ارجوكم يا شباب ابي رايكم افالون او اكورد2006

الضايع @user_23064 · 13-10-2005

السلام عليكم ورحمه الله وبركاته

يا شباب يا اهل الخبره اخوكم في الله ( ما عنده خبره بالسيارات ) ويحتاج فزعتكم فلا تبخلون عليه |4| ...

بالنسبه للافالون( لمتد ) هل المواصفات الموجوده في موقع تويوتا او الي تكلموا عنها الشباب بالموقع ( الاغر ) عند ابو جميل .. والا محذف نصها :( ... وهل تستاهل 113000..

والاكورد الجديده وش رايكم فيها .. بعض الشباب يشتكون من الفرامل .. ومن المراتب اليابسه ... وقطع الغيار النار ..

يا شباب ابتعبكم معي بس تكفون فزعتكم ( ويموت الرجال ولا يقول تكفى )

واذا عندكم نصايح فلا تبخلون على اخوكم..

بامان الله ;)

الضــــايع 9/9/1426

الضايع @user_23064 صاحب الموضوع · 16-10-2005

عطيكم العافيه اخواني على تفاعلكم ..

وما قصرتم

اخوكم
الضايع

max036 @user_7466 · 13-10-2005

أفالون وانت مغمض اخوي....
ما اخفيك اني كنت ما امدح الأفالون الأسبوع الي راح....
بس بالصدفة رحت للمعارض وشفت اللميتد.....صراحه ابداااااااااااع ماحد يصدقه....
وتبي تشوف وش يقال عنها....اذا كنت تقرى انقليزي ادخل المواقع الي يسوون تجارب على السيارات وشف وش يقولون عنها...

عموما اذا كنت مستعجل تلقى السيارة بالمعارض ما بين 115000 ريال و 124000 ريال....
ولا اصبر شوي تاخذها من الوكالة ب 110000 ريال...

وبكل الأحوال الله يرزقك السيارة الي في بالك ويبارك لك فيها

HOLKAMANIA @user_18128 · 13-10-2005

ا

الضايع

انا رحت للمعرض وقالولي ادفع 5000 عربون وتجيك 2006 بعد العيد باسبوعين .. يعني ان شالله نجزم ونسال الله التوفيق...

اخوي لايلعبون عليك حقين عبداللطيف جميل ترا انا معربن على أفالون 2005 أول مانزلت قالولي 10 ايام والله للحين عربوني عندهم وصارلنا 6 شهور

فأذا كنت مستعجل خذ الأكورد اما ماعندك مشكله بالإنتضار فخذ افالون واكيد لايخفى للناس الأفالون افضل من الأكورد

لمسة مشاعر @user_23139 · 13-10-2005

أفلون بلا مناقشه
الاكورد 2006 صار الشبك الامامي مطرز بالنيكل والانوار الخلفية مثل البنز E240

C A R R E R A @user_16064 · 13-10-2005

السلام عليكم

بالنسبة لصاحب الموضوع اقو له انك لاتفكر و لاتحتار الأفالون هي إختيار الأغلبية في هذا الموضوع ...

بس عندي كم سؤال اخواني :

اخواني هل موديل 2006 فيها إختلافات وإن كانت بسيطةعن 2005 ؟

وهل هي الآن متوفرة في الوكالة أم مسألة الحجز أصبحت قائمة ؟؟

وبما ان المواصفات الخليجية مافيها شاشة ملاحة هل من الممكن نطلبها عبر الوكيل كطلبية خاصة وكم تتوقعون السعر ؟؟؟

أتمنى الأجابة عندي كم من واحد يبون يشترون افالون بس انهم مايعرفون عن سياسة ابو جميل بالافالون وعن تسويقها ...

ودمتم سالمين ...

janoon @user_23128 Banned · 13-10-2005

والله ماعندي خبره

A.K.R.M.E @user_16010 · 13-10-2005

أفالون,, اكيد ومن غير كلام

فهد منصور @user_22565 · 13-10-2005

بسم الله الرحمن الرحيم
اخوي / الافالون سيارة فخمة وراحة واسطورة تقارن بالسيارات القمة والفخمة لانها اخذت الطابع الياباني والاوروبي في الشكل الخارجي والداخلي ترى شكلها الخارجي مميز جدا عن غيرها وداخليتها مقاربة جدا للكزس لكن الله يهديك لا تقارنها بالاكورد مثل ما قالو الاخوان ما تقارن لان الافالون من فئة السيارات الفخمة العائلية المتوسطة والاكورد من فئة السيارات العائلية الصغيرة ((بدون الفخمة)) لان كل سيارة لها معيار معين من السلامة والسلامة من الله ومن الاداء والتجربة خير برهان وانا انصحك بالتوجة الى اقرب معرض ((على قولك))لابوجميل واطلب تجربة الافالون وشوف بعينك وتأكد .

اخوك /بوفيصل

كـــابرس @user_21986 · 13-10-2005

اخوووي الضايع افالووون وانت مغمض

لان الافالون نازلة السنة هذي ويبي لها وقت عشان تتغير

وغير كذا الافالون افخم ووكالة احسن وقطع غيار بكل مكان

نصيحيت افالون وانت ماتشاور

EVO MR @user_20104 · 13-10-2005

السلام عليكم

ما يجي منك قصور اخوي ايفو مر ( وش معنى اسمك؟؟ )

ولو إنت تامر أمر ...

وبالنسبة لسؤالك يا طويل العمر صحيح زعلتني لكن معذور ..

إسمي معناه يالطيب سيارة قووووية جدا والسيارة مي مشهورة مرة زي الكامري .. خخ

وطبعا هي من شكرة ميتسيوبشي الأم وتنزل عندنا بإسم Lancer وهذي ما تقاوم سيكل ..

ولكن الشركة تصدر نوع خاص ويدعى LANCER EVO ويعني مطور ويأتي من أنوا ع ..

وأنا اسمي نوع MR وهذا يجي بلون خاص فيه وبحط صوره لك وفيه GSR و FQ 300 > 450

وهذي مشهورة في الراليات لقوتها الهائلة حيث تسارعها من 0 - 100 3.5 ثواني فقط !!!!! :confused:

ويمكن أقل يعني سلملي على البورش والفراري بعد |3|

وهذي صورة جماعية لها ::::.:.:. وطبعا MR ::::::>:>:>

وآسف لكبر حجم الصورة ؟؟...

ت ح يا ت ي

الضايع @user_23064 صاحب الموضوع · 13-10-2005

الف شكر اخوي دحوووووومي

اذا ما ينقصه الا النفيقيشن .. حلو

مشكوووور وما قصرت خيو ..

اخوي الهامور ..

الله يعطيك العافيه وما قصرت..

الكامري
انا رحت للمعرض وقالولي ادفع 5000 عربون وتجيك 2006 بعد العيد باسبوعين .. يعني ان شالله نجزم ونسال الله التوفيق...

جزيت خيرا وزوجت بكرا ..

البقيه يا اخوان بانتظارهم على احر من الجمر ..|3|

كامري @user_798 · 13-10-2005

اخوي الضايع المواصفات عن ابو جميل نفس الي بموقع تويوتا فقط الناقص فيها انه مافيها شاشات الي موجوده بالبي ام دبليو و المرسيدس الي هي تحديد الاماكن ماادري ايش اسمها بالضبط وهذا الي مو موجود فقط

والسعر يستحق ونص وانا جربتها قبل اسبوع وجربت اللميتد ياخوي تكفيك انها تشغل بدون مفتاح يعني مثلها مثل الالماني

A L H A M O O R @user_17724 · 13-10-2005

أخوي [color=red]الضايع يا هلا بك في المنتدى [/color]
أولا ما فيه مقارنه جدا
الأفالون على طول
بعدين موقع تويوتا مواصفات الأفالون اللي فيه
ما تجي عندنا ( الله يهدي أبو جميل :( )
زي ما قال أخوي كامري الأفالون تقارنها بالومينا ال تي زد أو كابرس ال تي زد
أما الاكورد لتقارنها فيها
الاكورد قارنها بالكامري والاتيما والزووم
اتمنى لك التوفيق :)

دحوومي98 @user_19414 · 13-10-2005

الافالون ومافيها طقة عصا
بالنسبه للمواصفات المذكوره في موقع تويوتا فهي اغلبها موجود في الافالون الا نظام امان ناسي اسمه هو الوحيد اللي مب موجود فيها
بالنسبه للنفيقيشن مب موجود في الافالون لكن فيها شاشه معلومات حلوه
انا اشوف ان مواصفاتها على سعرها معقول جدا ولا فيه اي سياره في السوق بنفس المواصفات ونفس السعر

تحياتي :)

الضايع @user_23064 صاحب الموضوع · 13-10-2005

السلام عليكم

ما يجي منك قصور اخوي ايفو مر ( وش معنى اسمك؟؟ )
لكن هل المواصفات الموجوده عند ابو جميل نفس الي موجوده بموقع تويوتا ..
بموقع تويوتا يقولون فيه navigation system وشكله مهب موجود عند ابو جميل ..
الشي الثاني ..ما قد ركبت الافالون بس اسمع عنه .. وانا اسال هل مواصفات افالون الي موجوده عند عبداللطيف تستاهل هالمبلغ ؟

مشكوووووووووووورين اخواني .. وانتظر البقيه

كامري @user_798 · 13-10-2005

وييييييييييييين وييييييييييييييين تقارن افالون بـ اكورد هههههههههههههههههههههههه ضحكتني

اخوي فرق كبير بين السيارات الاكورد تقارن بالكامري وليست بالافالون

اخوي الافالون السياحي افضل من الاكورد الفل بكل شيء بالراحه والقوه وكل شيء ولا فيه اي وجه مقارنه تبي تقارن الاكورد قارنها بالكامري الالتيما نقول السوناتا << مع انها ماهي مثلهم ابدا

والافالون تقارنها بهوندا ليجيند والكابرس LTZ

وتكفيك

تــــــــــــــــويــــــــــــــــوتا

وسلالالالام

EVO MR @user_20104 · 13-10-2005

:.:.:.:( تكفى ترى تكفى تهز الرجاجيل ) :.:.:.

إنت آمر بس وحنا نطامر ومرحبا بك في منتدانا ...........

بالنسبة لمقارنتك يا أخي ما يبيلها الافااااالون صحيح إني أموت في شي إسمه أكووورد

لكن الحق يقال دائما الأفاللللووون أفضل من جميع النواحي ...

ممكن لو تقارنها بالكامري تتفوق الأأكورد لكن الافالووون والله غييير .

مواصفات الأاكورد ولا نص مواصفات الأفالون ...

شكل ولا تلقى زيه في فئتها ..
قوة ولا تلقى زي قوتها ..
راحة وفخامة ولا تجد زيها ..
مقاعدها زي مقاعد الكابريس 89 ==> خربها ..
مشاكلها إلى الأآن لم نجد لها مشاكل ويككفيك إنها تويتا ..
الأمان أكثر من الأأكورد ..
الفخامة الداخلية تتفوق عليها الأافالون يكفيك إنها مخشبة من كل مكان ..
سعرها قريب جد من سعر الأكورد ..

الأفالون مترشحة السيارات الآن وهي السلاح القوي لتويتا ..

ت ح يا تي لك يالغالي