنج وكمارو ..جميع التسارعات الكمارو افضل واذا اي شخص معارض لهذا الشيء انا اجيب له التساارعات لان مانا ذاكر بالظبط والمصدر..الصورة الي تحت تبين تسارعات موستنج وكمارو موديلات 94 والكمارو ايضا افضل في جميع التسارعات



طيب في الشكل:نقلا من مجلة توب جير البريطانية في احد الاعداد في سنة1994 قامت بعمل مقارنه بين كمارو وموستج وانا بانقل الكلام بتصرف من الناحية الشكل..يقولك الخبراء في مجلة توب جير اعطو الافضلية في للكمارو ليش...؟؟ ناس كثير استغربو من هذا الشيء ..لكن المجلة أعطت الاسباب وهي ..اي سيارة رياضية في العالم تقيم في الشكل والحجم اول شيء على الوزن ..فالكمارو اخف لان الكمارو مصنوع من الفايبر جلاس علشان يعطي السيارة افضل وزن واداء والانسيابية الكمارو وانتو شايفين كيف شكل الكمارو الخارق من الامام والعرض الكمارو اعرض وهذي يعطي السيارة اكثر اختراق للهواء يعني يعطيك عزم وعلى كلام الاخرين ان الموستنج اريح ويسخرو من الكمارو ويقولو انه نازل ..فهذه تعتبر ضحكه في عالم السيارات الرياضية يعني السيارة الرياضية الانزل تكون في الافضل في المنعطفات والتحكم والثبات والسيرطه والسرعة يعني انتو بسخرو من الفيراري والكورفيت والبورش
وايضا ميزة فتحات تي توب من ميزات السيارات الرياضية وايضا شكل الشنطة وطريقة فتحها الرياضية زجاج كامل بالخلف يعني لا يغرك إسطابات كريستال ومستانس بهم انت فكر ويش بتفيدك في السيارة الرياضية وثاني حاجة اذا تبحث عن الراحة والسيارة الرفعية روح اشتر لك غير السبورت ...يعني الكمارو 100 بالمئة رياضي والموستنج لا يصل
حتى 70 بالمئة

وثاني حاجة :ابغى اعرف كيف مكينة الموستنج موديل 2000
محرك سعة 4،6 بقوة 250 حصان في موستنج جي تي ومحرك كمارو ال اس وان ثالث افضل محرك في العالم بسعة 5
،7 وبقوة 305 حصان
كيف يكون الموستج اقوى ..زين انا اول مره اشوف العالم السيارات ان السيارة موديل 95 اقوى من موديل 98 يعني نزلت سعة المحرك من 5 الى 4،6 اي تقنية الي وصلتو اليها وتسخرو على الشفر ..\
وزين ليش سيارات موستج في الخليج الحرارة تطلع لك من الديكور وجنب الجير يعني لازم تسوو شغله وتركبو عازل وينكم وين التقنية بتاع فورد وبعد حاجة من اسمع واحد يقول موستج اتوماتيك يسخر يقول السيارة تعبانة ما تمشي زي العادي يعني لازم تبدل جير وتخليه عادي في الشفر مافي هذا الكلام الكمارو والكورفيت الاوتوماتيك حريييييقة وانتو تشوفو بنفسكم ... وبعد كلمة اخيره سيارة اربع ابواب تطلع على سيارة سبورت مثل الالتميا ستة سلندر ولومينا اس اس ..بدون تزويد اي سيارة منهم ستاندر السيارتين يعني ابغى اعرف السيارة على قولة الناس والكل يقول سيارة سبورت ومتعة في السواقة اي متعة وسيارة سيدان اربعة ابواب تطلع عليك ابغى اعرف اذا مريت بموستنج وانت مستانس وزاعج الناس بالصوت وعلى قولتك انوار كريستال وجيت التيما جديد والا لومينا ستاندر بتفيدك الانوار والشكل يعني انت لا تلعب على روحك وتقول حق كشخة انت ما خذ سيارة سبوووووورت والالتيما ماخذها كشخة اربعة ابواب يعني تصنف سيارة سيدان بقوة 265 حصان وهي ستة سلندر وانت 250 حصان 8 سلندر الله الله على التقنية بتاع فورد .....ابغاك تكشخ في المطاراحات قدام الناس...


واخيرا .اذا احب اي من من القائلين بان الموستنج افضل من الكمارو يقولي بس اي موديل وكوبرا والا جي تي واسويلك مقارنة بالفيديو وكلام الخبراء والمجلات الامريكية والمنتديات الامريكة ..ابغى بس يقولي الموستنج من الكمارو في شيء معين ويثبت هذا الشيء وانا ارد عليه بالكلام المنطقي

وشكرا