سؤال مهم .. احرجني

العفو يا شباب والله ثم والله هالمعلومات ما اخذتها ولا استفدتها إلا من هالمنتدى .. دخلت عليمي بالمنتدى ما أعرف شيء لا عن مكاين ولا أنواعها ولا قيور ولا سيارات ولا اي شيء .. تعلمت وقريت مواضيع وتثقفت شوي بالسيارات .. دخلت ميييييح مرة ما أفهم بس أستفيد .. والحين بعد سنة أعتقد جاء الوقت اللي أفيد فيه هالمنتدى |1|

صراحة يشكرون الإداريين هنا على المنتدى الرائع |1| .. من جد استفدت أشياء كثير وإلى الآن لازلت أتعلم منه .. المنتدى كلنا طلابه وكلنا اساتذته نعلم ونتعلم ..

والله يوفق الجميع ان شاء الله

الله عليك يا vAMP
طلعت عالم قيور :)

بصراحة ميه الميه |1|

يعطيك العافية 00

ياعييييييني على الاستاذ vAMP

والله معلومات قييييمه وحتى انا استفدت منها ماشاء الله عليك عيني عليك بارده

مشكور يا أخوي Vamp .. على ردك الواضح والكامل ..

والشكر لك أيضا أخوي الشمري ، ماراح يكون فيه حرج بعد كذا إن شاء الله ..

بسم الله الرحمن الرحيم



السلام عليكم ورحمة الله وبركاته وبعد،،




اخي الفاضل الرياض 45 سألت، وجاء من يجيبك بالتفصيل العام، لذا نشكر الأخ الفاضل vAMP لإفادة الجميع، وإفادتك بصفة خاصة، ومن اليوم، ورايح ليس هناك اي حرج عليك لإفادة غيرك لو سألت مرة آخرى، والله الموفق





مع فائق احترامنا لشخصكم الكريم - الشمري




.

لووووووووول

انا اقول لك ياعسل ..

الحين انت لما تحط بال D وتدعس بالسيارة بتعشق بالأول بعد سرعة معينة السيارة بتعشق للثاني وبعدين الثالث والرابع والخامس (إن وجد) وزي كذا ..

حلو ؟

اللي يسير لما تحطه بواحد ان السيارة ماراح تعشق للثاني .. اقصى سرعة للنمرة الأولى مثلاً نفرض إنها ستين .. قد ماتدعس بالسيارة ماراح تزيد عن ستين ولا راح تبدل للثاني ..

طيب تقول ويش الفايدة ؟!

هذه تفيدك الله يسلمك لو طالع لطلعة كذا عالية شوي .. وسيارتك مكينتها ضعيفة ولا فيها عزم .. تحطها بالأول والسيارة تعطيك عزم مرة حلو وتطلع بالراحة ..

وأيضاً أشوف تفيدك أكثر وأكثر بالدحدرة .. لو نازل لدحديرة (منحدر) شوي جامد لو تحطها بال D راح تنزل فيه طاير !! وماينفع فرامل لأنك راح تشوف بعدين ماراح تمسك معاك أبد !! خلاص احترت الفرامل سارت حارة مرة.. عاد انت تردها بالأول والسيارة راح تشوفها تثقل مررررة .. ولا تزيد سرعتها عن 60 فهمت علي زين؟

الثاني نفس الكلام لو طالع طلعة لكن تبغى تزيد بالسرعة .. يعني ستين ماتكفيك تبغى تمشي 80 أو مية .. تحط بالثاني وبتطلع رايق رايق .. بس الأفضل تحطه بالأول أول شيء بعدين تعشق بالثاني عادي مو مشكلة ..

الثالث طال عمرك يفيدك بأوقات الأمطار مرة ..

اقصى سرعة له غالباً 160 .. ويثقل عليك السيارة تحسها ثقيلة بالشارع اوقات المطر .. يعني فرق لما تحط D وتمشي 140 تشوف السيارة تطير معاك تتزحلق .. لكن لما تحطه بالثالث تشوف السيارة تثقل وترخي معاك تشوفها ماسكة بقوة ورااخية ..

الموجب والسالب + - هذا يسموه التبترونيك .. واللي هو الوضع الرياضي .. تحطه بالوضع هذا لو طلعت فوق ناحية الموجب السيارة بتعشق لنمرة أعلى .. ولو تنزله تحت للسالب السيارة تعشق لنمرة أقل .. ترد نمرة بالعامي ..

تفيد اوقات الهجولة والطراحات ولا جاك وقت مروق كذا تحط على الوضع هذا وترجع بالسالب كم مرة لين مايظهر عندك بالطبلون رقم واحد .. عاد تدعس انت وكل مايوصل ضغط الماكينة إلى قبل الأحمر تعشق بالثاني عن طريق رفعه لناحية الموجب وزي كذا

إن شاء الله فهمت علي ولا أكون قصرت معاك بشيء

وبس