رسالة الى اللواء فهد بن سعود البشر مدير الإدارة العامة للمرور

اخوي الغالي الشمري
وعليكم السلام ورحمة الله وبركاته

بالنسبة للموضوع فهو موضوع في غاية الأهمية ، فحص المركبة مهم جداً لسلامة راكبها وسلامة الناس اللي يمكن يقع عليهم حادث لا قدر الله ، بالنسبه للورش اللي خارج الفحص الدوري فهي ورش اي كلام شغل مشي حالك لما تجتاز سيارتك الفحص وبعدها ترجع لهم كل اللي ركبوه لك
وللمعلومية ترى الورش هذي تخرب سيارتك اكثر مما كانت عليه بالسابق

لماذا اذا لم تجتاز سيارتك تلجأ الى هذي الورش ؟ ليش ماتصلح الخلل الموجود بسيارتك ثم تعود في وقت لاحق وهذي الطريقه سوف تكون اسلم لك ولغيرك

بالنسبه لفحص المركبه سنويا اشوف انها عادي بس لايكون يخلون الإستمارة تتجدد سنوياً

مثلاً كل سنه نفحص المركبه عند الفحص الدوري والتقرير عند نجاح السيارة تحتفظ فيه في درج السيارة وعند نقط التفتيش يطلبه العسكري منك فإذا كان مامعك فحص دوري او فحص منتهي يخالفك عليها وتمشي بالطريقة هذي الناس راح تفحص سياراتهم سنوياً

سبق وان حصل لنا مشكلة مع الفحص الدوري لسيارة الوالد الله يطول بعمره وهي مرسيدس شبح 98 رحنا للفحص ولا اجتازت قالوا كربون ، مسكنا خط الشرقية رايح جاي على سرعة عاليه بعدها رجعنا للفحص قالوا كربون ، رحنا لمركز متخصص بسيارات المرسيدس ووزنو الكربون بالكمبيوتر وقالوا الحين اوكيه ، رحنا للفحص قالوا كربون قلنا هذا تقرير من مركز متخصص كبير قالوا ماتمشي ، بالأخير دخلناها الوكالة اسبوع كامل واستلمناها ورحنا للفحص والحمد لله اجتازت والسبب لهذا الكربون في حساس في المكينه كان فيه خلل مصنعي والوكالة قالوا خلل مصنعي وانت تتحمل قيمة القطعة تهاوشنا معهم لما بالأخير ركبوها مجاناً لأن الوالد بهذل الشركة من فوق لتحت .


هل لديكم فكره ان اذا كنت تبي تسوي تفويض لشخص بقيادة سيارتك لخارج المملكة او داخل السعودية اول طلب المرور يطلبه منك هو احضار ورقة فحص دوري للسيارة . انا ارى ان هذي الخطوة من المرور خطوة حلوة مره لأنها تهدف لسلامة الركاب وسلامة الآخرين
بس خوفي من ان يغير نظام الإستمارات وتصير سنوياً بدل من 3 سنوات




وشاكر لك اخوي الغالي الشمري على الموضوع المهم






اخوك
عبدالله