سيارات ممنوعة؟؟؟ دعوة للمناقشة......

CamSHAFT @user_6565 · 13-10-2005

السلام عليكم
يا شباب كلنا نسمع انه فيه سيارات ممنوعة من دخول البلد..منها كما سمعت
1-اللاند الشاص..نوع يجي 8 سلندر
2- الباترول الربع ممنوع يدخل ابو مكينة 4800
3- الدودج الرام..بعض انواعه ممنوعه
4- نوع من الهوندا سبورت..لأن مكينتها 4 سلندر وقوتها 240 حصان..
هذا اللي سمعته
هل هناك سيارات ممنوعة فعلا؟؟؟
واذا ايه فلماذا
وشكرا

CamSHAFT @user_6565 صاحب الموضوع · 25-10-2005

الاخوة : محب الكلاسيك-صالح
اشكركم على مروركم الكريم ومناقشة الموضوع
لكن لا يوجد اتفاق من الاعضاء على ان المنع هل هو رسمي من الحكومة ام ان الوكيل فقط لا يوردها؟؟

salehhd @user_17805 · 25-10-2005

السلام عليكم

اعتقد اسباب المنع هي
1- عدم ملائمتها لجو الخليج
2- بعض السيارات تصنع داخل البلد فقط وليست للتصدير مثل السكايلاين سابقاً
3- قله الطلب عليها في السوق المحلية مثل السوبرا والسليكا
4- عدم قدرة الوكيل على توفير القطع والصيانة للسبب السابق
5- القوة الجبارة لبعض السيارات ورخص سعرها
6- قد تأثر هذه السيارت على مبيعات السيارات الاخرى

صالح يقول
السيارات الي عندنا ما شاء الله طبلون الكورولا وصل 240 وتبون سرعات زيادة

صار الموت بسبب حوادث السيارات كثر من الموب بالامراض او في الحروب

فالله المستعان

محب الكلاسيك @user_18573 · 23-10-2005

الجـيتي أر سكـاي لاين

CamSHAFT @user_6565 صاحب الموضوع · 23-10-2005

الأخ تورنيدو:
تسلم على الرد
واشكر لك المناقشة

TORNADO @user_4795 KING ZOOM · 23-10-2005

انا اعتقد الشاص ما أنمنع الا على شان التهريب

انتوا حطوها بالبال لما تلحقك دوريه او المخدرات بالبر وانت سيارتك 8 سلندر وهم 4 او 6

وشلوووون بيجيبوووك خلنا نقووول الفيراري اسمحوا فيها بس وين بترووح غير الشوارع

ماهي بناطه جبال او بتطير يعني كل الحكايه على شان منع للتهريب فقط

اما السيارات الثانيه

يمكن فيها مميزات رهيييبه مثلا او اسطوريه مثل افلام جيمس بوند ماتدري لو الكفرات بتاعاتها

ماتبنشر حتى لو تحط قدامها مو كمين الا لو تطلق عليها بالنار وغيرها من المميزات المحضووووره حتى دولياً

!!!!!!!!!!!! وطبعاً كل حاجه لها منافع واضرار واذا الاضرار غلبت المنافع تحجب الحاجه !!!!!!!!!!!! ‍‍‍

ومشكووو على طرح الموضوع

ودمتم سالمين

CamSHAFT @user_6565 صاحب الموضوع · 21-10-2005

الأخ محمد:
اذن انت تتفق في منع سيارات الدفع الرباعي القوية ..لمنع التهريب
الأخ كامري 559
شاكر لك مرورك اخوي الغالي

كامري _ 9 5 5 @user_23255 · 21-10-2005

كامري سولارا ممنوعة

mohammad 902 @user_10600 · 19-10-2005

السلام عليكم ورحمة الله وبركاته
بالنسبة للسيارات الممنوعة منعوها لأسباب مثل الشاص 8 سلندر هذا لو دخل الصحراء ما حد يجيبه
والنيسان سكايلاين هذي ممنوعة بسبب قوتها ,,, أما بالنسبة لكلام الاخوان انه في عندنا فيراري ولامبورجيني هذي سيارات غالية مو أي أحد يشتريها ويقعد يفحط فيها وصعب انه أحد يلعب بماكينتها
بالنسبة للنيسان سكايلاين يمكن الناس المتوسطين يشترونها وسهل انك تلعب بماكينتها وتخليها 1000 حصان فهذي انتشارها مشكلة زي ما صار بالامارات ومنعوها بعد ما انتشر استيرادها من اليابان
وشكرا

CamSHAFT @user_6565 صاحب الموضوع · 19-10-2005

الاخوة : صحراء الجليد-دراجر-التي رام
اشكر لكم مروركم الكريم ومناقشة الموضوع
في امان الله

LT_RAM @user_19318 · 18-10-2005

حسب ما أنا سمعت ان أي بيك اب ( ونيت ) عشرة سلندر ممنوع دخوله هنا....حتى
لو واحد طلبه من بره عشان استخدام شخصي...

خوفا من التهريب...
يعني ونيت 10 سلندر يدخل البر مشكله...

مع اني ارى انه سبب سخيف لمنع سيارات معينه...

ولو ان الناس الكبار يقدروا يجيبوها...

DraGGeR @user_10021 · 17-10-2005

من الوكيل الله يسامحه

في سيارات ما تنزل في السعودية و تقدر تحصلها على بعد عشرة كيلو في البحرين

المسألة ليست مسألة قوة و سيارة سبور 240 حصان و في فان عائلي ب 400 حصان!!

الوكيل ما يبي يجيب سيارة يبيع منها وحدة ولا ثنتين ......... ياريت لو نزل

عندك وكيل نيسان الي قدر يسحق (شركو معينة) بسيارات انفنتي بجميع فئاتها ولا نزلها الا قبل كم شهر و ياريت كلها

ولا ال mazda rz8 ذات ال 1300 سي سي بقوة 260 حصان و بسعر لا يتعدى ال 150000 ريال

والله حسرة و الشكوة لله على هل مسخرة

فهمت عزيزي

سلام

صحراء الجليد @user_19137 · 17-10-2005

ما اعتقد يمنعوا سيارات عشان قوتها

السكايلان موجود كم حبة منها في جدة

واذا كان على القوة ليش سمحوا للفراريات والبورشات

اعتقد الوكيل هو إلي يحكم ويشوف وش السيارة المناسبة للسوق ويجيبها

وطبعا مسألة الدركسون يسار لازم تكون موجودة

وبالنسبة للمواصفات ما اعتقد سيارات زي البورش والفيراري وغيرهم يغيروا مواصفاتها عشين الخليج

CamSHAFT @user_6565 صاحب الموضوع · 16-10-2005

الأخوة الشايب-لكزس-لومينا SS

انتم تتحدثون عن سيارات ما يتم توريدها اصلا..بس ممكن اللي يبي يشتريها يدخلها لنفسه..
انا اعني سيارات ممنوعة من دخول البلد سواء للتجارة ام للاستخدام الشخصي
شاكر لكم مروركم

][-Lumina ss-][ @user_18131 · 15-10-2005

اخوي المنع يأتي لأسباب عده

اول سبب القوه

والسبب الثاني الوكيل يقول احتمال ما تأخذ درجه في الانتشار عشان كذا ما يبي يخسر

وشكرأً على الموضوع

lexus4ever @user_10263 · 15-10-2005

اذا الكورفيت Z06

ممنوعة ليش وصلت عندنا البورشات بانواعها واخيرا وليس اخرا بورش كاريرا جي تي 12 سلندر والكل عارفها .

اللمبورجيني مورسيلاجو والديابلو

الفيراري انزو كلهم موجودين بالسعودية وكلهم فيها قوة وسرعة خارقة ولايمكن انكم تقارنونها بالصغيرة الكورفيت .

اما الشاص 8 سلندر اتوقع لانه بالعربي 8 سلندر يعني لما تبيعه مافي اقبال عليه لكثرة عيوبه وكثرة استهلاكه للوقود .

زي حكاية الكامري بالضبط 6 سلندر جراندي سعرها يطيح ومايمسك سعره زي 4 سلندر .

وبعدين معروف الشاص مين يحبوه الشيبان واهل البر . يعني يبون سيارة اقتصادية وتجيب لهم سعر عند اعادة البيع .

الشايـب @user_22887 · 15-10-2005

اهلين اخوي اي فية سيارات ماتدخل لاسباب معينة مثل قوة المكينة وغيرة
عندك النيسان السكاي لاين ممنوعة وفية مثل ما قال الأخ نوع من انواع الجموس مكينتة اكبر من العادي "الي تستعملة الدوريات"
والمكسما من الفين وهي تنزل بامريكا قوة مكينتها 3.5 وعندي صورة لها بس مدري وينها اما عندنا الى الأن مكينتها 3.0

CamSHAFT @user_6565 صاحب الموضوع · 15-10-2005

اخوي الفهد: شاكر لك مشاركتك
الصقار:
لا والله ماني متأكد وعلشان كذا طرحت الموضوع
لأن هالسواليف منتشرة وبقوة بين الشباب
كل شوي اسمعها من واحد

الـصـقـار @user_12505 · 15-10-2005

اخي الكريم

هل تأكدت من وجود سيارات بهذه المواصفات ؟؟

يعني فيه شاص بالرياض بمكينة وقير ودبل vxr

يعني 8 سلندر بس ترهيم

قبل كان فيه نوع من الفورد يمكن سمعتوا عنه موديلات ال60 وال 70

كان قوي لدرجه غير طبيعيه واستعمل للتهريب

يمكن يخافون من هذه المشكله

الفهـــــssـــد @user_21640 · 15-10-2005

والله سمعت انه في سيارات ممنوعه مثل الكورفيت نوعZO6 ويقولون انها ممنوع خروجها من امريكا
وفي ناس جابوها تهريب للمكسيك ومن المكسيك الى جده ولكن كفشوهم وردوها ما ادري ليه