لمن يجهل الاكورد فليتفضل ....

waleed4w @user_18798 · 11-09-2005

السلام عليكم ورحمة الله وبركاته

كثير منا يعيب ارتفاع اسعار الاكورد ... وقساوة مراتبها ,, ولهذا اسمحوا لي يااعزائي بان ابين بعض النقاط

اللتي قد لايعلمها الا اصحاب الاكورد فقط وهي :

1. الاكورد تتمتع بتقنية التحكم بقوة الجاذبيه والمطوره من قبل هوندا وذلك لتوجيه تأثيرات القوة الناتجه عن الاصطدام

وتشمل هذه الخاصيه للءامتصاص الفعال للصدمات والحماية المتعددة الاتجاهات

2. الاكورد هي السياره الوحيده في فئتها اللتي حصلت على الخمس نجوم وهي العلامه الكامله في نتائج التصادم الامامي

والان يااخوة ودنا نتناقش بسعر الاكورد السياحي وهو 70.000 وناخذ الالتيما كمنافس

والالتيما السياحي قير اوتو بسعر 63.500

الاكورد تجي بنظام ABS من طراز BOSHE وسعره تقريبا 1200 دولار امريكي والالتيما مافيها

الاكورد تجي بريموت كنترول والالتيما لايوجد <<<< انا اتكلم عن السياحي للسيارتين

الاكورد بخمس سرعات والالتيما باربعه

طبعا ناهيك عن قوة البدي للاكورد وجودتها العاليه جدا

وللامانه يوجد بعض النقاط تتفوق الالتيما على الاكورد وهي :

1. قوة المحرك

2. قطع الغيار ارخص

3. شكل القير راااائع

والان ودنا يااخوان نستعرض بعض الحركات في الهوندا اكورد وبعض المعلومات اللي تفيدنا....

1. امكانية فتح النوافذ والفتحه عن طريق الريموت كنترول

2. امكانية غلق النوافذ والفتحه عن طريق المفتاح

3. اذا نسيت الانوار الخارجيه شغاله وقفلت السياره تطفي لحالها بعد 4 دقائق تقريبا

4. تسخين السياره من 3 الى 4 دقائق

5. انتبه تشغل السياره ولمبة المفتاح الاخضر شغاله ,,,, عطها 3 ثواني وبعدين شغل السياره عشان السلف مايتضرر

6. لاتغسل السياره اكثر من 4 مرات في الاسبوع لان لمعة البويه بتصير باهته من الصابون

7. عداد الضغط يكون على 3000 دوره والسرعه 150 كم <<< حتى سيارات السته سلندر ماتسويها:D

8. بلنسبه لقساوة المراتب فهي صحيه اكثر من الكراون فيكتوريا والكامري والالتيما وماعرف قيمة هذا الكلام الا اصحاب الالماني ,,,,

واللي عنده اي معلومه زايده يااخوان لايبخل علينا عشان نستفيد ... وودنا الناس تعرف ليييييييييييش اخترنا الاكورد

ARMADAWOW @user_39776 · 05-02-2007

الاكورد سياره ماعليها كلام

من تجربتي للاكورد والالتيما مافيه مقارنه

الالتيما سياره سيئه بكل ماتحمل الكلمه من معنى يعني فرامل معدوم وتتزحلق في الشارع زي السلام

العزل الصوتي صفر خصوصا لما تطول معاك السياره اكثر من 5 شهور

تحسها خرده انواع الاصوات والتفكك بعد شهر ماتطلعها من الوكاله

لكن تظل شكلها الخارجي حلو واحلى من الاكورد خصوصا اذا بتحط اضافات وتزويدات

والبودي كله كوم وهذا الي مطيح سمع الالتيما والله ياجماعة الخير ان الصدام الخلفي في الالتيما احركه بيدي يجي معاي والرفرف كذلك احسه كرتون مصبوغ ....

اما الاكورد عيبها الوحيد المراتب مش مريحه لكن السياره فخمه طلونها روعه

خراباتها نادره الى حد معدومه

كمان ماتتاثر بالكرف

بصراحه سياره من اروع السيارات في فئتها هي والكامري

وفيه سياره ترى مظلومه وهي الومينا

والله ياجماعة الخير فيها فخامه وهدوء وتحس كل شي فيها ضخم وفخم مثل المسجل المقود اصبع النور القير المراتب تحتظنك وتحس القير تحت يدك على طول كانها سياره المانيه وهالشي جدا حلو

وهالميزة ماحصلتها في غير الومينا لكن الجودة لك عيها شووي

الترتيب هو الاتي في نظري لاني جربت كل هالسيارات

1 الاكورد
2 الومينا
2 الكامري مكرر
3 الالتيما

ومشكووور اخوي على الموضوع والمقارنه

waleed4w @user_18798 صاحب الموضوع · 04-02-2007

يرفع .....

هاني السالمي @user_21363 · 16-10-2005

يا اخوان الموضوع جدا رائع
وانا نصحت اثنين من اخوياي بها وواحد من اللي نصحته نصحني اني اتركها لان مقاعدها قاسية وفعلا تركتها واخذت التيما فل اوبشن
والا كورد سيارة حلووووه بس المشكلة سعرها غالي < هذا رايي

الشي الثاني اللي يدفعني في اكورد 75000 ادفعها في التيما 6 سلندر واوفر 2000 ريال والفل اوبشن مخمل ب83000

وانا جربتها وكنت بشتريها لكن عليها مقاعد تقول صبة و عزلها جدا تعبااان تسمع صوت الشارع بشكل مزعج وانت ماشي

لكن من ناحية فخامة ماشاء الله تبارك رائعه جدا جدا
فلولا اختلاف الااراء لبارت السلع

وبعدين يا اخوان فتحة السقف بالريموت صحيحة ؟؟؟؟
شكرا لصاحب الموضوع

تقبلوا تحياتي

بيب بييب @user_20336 · 16-10-2005

ياأخوي مقنع ردك مو مقنع .....

بعد هالمواصفات الي قريتها تقول الأكورد سيارة أي كلام ياخوي أنا عندي أكورد وماشاء الله تبارك الله

سياره على مستوى من جميع النواحي....

ممكن هذا قريبك عادم أبو السياره..

معلومه أخيره/

الاكورد تتميز بوجود محرك VTEC وهو أختراع شركة هوندا عام 1992 ومهمته مضاعفة العزم مع استهلاك الوقود...!!!! يعني تكفينا نحن أصحاب الاكوردات أن ناخذ هذي المعلومه ردا مفحما لكل من يشكك في قدرة الاكورد...

سيارة @user_5479 · 15-09-2005

!!!

عجايب كل هالدنيا عجايب

الهويشل ابومطر @user_265 · 14-09-2005

شكرا لك يا وليد على المعلومات الجميلة

abu saleh @user_21189 · 14-09-2005

مشكور يا وليد على المعلومات الرائعة

واتمنا ان تفيدونا عن 2006

والاكورد تاج السيارات الاسيوية

المقنع2 @user_20554 · 14-09-2005

بعدين الالتيما السياحي ب 54000 ريال كذا زودت 10000 ريال وبعدين الاكورد سياره اي كلام وقريبي عنده اكورد 2004 ويقول مره سيئه

Zoom-Zoom3 @user_19761 · 14-09-2005

.. الأكـورد سيـاره ممتـازه ولهـا مكانتهـا في الشرق الأوسط والخـارج ! ..

.. ولـكن هنـاك فئـه من النـاس يحاولـون يخـربون سمعـه السيـارات بالتدقيـق بـكل حـاجه ! ..

.. مثـل الكـامري آخر عيـب طلـعوه هو أن ربعك بيقـولون لـك تاكسي :( ..

.. وشكـراً لـطرحـك الموضـوع عـزيزي ..

EF Sonata @user_11090 · 14-09-2005

w

waleed4w

2. الاكورد هي السياره الوحيده في فئتها اللتي حصلت على الخمس نجوم وهي العلامه الكامله في نتائج التصادم الامامي

:D كل السيارات إلي من نفس الفئة حاصلة على خمس نجوم في التصادم الأمامي ... شوف معي

لكن إذا رتبناها بأخذ التصادم الجانبي والإنقلاب بعين الإعتبار راح يكون ترتيبها كذا
--------------------------------------------
1- الجـلنــت 24 نجمة من 25
2- الأكــورد 22 نجمة من 25
3- الكامري 21 نجمة من 25
4- الألتـيمـا 20 نجمة من 25

:)

waleed4w @user_18798 صاحب الموضوع · 13-09-2005

E

EF Sonata

2. الاكورد هي السياره الوحيده في فئتها اللتي حصلت على الخمس نجوم وهي العلامه الكامله في نتائج التصادم الامامي

-----------------------------------

ممكن موقع الهيئة أو المؤسسة إلي تعمل التجارب هذي ؟؟؟

http://www.safercar.gov/Index2.cfm

هذا هو الرابط يالغالي لاختبارات الاكورد

سراب الود @user_22125 Banned · 13-09-2005

هوندا
قطع غيار ناااااااااااااااااااااااااااااااااااااااااااااار
انا معي 2003
وغيرت كراسي المكينه كرسيين 1000 ريال والله نار
وصدمه خفيفه مع الوجهيه
وطفرتبي علماااا اني جامعي وعلى باب الله
في اللفات والمنعطفات مافيها ذاك التماسك اللي كنت ارجوووه منها
يعني تزحف وجرب يلي معك اكووورد
شاشة السي دي عذبتنييييي
احسن شي فيها القير 5 تغيرات
والفحمات غيرتها والسياره ما شيه 45000كيلووو 260ريال
والان راح اغيرها والسياره ماشيه90000كيلو والله يعين على المبلغ
افكر ابيها وابدلها بالسوناتا الجديده
و ش رايكم
ومشكور والناس اذواق
شي يعجبك ولا يعجب غيرك

ابو شطب @user_11771 · 13-09-2005

كح

كح

كح

<<<< طلع غبار :D

السلام على الجميع ....انا انقطعت فترة (اشغلتنا الدنيا الله لا يشغلنا الا بطاعته)

موضوع ممتاز وخصوصا انه يتكلم عن محبوبة الجميع الأكورد |238|

بالنسبه للسعر هو غالي طبعا .....لكن هذا مهو معناته ان السيارت الثانيه من نفس الفئه رخيصه (اذا استثنينا السوناتا ولو ان سعرها معقول لكن مهو رخيص ابد)

كيف تقدر تفتح و تغلق الفتحة عت طريق الريموت ؟؟؟ ايش تضغط ؟

:confused:

يمكن غلط مطبعي منك <<<< يبي يرقع للرجال :D

ممكن ليش لا :)

الف شكر لك على الموضوع

Mr.zoom @user_21749 · 13-09-2005

حرام والله حرام شنو 86 الف وهي سيارة عادية جدا وقيمته قريبة لسته سلندر اما لقيمة الستة سلندر ازيد اشوي واخذ لكزس|13| وانا كاشخ

abo 7med @user_21258 · 13-09-2005

بلنسبه لقساوة المراتب فهي صحيه اكثر من الكراون فيكتوريا والكامري والالتيما وماعرف قيمة هذا الكلام الا اصحاب الالماني
8
8
8

والضحيه ظهورنا

بس لما نجي نقارنها بمثيلاتها مثل الكامري

اشوف الكامري اريح

وبالنسبه للسعر او لمانزلت كانت

ب

58.500 ريال

والقير العادي
ب

54.000 ريال

بالنسبه للمواصفات انا اشوف انك سلطت الضوء على مواصفات مالها اهميه ولا ينظر لها اذا جيت تشتري السياره

بس مع هذا تظل الاكورد متميزه رغم عيوبها القليله

Lumina2005 @user_13792 · 13-09-2005

بالنسبة للنوافذ
1- اضغط زر فتح الابواب لفتح الابواب
2- بعد ما تفتح الابواب اضغط زر فتح الابواب مرة ثانية و استمر بالضغط حتى تنزل النوافذ للمستوى المطلوب
و حسب علمي لا تستطيع اغلاق النوافذ بالريموت

و هناك طريقة ثانية لفتح و غلق النوافذ
1- افتح السيارة بالمقتاح
2- ادر المفتاح نفس اتجاه الفتح و استمر بالضغط حتى نزول النوافذ للمستوى المطلوب
3- لغلق النوافذ اغلق الابواب بالمقتاح
4-ادر المقتاح نفس اتجاه الاغلاق و استمر بالضغط

اما بالنسبة للفتحة اول مرة اسمع و يمكن خطأ مطبعي و منكم نستفيد

الزاااااحف @user_20961 Banned · 12-09-2005

L

Lumina2005

1. امكانية فتح النوافذ والفتحه عن طريق الريموت كنترول

=================================

كيف تقدر تفتح و تغلق الفتحة عت طريق الريموت ؟؟؟ ايش تضغط ؟

صح كيف تفتح النوافذ والفتحه ؟

EF Sonata @user_11090 · 12-09-2005

2. الاكورد هي السياره الوحيده في فئتها اللتي حصلت على الخمس نجوم وهي العلامه الكامله في نتائج التصادم الامامي

-----------------------------------

ممكن موقع الهيئة أو المؤسسة إلي تعمل التجارب هذي ؟؟؟

Lumina2005 @user_13792 · 12-09-2005

1. امكانية فتح النوافذ والفتحه عن طريق الريموت كنترول

=================================

كيف تقدر تفتح و تغلق الفتحة عت طريق الريموت ؟؟؟ ايش تضغط ؟