انا موتري موديل 2003 وحترى بصراحه بعضكم يقول تقلل من سرعة السياره وعزمها جنوط 17 وبعظكم يقول
تزيد سرعة السياره وربي حيرتوني
اقرأ هذا الكلام بتركيز شوي ورايح تفهم انشا ءالله
وهو ناتج خبرة سنوات على الخطوط وتغير الاطارات .
جب الجنطين اللي تبي تركبها وعليها كفراتها طبعا وحطهم جنب بعض
شف من الاكثر ارتفاع فيهم ومن االاقل وهذي تحتمل عدة نتائح وهي :
اولا: ان تكون نفس الارتفاع تمام. هذا يعطيك عزم متساوي وقراءة متساوية في العداد.
زيادة العرض في الكفر تزيد شي بسيط جدا من مصروف البنزين وهو شي غير ملاحظ.
ثانيا : ان يكون واحد منهم اكثر ارتفاع من الثاني .
في هذي الحالة الكفر الاكثر ارتفاع حتما رايح يكون اكثر مصروف في البنزين
واقل في العزم ( اقصد في العزم سرعة الانطلاق والوصول للسرعة المقصوده)
وسوف يعطيك قراءة اقل في العداد من الكفر ذو الارتفاع الاقل لكن السرعة
الحقيقية ما تفرق شي هي نفسها .
يعني تجد الاطار ذو الارتفاع العالي يعطيك مثلا قراءة 190 اما الاقل فيعطيك 200
والسرعة في الحقيقة متساوية تماما . لاحظ انا اتكلم عن نفس السيارة
لاحظ انا ضربت لك امثلة في سرعات عالية والسبب ان الفرق ما يتضح الا على السرعة
العالية .
الشباب اللي يقولك السيارة صارت اسرع لانه غير إلى جنط اكبر تاكد انه الكفر اللي مركبه
ارتفاعه قليل جدا ولو قارنته بارتفاع الكفر مع الجنط الاصلي رايح تجده بدون شك اقل.
( يعني زيادة في سرعة العداد فقط دون السرعة الحقيقية مثل ما اشرت من قبل )
الشباب اللي يقول لك انه عزم السيارة قل لانه مركب جنط اكبر تلقى الكفر اللي مركبه ارتفاعه
كبير وعند مقارنته مع الجنط الاصلي مع الكفر الاصلي تلفى ارتفاعه يكون اكبر فهو يعطي
قراءة على العداد اقل من السابق والسرعة حتما هي نفسها .
اي واحد يبي سيارته تمشي اكثر من طبلونها يحط جنط صغير اصغر ما يمكن وكفر صغير جدا
رايح يتفاجئ انه السيارة تمشي اكثر من طبلونها يعني في حالة المكسيما تمشي 300 .
وهي في الواقع ما تمشي الا السرعة المقرره لها مصنعيا وهي 235 .
واللي عنده اي استفسار انا جاهز.
