يا شباب مو معقوله ما لاحضتو هالشي بالكامري!!

ياخوي انا سافرت بكامري 2003 اوتو الى الباحه كانت فل اخذت نص التانكي حك البنزين والمكيف يشتغل بعض الاحيان

أنا شاكر لكم ولكل من رد على موضوعي

البواجي حتي لاحظ عزم السيارة اذا خف اكيد الصرفية تزيد انت ايش خسران غير البوجي وشوف

مشكورين يا جماعه على معلوماتكم القيمه و ابشركم اني غيرت اليوم البواجي و راح ابدل زيت القير مع الفلتر اخر الاسبوع لان باقي 2000كم علشان يكمل 40000كم .

موضوعكم ذكرني بتبديل هذي الاشياء المهمه و جزاكم الله الف خير.

عندي سؤال بالنسبه لتغيير زيت القير و الفلتر هل من الافضل تبديله في الوكاله , ام يمكنني شراء الزيت و الفلتر و اقوم بتبديله عند محطات تبديل الزيوت.

سؤال اخير ما هي فايده المساعدات التي تكون موصوله بتواير السياره؟ و هل هناك ضرر من عدم تبديله لاني بديت اسمع بعض الاصوات منها خصوصاً في الاماكن الوعره (القرقره) و سلامتكم.

نعم لابد من تبديلها

اذا القير اوتو غيره كل 20 الف اما عادي ما يحتاج

اما البريك فلا يحتاج تغيير مالم تحصل مشكله

ولكن هو في الاساس يزود اي يعبأ ولا يغير

واسأل حبيبي خذ راحتك

غير البواجي وادعيلي!!

هل من الضروري تبديل اسلاك البواجي لاني الصراحه لم استبدلها من سنه 1993؟

انا اخر مره غيرت البواجي يمكن قبل 40000كم فهل يجب تبديلها الان؟

بالنسبه لزيت القير و زيت البريك متى يجب تبديلهم؟

انا الصراحه أسال وايد لاني احب المواضيع التي تتعلق بالمشاكل و حلولها و مشكورين على ردودكم الجميله.

إيه والله صدقتوا الظاهر هذي المشكله

صحيح كلامك

زي ماقال اخوي غير البواجي و الفلاتر و السيور و انشاء الله تصلح

اخوي انا الى الان لا اعرف ما هو قصدك بالبواجي هل هي spark plug ام شي ثاني. اذا شي ثاني ممكن اتخبرني اسمه بالانكليزي.

السلام عليكم

المفروض الفل 50 ريال يمشيك على الاقل 550 مع المكيف ...... غير كذا عندك مشكلة

غير البواجي بتكلفك 40 ريال قطع كحد اقصى والتركيب على حسب " تقدر تغيرها بنفسك"

اما الصافية والبنزين ماله دخل اذا صار منهم مشاكل يضعف العزم بس او يصير تقطيع .



مع التحية
محمد

كم يكلف تقريبا تغيير البواجي للكامري ؟

اخوي ممكن لما تعبي فل صفر عداد الرحلات ولام يغلفق كم يطلعه الرقم ان دايممن 300 ال380 بس ما عمره طق 400

هلا يا اخوان
والله حتى سيارتي انا تصررررررررررررررررررررررف صرفية مرعبة هدا ومحد يركبه غيري ولا اشغل المكيف وتصرف صرفية
اخوب كام البواجي صح تتغير كل 20 الف زي ما قال الكاتلوج

انا عندي سؤال معين انا عندي كامري موديل 1993 سته سلندر و البنزين عندما يكون فل يمشيني حوالي 340كم فهل هذا طبيعي ام لا.
و اذا كان مب طبيعي ارجو اخباري بالأشياء التي يجب تنظيفها او استبدالها.

ممكن اخوي اتوضحلي شو معنى البواجي و اين مكان هذه القطعه في السياره

انا ابغي استفيد من معلوماتكم القيمه هذي فارجو افادتي.

انا عندي نقطه معينه ليش ما نفتح موضوع معين يضم جميع الاشياء التي يجب تغييرها بشكل دوري للسياره حتى لو كانت الاشياء هذي مب خربانه حتى نحافظ على السياره مثال على كلامي: بلكات الكهرباء, تنظيف الانجكترات, تغيير زيت القير مع الفلتر, استخدام flushing oil لتنظيف المكينه من رواسب الزيوت القديمه و اخيراً تغيير فلتر البنزين.

طبعاً هذي الاشياء التي ذكرتها هي جزء من الاشياء التي لا يجب الاستهانه بها و لكن مشكلتي اني لا اعرف وقت تبديل هذي الاشياء, و هناك اشياء كثيره لم اذكرها فارجوا منكم اضافتها وشكراً.