مساكم الله بالخير ياجماعه
انا عضو جديد ومتابع لمنتداكم من فتره طويله
اعجبني كل شي فيه بصراحه
وتحسدون على هالابداع
وبما انه فيه ناس جدا رائعين بالمنتدى ولهم خبره طويله واراء سديده بالسيارات
حبيت استشيركم بموضوع بصراحه اقدر اقول انه محيرني من فتره
انا ياشباب عندي اكورد موديل 2003
وابي ابيعها واشتري اوبيروس فل اوبشن
يعني صح ان قراري فيه مغاامره كبيره
من اني اغامر بسيارتي واشتري كيا
مع ان الكيا بدت تاخذ طريقها
بس تضل نوعا ما شركه مغموره مقارنه بشركات لها باع طويل عندنا بالمملكه
بس مع هذا بصراحه لازت مصر على اني اخذ اوبيروس
بتقولون ليش بتبيع الاكورد؟؟
السبب انها غير مريحه
من حيث المراتب ومن حيث اني اساسا ماارغب بالاربعه سلندر
لذلك قررت اني اخذ اوبيروس
وهنا نجي نشاور اصحاب الخبره والاخوان الاعضاء
هل قراري سليم؟؟
وانا من النوع اللي يحافظ على سيارته وسواقته هاديه
يعني لا يجي احد ويقولي خذ لك التيما دزه :D
ولا لومينا اس اس
لا انا خلاص حطيت براسي اوبيروس او اني ابقى على الاكورد
اتمنى ياشباب تعطوني رايكم بصراحه واماااااااااانه
مع ذكر الاسباب
وانا انشالله راح اشيك على الموضوع وعلى الردود وراح اناقش كل من يرد
عشمي فيكم انكم ماراح تردوني
شاكر لكم
اخوكم
ابوحميد|3|
