ابــيـــكــــا .... هل تنصحوني بها ؟؟ أرجو المشاركه من الجميع

أخوي أكرر ترى السيارة ما أنصحك فيها بعد الكلام هذا ..

صراحة هي كانت في بالي لكن بعد الكلام هذا صراحة ديت أكرهها ..

ومعنات أشوفها منتشرة واجد بالخفجي هنا حوالي 70 حبة شفت إلى الآن ..

لكن في الخبر ما عندك أحد حالها حال الأأفالون الجديد ..



هذا اللي عندي أخوي .








ت ح يا ت ي

أنا اعطيك أفضل سيارات متوفر الان بالسوق
وحسب قطع الغيار وأستهلاك ومن تجربتي
قبل سنه ونص قبل ما أنتقل للسيارات العائليه
وبعطيك المزايا والعيوب لأني بنفسي 3 أسابيع
وانا اقلب بين هذه السيارات لين اقتنعت زززين
وحسب خبرتي ومعرفتي أنصحك بـ
1- تويوتا كامري xli أولا وكيل ممتاز وسياره مايحتاج ولكن عيبها أستراليه والسياره بوديها خفيف وخفيفه عشان كذا ملكت التفحيط
سعر اقل نوع 64 عند المعارض وشيك بجيبك
2- فورد مونديو أقل نوع ألماني وبدي قوي وتتحمل تستخدم في دول اوروبا شرطه وتكاسي قطعها مثل قطع الكامري وبعض القطع من شركه بوش وهي تصنع لمرسيدس وعلى السياره 4 سنوات وسعرها 58 وتمسك سعرها ووكيل مايحتاج توكيلات الجزيره
3- سوبارو ليجاسي أقل نوع سعرها طيب وقطعها غاليه شوي ولكن تتحمل ومبنيه بمواصفات اوروبيه ويابانيه عشان كذا منتشره في اوروبا أيضا ودفع رباعي الوحيده في فئتها وسعرها تقريبا 55 وتمسك سعرها ووكيلها غير معروف الان بس أتذكراول يوم رحت وشفتها هو بالبيد
4- هونداي سوناتا اقل نوع كوريا بس يعجبك وممتازه حقيقه انا اشوفها متقدمه بمراحل عن السيارات اليابانيه ولكن افضل انك تنتظر للسنه القادمه حتى تستقر بالسوق وتتمكن وسعرها طيب حتى وقت البيع
وكلام غير هذا ارجوا انك ماتسمعه هوندا أكورد مع احترامي قطعها نااااااااااااااااااااااار وصيانتها تعبانه بالشركه ومايوفر لك القطع الين ماينشق حلقك أفضل أنك تبتعد عنها صرااااااااااحه منظر ممتاز وشكل وشبابيه بس الاهم هو المضمون وهو ماتفتقده الاكورد وفي النهايه أقول لك اختيار وقع على الفورد مونديو ومشت معي وبعتها واشتريت لاندكروزر gxr-j وهذا ليس معناه أنك تبتعد عن الثلاث السيارات الباقيه بس شوف أي شكل يعجبك وكيف الداخليه حقتها والمساحه وكل شخص هو وراحته بس أفضل لك هذه الاربعه واتمنى لك التوفيق ومبروك مقدما وعيدك سعيد والجميع أيضا تحياتي

و الله اخوي ابو غزالة الامر يرجع لك

لو تضمن انك ما راح تخسر كثير من قيمة السيارة احسن لك بيعها

لكن انا خلاص سيارتي مصدومه و ما تجيب سعرها للاسف !!

عشان كذا ان شاء الله باشتري لي جيب بس محتار وش اخذ عموما ربك يسهل و اشوف لي موتر سنع دعواتك لي

و نصيحة اخويه لا تروح من حفره لدحديره و اقصد ابعد عن الامريكي خذ لك اكورد الجديد و الا هوندا ليجند (سيارة خيالية و ارخص من الكابرس بعد) و مواصفاتها مشابهة للكزس LS 430 و احسن من الافالون الجديدة (القبيحة)

و يعطيك الف عافيه

والله ياخوي مانصحك

وترا مادري سمعت كم مره انها دايو ؟

بعدين عندك كم سياره افضل منها (حسب رايي)
شوف السيفيك .. او اذا تقدر تزيد شوف المنديو
اكرر واقول المنديو احسن لك

اللي عندي أعلى درجات الـ LS حسب تصنيف الوكيل العيسى حسب تسميته T32 لكنها مش LTوالـ LS مقسمة عند الوكيل اربع انواع
وماعندي نظام TCS لكن شكلكم خوفتوني من السيارة لأن صرت الوحيد اللي اشكر فيها والله يستر لاتطلع لي المصائب والخرابات بعدين
اصلا انا الان افكر أني احول للكابرس مش لعيوب الابيكا ولكن لاني أخطأت الاختيار في حجم السيارة لانها غير مناسبة لحجم العائلة ولعلها خيرة قبل أن تظهر لي العيوب لاني اشوف انا الوحيد اللي امدح والغالبية تذم والله يجيب العواقب سليمة

ويعطيكم العافية

لا اخوي سيارتي فل كامل (ايرباقين,جنوط,كشافات ضباب) ما تفرق عن الفل كامل الا بالقير العادي فقط

بس تدري اخوي انت احتمال الابيكا حقتك LT لان الـ LT مزود بنظام الثبات TCS شف فيه زر عند خلف القير مكتوب عليه TCS

اذا كان كذا فعشان كذا سيارتك راسيه لانه هذا نظام ثبات و الله يعطيك خير السيارة و يكفيك شرها

و على فكره ترى انا عندي ابيكا حقت صديق لي (قلدني :)) ابيكا اربعة سلندر فيها ABS لكن ما فيها نظام الثبات TCS بصراحه نفس الرساوه

لان السته سلندر مزود بنظام الثبات TCS

و عموما السوناتا افضل منها مو تحطيم لك اخوي لكن السوناتا الـ6 سلندر 245 حصان !! فرق كبير بينها و بين الابيكا 160 حصان

ممكن ترد علي سيارتي ما تهمني السرعة اقول لك حرام ادفع نفسه القيمة و اخذ احصنة اقل و ثبات اقل

و يعطيك العافيه اخوي

أخوي Epica LS سيارتي جديدة مالها 4 اشهر وانت تجربتك اكثر مني بس انا اعطيت تجربتي خلال هذه الفترة
اما الرساوية فهي راسية ولله الحمد يمكن اللي عندك موديل 2004 يختلف عن 2005 او أن 6 سلندر غير ..الله أعلم لانك حسب ماذكرت ان اللي عندك 4 سلندر وقير عادي يعني اكيد سيارتك من النوع السياحي
لان حسب تصنيف الوكالة ان القير العادي مواصفاته عادية وفي اقل الدرجات

ابو غزالة

ما شاء الله عليك الله يهنيك بموترك يمكن لانه نظيف و موتر انصدم لكني صلحت في الوكالة انا ضغط الموتر يوصل إلى 5 تقريبا اذا مشيت إلى 180 و عندي كم مشكلة الحين

و الابيكا صراحه ما فيه شي اسمه ثبات يعني انا الحين راح اركب لها يايات رياضية عشان اعدل رساوتها

النصيحة أمانة وكل واحد ذكر تجربته والحكم الاول والاخير لصاحب القرار
بخصوص سعة المكينة ماتهمني ولا يهمني قوة الاحصنة لكن اللي يهمني في الـ 6 سلندر هو هدوء المحرك بعكس الـ 4 سلندر
يعني ماشاء الله أنا ماشي بسرعة 180 ولا احس بحنة المكينة وعداد الدورة في الاربعة تقريبا
عموما كل واحد يذكر تجربته وللآخر الاختيار

والف شكر للجميع

اخوي اسمع كلامي و خذ لك سوناتا موتر قوي

انا عندي سوناتا و ابيكا و اقول لك بدون اي مبالغه السوناتا عزم (رساوة غير طبيعيه على الخط) بس على شرط اذا جيت تاخذ السوناتا خذها مع نظام الـTCS و فرامل ABS

عشان يكون نظام الثبات فيها عالي مثل السوناتا اللي عندي

و بالنسبة للبنزين و الله ما ادري بس انا اشوف السيارة تقريبا عادي يمكن لاني كنت متعود على سيارات تاكل بنزين بس ما اكذب عليكم عندي كيا كارنفال (6 سلندر) صرفيتها بالبنزين مع اني اشخطها شخط على قولتكم تصرف اقل بكثير من سواقه عادية بالابيكا

و الابيكا حقتي 4 سلندر قير عادي :)

و سعر السوناتا 49 الف

^
^
^
الرجال يطلب سيارة بحدود 48 الف ريال

وتقوله خذ لك كامري بسعر 66 الف ريال أقل شي !!

أخوي (( بلو بوليت )) ..

تكفى وأنا أخوك متأكد من كلامك لأن السيارة صراحة كنت أفكر أشتريها ..

وبعد كلامك هذا صراحة الكابريس 89 أصرررف ..


وأنا أقول لصاحب الموضوع إذا تبي سيارة تكرف ما لك إلا الكامري أو الكوريلا ..

الكامري XLi ..
1. تكرف كرف مو صاحي
2. مريحة مررررة عند المطبات وحتى في الجلوس
3. قطعه تتوفر في البقايل
4. قطعها رخيصة
5. ما يطيح سعرها بعد البيع
6. شكلها مقبول جدا وأوسع وأصرف من الأبيكا
7. وهي الأهم الأقل صرفية في فئتها ......

والكوريلا نفس الكلام لكنها صغيرة شوي وإنت على قولتك ما تحب السيارة الصغيرة ..






كل عام وإنتم بخير

ت ح يا ت ي

نصيحة ابعد عنها وشف لك غيرها
من تجربتي خلال سنة ماتنفع ولا بقرش(مع احترامي لاصحاب الابيكا)
لو جيت للمكينة: 4 سلندر 129 حصان(قير عادي) بس الاوتو 115 حصان!!!
لو حيت للصرفية: 47ريال فل للتنكي يمشيك 370ك لو مشغل المكيف وداعس
47ريال فل للتنكي يمشيك 430ك بدون تشغيل المكيف وماشي بهداوة

لو جيت لقطع الغيار: عندك بعض القطع رخيصة(بواجي،فلتر،...)
وبعضها غالي(اصطب امامي أيسرب950ريال!!!) وغير متوفر
وترى على الرساوة تراها تلعب بعد 160 مع انها ثقيلة(1550 ك.ج)

^
^
^
انا سيارتي السوناتا 4 سلندر 2.4 لتر وبقوة 161 حصان ,,

مثل قوة سيارتك ( الستة سلندر ) واللي سعتها 2.5 لتر !!!

اعبيها فل ب 50 ريال اذا كانت فاضية مرة .. وتمشيني 450 كيلو ( شبه تشحيط )

معنى هالكلام ان سيارتك تستهلك أكثر من اللازم ,,

والمشكلة يا ليتها تستهلك على قوة !! 160 حصان بس :(

يعني حرام زيادة السلندرين لسيارتك وزيادة سعة المكينة وبالنهاية الناتج 160 حصان !!

محرك متخلف مع احترامي !

حسب تجربتي من اجل افيد الاخوان في صرفية البنزين
التانكي فل بـ 50 ريال مع التشحيط يكفي من 380 إلى 400 كيلو مع استخدام المكيف
التانكي فل بـ 50 ريال بهداوة ورواقة يكفي من 480 إلى 500 كيلو مع استخدام المكيف
وانتم لكم الحكم لاني ما ادري عن صرفية السيارات الاخرى طبعا سيارتي 6 سلندر
وما ادري هل لتشغيل المكيف دور في زيادة صرفية البنزين ؟؟ الله أعلم

هذه معلومة لمن يسأل عن صرفية البنزين في الابيكا
ياليت الاخوة اصحاب 4 سلندر يفيدونا عن صرفية البنزين

والللللللللللللللله أنا أقلك انها جديدة لكن لها عيوب

وشكرااااا

ايش فيكم على الأبيكا ؟؟؟
امس داعس فيها قبل الفجر والخط فاضي ماشي 180 وماشاء الله تبارك الله راسية وثابتة ماادري من فين جايبين انها ماهي ثابتة؟؟
وعزمها حلو وجيدة في المراوغة .... ما ادري ليش الناس طايحه حش فيها !! كل هذا عشانها انتجت في مصنع دايو المملوك لشركة جنرال موتورز .... طيب ايش نقول على الكابرس واللومينا استرالي ماهو امريكي ؟؟؟ طيب والكامري ايضا استرالي
قولوا عنها كوري ... يكفيني أنها تحت مواصفات ومقاييس شركة ماوراء البحار الشركة العملاقة جنرال موتورز