السلام عليكم ورحمة الله وبركاته
:) حبيت اشارك بهالموضوع خصوصا أني تخصص فوردات فيكتوريا
3 موديلات وانواع تحت رجلي في 6 سنوات يعني حج متولي " فوردات "
المهم وبذكر لكم سالفتين بخصوص السلامة والثبات وغيرهم من هالامان
طبعا بعت اخر سيارة برمضان وقاعد بدون موتر " ودي اشتري فورد بس المدام رافضة بتاتا "
تقول مامليت من الفورد وانا بصراحة اذا رحت المعارض الف على كل السيارات بس بجد
مايعبي عيني إلا الفورد " التجربة خير برهان " يعني رجائي لاحد ينتقد إذا ماجرب الفورد
وخصوصا الناس اللي تشتري فورد قرنبع وتسميه فورد ^_^
المهم نجي للفورد وهذي سالفة للمستر اخوي " تخصص فشخ سيارتي وحوادث "
عندي فيكتوريا فل كامل 99 بدون فتحة علشان الشباب لايزعلون ^_^
بيوم كنت مسافر حفر الباطن لاني اشتغل هناك المهم تركت السيارة وسافرت مع رفيقي وقلت له اشحنها
بيوم طلع بالسيارة غسلها وراح يوديها الشحن وماشيء بسرعة 160 كم اتش
بشارع سكني !!!!!!!!!!!!!!!!!!!!!!!!!!!!
160 :) هو بيقلع بس ينتظر المدرج يكون فاضي
المهم وهو مسرع فيه رعي جيب من الخلف صدمه حتى سبب إنحراف السيارة
وتخيلوا بسرعة السيارة بدون مايمسك فرامل يرتطم " حلوة تحس اني مذيع بالجزيرة "
مالت السيارة على جنبها واصطدم بجسر جهة السايق طبعا اصابات وصارت سالفة " وطلعت الاير
باقات الاثنين "
الشاهد إن كل من شاف السيارة قالي عظم الله اجرك بالسايق ^_^ انا نفسي فكرت هالكلام
بس احمد الله إلى الان اخوي عايش " ولا زال يمارس هوايته بتقشيع سياراتنا للتشليح "
طبعا بنزل الصور قريب واحكموا بنفسكم
السالفة الثانية <<<<<<<<<<<<<<<<< محمد الشرهان على غفلة
طبعا شريت فورد جديد 99 فل كامل بس هالمرة فتحة بالسقف
وركبت شاشات " نصيحة لاتركبونها تشغلكم بالسفر واخرتها شينة "
المهم طالع من الحفر طريق ابو حدرية الى الشرقية " الشباب اهل الشرقية يعفرفون هالطريق "
كله حفر و وصلات
وانا ماشيء 160-170 ومثبت السرعة " نظام سوداني :) "
ومتربع واقهوي نفسي وفجأة ضرب كفر السيارة الخلفي في حفرة وسط الطريق
" اي حفرة وربكم إنه بير "
وانحرف الموتر طبعا مامداني اتصرف امسك الموتر يزوغ يمين شمال طبعا لاحد يقوولي شد
الطارة و للاتضرب فرامل " الحامي ربكم " والله ضربت فرامل وصرت العب يمين يسار
وفجأة طلعت السيارة بسرعتها عالردمية
وانا قلت بس متى تنقلب " رباط حزام الامان والحمدلله هذي حسنة امن الطرق الحيدة "
المهم بعد حوار مع الطعوس والحجارة ومع مخلوقات البرية
وفجاة وقفت السيارة فوق طعس والله ياشباب كانوا وراي سيارتين شباب انهم نزلو يسعفوني
ماصدقوا يوم لقوني سليم بس مخترع ولا اتكلم من الحادث
ويقولون لي والله لولا الله وثم سيارتك ماكانت فورد ^_^ هذا المهم ^_^ كانك من صيد امس
لانهم يقولون السييارة تضرب بالصخور وبالطعوس بس من ثقلها مانقلبت
المهم ياشباب بعد الحادث لقينا تحت السيارة سوائل انا قلت شكل المكينة ومخلفاتها راحت
وسحبتها بسطحة وودينها الخضرية بالدمام عند " الملحم صيانة فورد " اهل الشرقية يعرفونه
والله ياشباب المهندس كشف عالسيارة ولقيو فيها بس اذرعة و رديتر المكيف غيرته
و رديتر السيارة بس لحمته ويم قلت للمهندس " لبناني " يوم قلت له الحادث ماصدق إنه بس هذي
إلاضرار وسلامتكم تكلفت عليها مع تشييك كامل حوالي 2500 ريال " لاتنسون هذا وكالة واسعارهم
نار .
الشاهد : نصيحة الفورد بالمتانة والاستخدام والتحمل والامان والسلامة مافيه بعدها او قبلها
والتكييف شغال اسافر عليها 1600-2000 كيلو من حفر الباطن ل جدة متواصل
او من حفر الباطن ل ابها والتكييف ماقفله ابدا
بس اهم شيء العناية بالسيارة والصيانة وخصوصا إن صيانتها بالوكالة ماهي غالية واسعارها
طبيعية جدا
البنزين طبعا صرفيتها اعلى من الياباني شوي بس بالمدينة
بالخط افضل بكثير سافرت مع ناس معاهم لاند كروزر وكامري 6 سلندر غثوني كل 200 كيلو ييعبون
وانا كل 500 اعبي بنزين وباقي حول الربع
عيوب الفور: وهذي نصيحة الفورد مافيه اي عيوب إلا شيء واحد
كثرة الارجل عليه هذا اللي يخليه مايدوم انا ماقصد انه مايتحمل بس إذا اللي يستخدم موسوس
بالسيارة " مثلي " ويلاحظ اي شيء لو بسيط راح يلاحظ فرق
بس السيارة لو اللي يستخدمونها لو 10000000000000
بس ناس تحترم الموتر راح تعيش معاه وصدقوني اللي يسوق فورد مايقدر يجرب غيره ابدا . هل قدت
سيارة فورد مؤخرا ^_^
