سوناتا 2005 و 2006 و الكامري 2005

ابو سويلم · 2005-09-25T10:51:00+03:00

بسم الله الرحمن الرحيم السلام عليكم و رحمة الله و بركاته .. الان عرفنا السوناتا 2005 فما الفرق بينها و بين 2006 ؟ فيه شباب ناوين يشترونها لكي مترددين . يقولون نصبر الى رمضان يمكن ينزلون عروض عليها . بس انا ابسألكم بالله وش الفرق ؟ السوناتا على راسي لكنها ( كورية ) بالعربي في السعودية لو بغيت تب

أبـــوبـــدران @user_19528 · 26-09-2005

رجعت لكم اقول مواصفاات سيارتي على سعرها

سوناتا GLS 2006 لؤلؤي 4 سلندر

وسعرها 63000 ريال سعودي من عند الوعلان ><قبل الدراسه بــ20 يوم تقريبا ><

واقول كل صغيره وكبيره فيها وانتو احكمو

----------------------------------------------------------

مكينه سعة 2400 بقوة161 حصان

جنوط16---ايرباج---فراملABS مع نظامEBD---مقاعد مخمل---كشافات

عدسات اماميه---تخشيب---تكييف الكتروني---مسجل كاسيت مع CD و MB3

قير شفترونك مخشب---8ازرار على الطاره للتحكم بالمسجل والمثبت---فتحة سقف

حامل نظارات---كومبيوتر للرحلات والبنزين---مسند امامي وخلفي<<ويتكون من حاملات اكواب

ريموت للأبواب والشنطه---نوافذ اوتوماتيكيه --------------><><اتمنى اني مانسيت شي><><

بلاه عليكم تقارنون مواصفات الكامري بالسوناتا

ماني قايل نقارن فل السوناتا بسياحي الكامري عشان السعر ومدري ايش

انا اقول نقارن فل السوناتا بفل الكامري

واخيرا نقول لكم شي اضافي بس شوفو السعر والفرق بين السيارتين

والسلام عليكم ورحمة الله وبركاته

تحياااااااات اخووووووكم

اســعـد عــمـر قــلــي

وشكرا؛؛

ابو سويلم @user_4917 صاحب الموضوع · 26-09-2005

السلام عليكم و رحمة الله و بركاته ،

ها هو ابو سويلم يعود اليكم من جديد لانه صاحب الموضوع و الفكرة .

يا جماعة الخير . الاختلاف في وجهات النظر لا يفسد للود قضية . حوارنا عن هذه السيارتين كانت فكرة ، ما توصل الى حد الهوشة و الحمد لله انكم على النت و لا كان تصافقتوا . على العموم اشكر كل من شارك في هذا الموضوع ، لانه حقاً موضوع حساس اشغل كثير من الشباب هالايام . انا بنسبة لي معي كامري 2004 جي ال . بس مو معنى ذلك ان السوناتا ازفت سيارة ، لكلاً منا وجهة نظر و هو حر في رأيه . و بعدين لاحظت انكم مقارناتكم كلها عن الفل كامل الفل كامل ليش ؟؟ .. بارك الله فيكم .

EF Sonata @user_11090 · 26-09-2005

هذا أنا مرة ثانية ... :) ممكن أعلق على الكلام إلي إنقال ...

انا برأيي تاخذ كامري وأنت مغمض .

بعدين 64 الف اشوف انه مرتفع على سيارة كوريه .

لو انك تاخذ سياحي سوناتا اقول انها أفضل من ناحية السعر .

لكن انا اشوف من الظلم مقارنة السوناتا بالكامري لان الكامري سيارة عمليه اكثر .

وشف السوناتات موديل 2001 والكامري 2001 وأنت تبي تعرف مقصد كلامي .

اخوي اكورد وبس

وش اللي ما في الكامري شيء مغري <<< كل الانتشار هذا وما فيها شيء مغـــــــري !!

العصبية متى تنتهي من المنتدى ؟

أيش مشكلة أنك تدفع 64 الف أو حتى 90 الف على كوري ؟ ... انت تدفع على مواصفات وعلى تجهيزات مش على مكينة وقير و4 كراسي وإسم الماركة.
ايش فيها السوناتا 2001 ... أنا أملك وحده من عامها والحمد لله إلى الآن ماشتكت من شيء ابداً ... القطعة إلي أبدلها أكثر شيء هي القماشات ... وذلك بسبب سواقة :D

ما أدري هل تعتبر الإنتشار شيء مغري ... غريبة ... أخبر المواصفات والتجهيزات هي إلي تغيري مش الإنتشار ... أيش راح استفيد لو كانت السيارة منتشرة ... راح أسوي تجمع يعني ;)

إيه معاك حق متى تنتهي العصبية في المنتدى :o

والمواصفات ماهي كل شيء في السيارة .

وش استفيد من سيارة عمرها ان طولت وكنت محافظ عليها اربع سنوات .

ووقت البيع ما تجيب ولا نص السعر .

إيش عجل إلي يرفع سعر السيارة هذي عن ذيك غير المواصفات ... ليش الأفلون أغلى من الكامري ... كلهم تويوتا ... كلهم 4 كفرات ... و 3 كراسي ... كلهم فيهم مكينة ... كلهم راح يمسكون سعرهم عند البيع ... فليش الأفلون أغلى ... ؟ بديهياً الجواب ... لان الأفلون فيها مواصفات مش موجودة في الكامري (نتكلم عن سيارتين من نفس الشركة فلاحد يجي يقولي الكامري اغلى من السوناتا فالكامري فيها مواصفات أكثر لأنه يكون دلخ وقتها)
وهل أنا راح أدفع في السيارة المبلغ الفلاني وأسوقها 4 سنوات بس علشان لين جيت ابيعها تجيب لي سعر ... أظن مايفكر كذا إلا إلي السيارة بنظره وسيلة نقل تنقلك من نقطة أ إلى نقطة ب

أول شي الكامري سمعتها قوية وسيارة من تويوتا .. طبيعي انها تمسك سعرها ..

وش تبي اكثر من كذا .

أبي أحس أني لما أدفع المبلغ الفلاني في السيارة ... ألقى مواصفات

بعدين السوناتا ممكن تقارن بالكورولا لاكن ما وصلت لمستوى اننا نقارنها بالكامري جونيور

كل المواصفات إلي ذكرها وتقول كامري جونيور

... وكي وراي محاضرات أكمل الكلام لما أرجع :)

كاسبر @user_20355 · 26-09-2005

بسم الله الرحمن الرحيم

اخوي حارش مارش

ابي اسألك سؤال انت وشلون تفكــر ؟؟

[color=blue]أول شي الكامري سمعتها قوية وسيارة من تويوتا .. طبيعي انها تمسك سعرها ..[/color]

بعـدين تقول :

[color=blue]سيارة سمعتها زي الزفت [/color]

[color=darkred]أتوقع ان السهر اتعبك شوي .[/color]

وتفكر بتفكير أكثر منطقية ,, وتهتم بكل ريال

صحيح الناس تفكر وتعرف اني اذا دفعت في سياره 78 الف وما تجلس اكثر من خمس سنوات وش استفيد .

سيارة ما فيها أي لمحة فخامة

تقولي عز ؟؟

سبق ورديت عليك

انتم تقولون الكامري لا مواصفات ولا شكل ولا تطور ... الخ

والمشكله ما فيه اي سياره وصلت لمواصيل الكامري . لا جوده ولا انتشار ولا من ناحية الصيانة و المحافظه على السعر عند البيع .

واذا كانت المواصفات ماهي كل شي أجل وش اللي كل شي ؟

اهم شيء الجــــــودة بعدين تجي المواصفات .

اسمح لي يا حبيبي انت غلطان ,, انا انسان ابي ارفه نفسي وأدلعها

وأبي أكشخ وأرتاح بالسيارة اللي معي ,,

الناس ماهي غبيه وتعرف ان سيارتك اساسها كوري وسعرها 53 الف .

للمعلوميه

قيمة سيارتك ( الكشخه ) يساوي قيمة كورلا XLI مطور فما بالك بمقارنتها بالكامري

مع العلم ان افخم نوع من السوناتا اربعه سلندر سعرها اقل من .الكامري XLI مطور 65 الف .

وبالنسبة للعمر الافتراضي للسوناتا الجديدة بدري تحكم عليه

انا اقيس على الموديلات السابقه من السوناتا .

[color=blue]أكبر غلط اني أدفع على سيارة مبلغ كبير

وهي ما توفر لي سبل الراحة والفخامة
اللي يشوف كلامك يقول الكامري سيكل مجرده من المواصفات .

تفكير الشريطية ما يعجبني يا كاسبر

الناس تفكر للمستقبل والواحد اذا جاء يشتري يدرسها من جميع النواحي .

وللأسف ما فيه أي وجه مقارنة بين الكامري والأكورد

انت تتهرب من المقارنه بين الكامري والسوناتا بأقحام الاكورد .

كتبت لك 20 سطر طويل وعريض ,,

انت ذكرت المواصفات فقط وأنا اهم شيء عندي الجـــوده

ما مشاها الا علامتها وقطع غيارها الرخيصة

ما أتوقع انه السبب الوحيد الي يخلي الواحد ياخذها .

مـلاحظه

ياليتك تكون اكثر وضوح في ردودك بمعنى انك تاخذ الكلام اللي قلته وترد عليه وحده وحده .

تحياتي

كاسبر

[/color]

الـصـقـار @user_12505 · 26-09-2005

شباب خلو النقاش هادئ تكفون وبدون استهزاء

sonata 2005 @user_22366 · 26-09-2005

ا

الزاااااحف

اخوي سوناتا 2005

هل سقت الكامري من قبل ؟

بعدين السوناتا ممكن تقارن بالكورولا لاكن ما وصلت لمستوى اننا نقارنها بالكامري جونيور

تحياتي

اي كورولا يمكن تقارنها بالانترا بعد الالنترا 2.0لتر و الكورولا 1.8لتر

يكفيك ان السوناتا افخم

و اسيح سيارة شفتها بحياتي الكامري

يبغون يكرهونك فيها غصب

الـصـقـار @user_12505 · 26-09-2005

السلام عليكم ورحمة الله وبركاته

اللهم صلي على محمد وعلى ال محمد وبعد

اخواني الاعضاء المشاركين بالموضوع

ماتلاحظون شي ؟؟؟

اغلب الردود من اصحاب السيارتين ... واكيد صاحب السياره شهادته فيها مجروحه ...

انا شخص املك اكورد واتمنى ان اكون محايدا بردي هذا

على العموم حبيت اعلق اول شي واقول

السوناتا تقارن بالكامري لانهما من فئه وحده ( فئه السيارات المتوسطه ) ولا يجوز مقارنتها بالكورلا فالكورلا تقارن بالالنترا ..

الكامري تتفوق في السعر عند اعادة البيع فقط ولا ندري قد تصل السوناتا لهذه الدرجه في يوم ما ...

مالذي يميز الكامري غير هذه الميزه ؟؟

شاشه معلومات ... قسم بالله عند خويي مخبطه تعطيه معلومات غلط ..
حساسات ... ترهييييييييييييم وشي معروف ...
مكيف خلفي ... ميزه بسيطه لا ينظر لها اغلب الذين يشترون سيارات من هذه الفئه

وغيرها ..؟؟ لا يوجد ...

اما السوناتا فيها حلوه وسعرها رخيص يعيبها صناعتها الكوريه والتجميع وسعر اعاد البيع المتدني فقط

لا اقصد بكلامي ان السوناتا افضل او الكامري افضل فلكل من الناس رأيه ...

ولكن لو ان الخيار لي لأشتريت كامري ولكن خليجيه بحته اولا لرخص سعرها وعدم وجود قطع تجاريه كسيارات عبد اللطيف جميل ,,

ولذات السبب سعر اعادة البيع المرتفع وعمليه السياره وجوده موادها رغم اعتراضي على السيارات ذات الصناعه الاستراليه ولكن لا مشكله ,,,

تعليقات على ردود بعض الاعضاء

الاخ الذي يقول ان كلتش الكامري رياضي ... هل من اثبات ؟؟

الاخ الذي يقول ان الاكورد لا تمسك سعرها فأقول له غلطان ومالك لوا انا سيارتي 2004 نص فل مسيومه براس مالها 67 الف ريال وماشيه 30 الف

الاخ الذي يريد توصيل سعر الكامري ل 100 الف اقول .. وش خليت لللكزس ؟؟ وش خليت للسيارات الممتازه او الفارهه ؟؟
100 الف على كامري ليش ؟؟؟؟؟ القراندي حدها 80 الف بالكثيييير ...

الاخ الذي يقول ان القراندي لا تاتي بسيدي ... البركه بعبداللطيف مع شكي بهذا الكلام فالكورلا الخليجيه تأتي بسيدي ولكن سعرها مبالغ فيه فكيف الكامري

شكرا لكم

أكورد وبس @user_7944 · 26-09-2005

بالنسبة للمواصفات اللي ذكرتها لك فهي بدون جلد مع فتحة ، وهذي أمس شايفها ، ونفسها كانت قبل شهرين بـ 63900 ، صدقني سائل عنها بأم نفسي :D

وشكرا على تصحيح معلومة الصنع

المقصود إن سيارات هونداي لا يتم تطويرها بواسطة هونداي فقط ، بالذات المحركات ، صدقني محرك الجالوبر من محركات ميتسوبيشي

LAMBADA @user_13601 · 26-09-2005

أخوي أكورد وبس ,,

اللي سعرها 65 الف فيها جلد وسي دي وفتحة ,,

انا شايفها بعيني !!

وبالنسبة لتجميع القطع ,, ياخي انتم تدققون بالموتر تدقيق مهوب طبيعي :D

تحللونه قطعة قطعة ,,

ويا ليت يا طويل العمر تأكد لي وشي القطع اللي مركبتها هيونداي من ميتسوبيشي ؟

بالنسبة للمحرك فهو تطوير هيونداي وكرايسلر وميتسوبيشي ,, ليه اعتبرتوه محرك ميتسوبيشي بس !!

اما باقي السيارة من الصدام للصدام ,, ما قريت أي خبر أو كلام انه مأخوذ من شركة ميتسوبيشي ,,

تحياتي لك أكورد وبس ,,

LAMBADA @user_13601 · 26-09-2005

أخوي الزاحف ,,

انت راعي طويلة :D

أشوفك بكرة ان شاء الله ,,

الزاااااحف @user_20961 Banned · 26-09-2005

ياخوووووي

لو يحطون بالكامري ABS والمميزات القويه هذي راح توصل للـ 100 الف

خلها كذا احسن يا عيني على الكامري قسم بالله لو معي 60 الف لاشتري كامري ولو جونيور

بس ماااش ما وصلنا لها

أكورد وبس @user_7944 · 26-09-2005

السوناتا فل كامل 4 سلندر بـ 65500 عند الوكالة أمس

جنوط 16 ، كشافات ، مثبت سرعة ، تحكم بالصوت من الطارة ، مكيف إليكتروني ، بدون سيدي

الكامري ما فيها لا مثبت ولا جنوط ولا فرامل ABS ولا قير زي الناس ، ولا رساوة ، ولا سيدي ، ومرتفعة عن الأرض كأنها باص

هذا اللي يخليني أقول إن ما فيها شي مغري

الشي الوحيد اللي يميزها عن السوناتا إنها صناعة تويوتا بالكامل ، أما السوناتا بالعكس ، كعادة هونداي ، كثير من قطعها مجمعة ، بالذات من ميتسوبيشي

أما الأكورد فمن قال إنها ما تمسك سعرها ، رح شفها بالمعارض 2003 واصلة 50 ألف

الزاااااحف @user_20961 Banned · 26-09-2005

اخوي سوناتا 2005

هل سقت الكامري من قبل ؟

بعدين السوناتا ممكن تقارن بالكورولا لاكن ما وصلت لمستوى اننا نقارنها بالكامري جونيور

تحياتي

LAMBADA @user_13601 · 26-09-2005

ارجو من جميع الاخوان عدم المقارنة بين سيارتين الا عندما تجربها كلها بنفس المواصفات ( يعني مثلا 4 سلندر ضد 4 سلندر ، قير اوتو X قير اوتو )

وبعدين اصلاً من الظلم والجور تقارن كسرة كوري بسيارة عملاقة من تويوتا

وبعدين يعني رايك كل العالم اللي يشترون الكامري مسبه ؟

اكيد ما شروها الا لسبب مقنع

وانا شايف ان الناس اذا جت تقارن بين سيارات تقول هذي فيها سيدي وهذي لا و .... ؟؟؟ّّّ

نسيتوا عملانية السيارة و الرساوة والحجم و....

وبعدين يعني رايك كل العالم اللي يشترون الكامري مسبه ؟

اكيد ما شروها الا لسبب مقنع

وانا اقول لو الكامري ما فيها الا المكيف الخلفي لكفاها ولا تهون شاشة المعلومات

تحياتي

سلام للغالي اللي شرفنا :cool:

لحظة لحظة يا حبيبي لا توزع اتهامات ؟؟

اخوي الزاحف طلب مقارنة بين الكامري الاكس ال آي المطور والفل الكامل السوناتا

انا قارنت .. وما سويت شي غلط !!!

والمقارنة الثانية

كانت عادلة 100%

فل كامل 6 سلندر سوناتا

وكامري قراندي

وبالنسبة للي يشترون الكامري مسبة ,,

انا ردي بينت فيه وجهة نظري وصححت مغلوطات كانت مكتوبة

الا اذا كان عندكم مانع فهذا شي ثاني :D

وبالنسبة للحجم

انا ما نسيت هذي النقطة ,,

لا يغرك الشكل من برا ,, انت عليك من المقاسات الداخلية

خلني افضى بس واجيب الترجمة من موقع الشركة

وشف كم الفرق بينها وبين الكامري ,,

على فكرة ,, تدري ان سعة شنطة السوناتا أكبر من الأكورد ؟ :)

وبالنسبة للرساوة ,,

انا ما أدري ليه تتطرق لهذي الكلمة والسيارة اللي تتكلم عنها كامري !!

يعني معروف ان هذي السيارة يمين .. والرساوة أقصى الشمال :rolleyes:

وبالنسبة للعملانية

الحمدلله والشكر مريحتني السيارة ولا اشتكيت منها ,,

وعلى طاري شاشة المعلومات ,,

نسيت لا أذكر انها متوفرة بالسوناتا الفل الكامل :D

تحياتي لك يا غالي ,,

sonata 2005 @user_22366 · 26-09-2005

ك

كاسبر

السلام عليكم ورحمة الله وبركاته

رجعنا للمموضوع من جديد ...

اخوي [color=red]حارش مارش << شد حيلك في دراستك .[/color]

بعدين يا أخوي السوناتا عزها سنتين بعدين يطيح كرتها

مثل 2001 ـ2002 بعدها ماشفنا 2003ـ 2004 ـ 2005 ( الدفعه الاولى )

بعكس الكامري اللي من طلعت الى الان وعزها قايم .

والمواصفات ماهي كل شيء في السيارة .

وش استفيد من سيارة عمرها ان طولت وكنت محافظ عليها اربع سنوات .

ووقت البيع ما تجيب ولا نص السعر .

وأحب اعقب على بعض كلامك

أول شي الكامري سمعتها قوية وسيارة من تويوتا .. طبيعي انها تمسك سعرها ..

وش تبي اكثر من كذا .

السوناتا حاليا صار يمسك سعرها أكثر من القديمة .. والدليل انها صارت مرغوبة ..

السوناتا لها الان حول العشر سنوات توها تمسك سعرها !!!

صدقني راح توصل ان شاء الله لمسكة سعر قريبة من الأكورد

الاكورد ما وصلت الكامري في مسكة السعر عشان تقارنها بالسوناتا .

نجي للجزء المرح بالموضوع .. وهي مقارنتها بالكامري

يعني السوناتا افضل من الكامري <<< اي موديل من الكامـري اعتقد ( 98 ) .

مع احترامي للكامري .. الا انها تبقى سيارة جدا عادية ما فيها أي زود ؟؟

سبق ورديت على الكلام في الرد السابق .

انتم تقولون الكامري لا مواصفات ولا شكل ولا تطور ... الخ

والمشكله ما فيه اي سياره وصلت لمواصيل الكامري . لا جوده ولا انتشار ولا من ناحية المحافظه على السعر عند البيع .

بعـدين اغلب المواصفات اللي ذكرتها كانت موجوده في موديل 2001 وشف جودتها و كم سعرها الحين .

واعيد واكرر السوناتا سياره ممتازه ورائعه لكن ماتوصل لدرجة مقارنتها بالكامري .

تحياT

كاسبر

معليش أخوي الكامري مع احترامي للمتعصبين لها

سياره بايخه|5|

الدليل شف الكامري سياحي جونيور وشف السوناتا

الي ماخلاني اشتري الكامري دلاختها

اجل فيه سيارة تضاهونها بالسوناتا درايش يدويههههههه:D ومرايات سود و المقبض حق الباب اسود ياخي تفشل|5|

وش السوناتا السياحي جنووووووووووووط موديل 2006 عند الوعلان درايش كلها تماتيك ورموت مدمج بالدركسون

انوار ضباب الشكل يحطم الكامري 2000000000000مره يكفيك انوارها الامامية

وتحياتي

الزاااااحف @user_20961 Banned · 26-09-2005

اخوي حارش ابي اعلق على توقيعك لو سمحت لي تراني فاااضي وماحظراتي بكره من الساعه 1 الظهر

190 بلدا حول العالم

وسيارة واحدة أرضت الجميع

SONATA

هههههههه من اللي وصل لك هالمعلومات
اسمحلي معلوماتك غلط

اذكر اني تابعت الاخبار يوم اعصار الللي ضرب امريكا وانهبلت

نص الشارع كوامري اثر ماهو بس السعوديين العالم كله رايح مع الكامري
ومعذورين لو ارتفع سعر الكامري لـ 100 الف

الزاااااحف @user_20961 Banned · 26-09-2005

انا من الوعلان اللي بالرياض على طريق خريص

الزاااااحف @user_20961 Banned · 26-09-2005

اخوي حارش يابن الحلال انا مارهم قبل اسبوعين

السياره مافيها شي ابد وصرفت نظر عنها لا جنوط ولا كشافات مافيه شي ابدا ابدا

والله حرام الواحد يشريها

اللي اعرفه ان الكوريين يضبطون سيارتهم ويجهزونها علشان تمشي

الناس ماطاحت بالسوناتا الا علشان بالهمواصفات دام كذا الايكو افضل منها على الاقل ماتصرف بنزين واجد

LAMBADA @user_13601 · 26-09-2005

على فكرة أخوي الزاحف ,,

انا ساكن بالرياض وآخذها من الوعلان ,,

شكلك انت عند الناغي بجدة !!

لأنه يجيبها بدون اي مواصفات وسعر دبل

LAMBADA @user_13601 · 26-09-2005

أخوي الزاحف ,,,

سيارتي شاريها بهذا السعر ومن الوكالة بعد ,,

بس انا ما قلت لك ان فيها سي دي

وانت رح عندهم واسأل بيعطونك اياها بنفس السعر ,,

ويمكن بعد بارخص ,, اذا عطوك خصم

ويا تلحق يا ما تلحق ,, الدفعة الجاية بشهر 11

تحياتي لك ,,