السلام عليكم ورحمة الله وبركاته
والله اخواني انه كاتب هاي الموضوع من القهر الي فيني لانه الشي ان زاد
عن حده ينقلب ضده ... الله يسلمكم ويسلم القارئين اليوم الظهر كان يدق علي
رفيجي ويقول لي انه سيارته خرابه ووقفت عليه بالشارع وانه بالشارع الفلاني
تعال لي المهم انه هم دقيت السيارة وطلعت له وكان موقفها على جنب برع الشارع
يعني ما تعارض السيارات باي شكل من الاشكال المهم قلنا بنروح نتغذى والعصر
نرجع لها ليش انه ما عندنا خيط لسحب السيارة للكرج لانها ما كانت تمشي .. مو هذا
المهم .. رجعنا العصر والا المخالفة ملصوقة على الزجاج الامامي من المرور !!! احنا
استغربنا يعني من هذا الشي مب واقفين مكان ممنوع الوقوف ولا شي على طول
يجي يركب المخالفة واهو ما يدري وش صاير بالسيارة !!! انه اقول الواجب والقانون
على عينا وراسنا بس لا يصير الشي زياده عن اللزوم بصراحة انه اشوف مرور البحرين
وايد يوقفون سيارات وطخونهم مخالفات ومشددين على كل شي حتى اتفه الاسباب
تصورو يا جماعة الخير عندك سيارة ومركب عليها للبيع تروح تنزل السوبر ماركت
ترجع والا المخالفة ملصوقة على السيارة ليش لانك كاتب عليها للبيع والي اكثر من كذا
السيارات الي موقفه ومعروضه للبيع يجي المرور يلصق المخالفة ويجي الثاني يشوف
المخالفة ملصوقة ويركب لك الثانية وهذا الحال جاري ليما تجي تشوف انه سيارتك
معبيه مخالفات وغصب عنك تشيلها ... احنا نحترم المرور وقوانينه ولكن هناك اشياء
كثيرة تحصل عليها مخالفة مع انها ما تستاهل والله وماادري ليمتى بظل الوضع كذا
حتى التظليل عن الشمس يشوفك ماشي بالشارع يوقفك ويطخك المخالفة واعتقد انه
الدولة والوزارة لازم تنظر الى هذه الامور الي اهيا فعلا ما تستحق المخالفة ... والسموحه على الأطالة
وسلامتكم ..
أخوكم
clk_200
