ايها افضل سيارات الدفع الرباعي اليابانية ام الامريكية

انا افضل الياباني ولاهي مهونه لليوكون
انا والله احب اليوكون شكل ودزه وقوه
لكن كلمه الحق تنقال لو يحفر اليوكون ما وقف جنب الياباني
وعاد القلب وما يهوى
والله شفنا جيوب مغرزة وجموس ويوكون وكل شي
الحين الباثفندر سمعته حلوة ومعروف انه قوي
والله العظيم اني ساحبه صالون 97كنت اغى اسحب جمس سوبر بان دفرنسين مغرز جاء الباثفندر
قال انا ابسحبه دخل جلس يحفر حتى علق والله اني سحبته وبعدها سحبت الجمس
قبلهابنفس جيبي دخلت للبحر طنخه وغرز علي والله العظيم جيب وسطحه يسحبوني

كل السيارات فيها بركه

التصويت للياباني

تحياتي للجميع

سؤال الاوروبي وين راح؟؟؟؟؟

على العموم في راي الخاص انا افضل الفخامة و الرحابة و هذا تحصلها في الامريكي و الياباني بس لو خيرت بس امريكي و ياباني افضل الياباني شرط تكون انفنتي غير كذا افضل الامريكي دينالي و اسكاليد

تم التصويت سيم سيم

أسعد الله مساءك وكل عام وأنت بخير.

أبي أبين لك شي يمكن غائب عن ذهن بعض الشباب.... متى دخلت اليابان وأمريكا في تصنيع 4x4؟

من الشركات اللي تشارك في عالم سباق سيارات الدفع الرباعي؟

أتوقع اللي بيبحث عن السؤالين السابقة راح يتيبين له ان الياباني أفضل من الأمريكي مع احترامي وتقديري للشباب الأعزاء، ومهما قلة القيمة المادية في السيارات الأمريكية مقارنة مع السيارات اليابانية يبقى للسيارات اليابانية القيمة المادية والقيمة الحقيقية اللي يستحقها مالك الياباني.

وتقبل مروري...

السلام عليكم
صوتي للسيارات اليابانية مع اني من محبين السيارات الامريكية

السلام عليكم
بالنسبه لي في التحمل الياباني أفضل

السلام عليكم

مافيه كلام الياباني افضل بل قوه
:emot171: الامريكي من جهت الفخامه

الامريكي الا في نقطتين
1- الراحه في الركوب والقياده
2-السلامه
لكن غير كذا يبقى الياباني تحمل وبر وقوه وقطع واعتماديه وبرضوا راحه وغيره
وهذا الكلام اقوله من واقع تجربه للاثنين

اليابانيه ومن غير منازع

بلا شك الصناعات اليابانيه افضل من الامريكيه في كل شي وانا مع اليابان
اخوكم :
ريان محمد
عاشق نيسان

السلام عليكم
انا ارشح الياباني :emot171: و الباجيرو لا يعلى عليه (بو يسري)

انا اقول الامريكي وبذات اليوكون ... سيارة لجميع الطرقات

الصراحة الحين الزمان الأمريكي بسب أن السعر مناسب لجميع الفئات المجتمع بعكس الياباني سعر مبالغ فيه وخاصة تويوتا

أما فخامة لصالح الياباني

أما القوة وتحمل المحرك فأعقد عند أمريكي أقوى وقتصادي أكثر من الياباني

الأكثر عملياً

هو الياباني بدون منافس

ممكن الأمريكي أرخص

يا اخوان بالدرجة الاولى تعتمد القيادة على السوووووووواق
في البر ..والدليل واضح معكم كلنا شفنا مواتر مغرزة وساقطه في الرمل من الامريكي والياباني
سيارات جديدة وقديمة تقع في ايدي غير مهرة في القيادة وهنا تكمن القضية

وبنسبة لتصويتي سيم سيم

السلام عليكم ورحمة الله وبركاته

يعطيك العافيه اخوي على الموضوع المميز

بنسبه لخوي اسد ... الجيب الشروكي مجربينه شباب وايد ...
ويشتكون من الشفت انه دوم يطيح ..؟ غير الحراره ..؟ وقطع الغيار الغاليه ..؟
والي مب اي واحد يقدر يصلحه لك ..؟ او انه يظبط لك الشغل ..؟
وبنسبه لخوي قمر مديني .. عن الفورد ..؟
موتر عائلي بالدرجه الأولى وهو موتر لطرقات العاديه والوعره على خفيف ..؟
يعني ماتقدر تنزله حزوم وتروح طعس فيه ..؟
واذا على كلامهم موتر حق جبال اذا فيه خير يدخل هناك ..؟
ولد خالتي خذاله واحد في قطر .. ركب له رصيف عادي حك وياه الموتر ..؟
يعني ماعقتد انه يقدر يروح يطعس فالموتر او انه يدخل داخل المناطق الرمليه كثير
يعني من قريب بس..؟
واذا عن الفخامه مايبيلها كلام موتر فخم بمعنى الكلمه وهذا حق ينقال ..؟
والسيارات الامريكيه قويه لكن ماتقارنها باليابانيه فالرمل ..؟
اذا بتتكلم عن الشروكي ... ماعقتد تقدر تقارنه بالباتفاندر من مودي 2006 ونازل
حتى موديل الــ 2007 و الـ2008 لكنه عيبه انه نازل فالارض ..
سياره عائليه فنفس الوقت شبابيه وفي غاية القوه .. وبسعر مناسب .. وقطع الغيار نفس الشي ..
والكل يمدح هالموتر وماعتقد فيه حد اشتكى منه
وعندك الفتك 4800 ماعليه كلام فالرمل يعطيك حقك وانت ماخذ راحتك
واقوى من التيوتا والامريكي بغض النظر عن التيوتا الجديد والي ابدى وجوده فالساحه
لكن بعد مايتغلب على الـ4800 وهذا شي مجرب عندنا في قطر وفالطعوس بالذات ..
عندك الاكس تريل والي خذا جوائز عده وتغلب على الهمر H3 وعلى الجيب والأف جي
موتر مخصص لرحلات وبغاية القوه
وماننسا الارمادا ...
واذا بنتكلم عن الشوارع انا جربت الكروزر .. والامريكي
بصراحه الكروزر عليه ثبات غايه فالروعه مااشالله عليه
اتكم عن تجربه شخصيه
وفالرمل يعطيك حقك الدبل ماشالله عليه قوي والدبل حقه اقوى من الامريكي
لان الامريكي يخون فيك واذا غرزت الله يعينك
اخوكم الخالدي

اكيد الامريكيه غير الجيب لاتدور تطعس فيه بدون دبل من خفته

الجيب اعرق من الاندكروزر والباترول ولاجيب الا جيب هو الاصل

ويكفي الاصاله واول سيارة دفع رباعي كانت امريكيه من Jeep

بما انني لست من عشاق البر لذلك افضل السيارات الامريكية اولا واليابانية ثانيا

هكذا انا افضل لأني احب الراحة

اليابانية حلوة ومريحة لكن المساحات الداخلية وراحة الكراسي تتفوق فيها الامريكية

وطبعا في البر مالك غير الاند والباترول

اما عن الجيب فهي ليست عائلية وانما سيدان مرفع
ههههههههههههههههه

تحياتيـ،،،،،

الأمـــريـــــكــــــي

اكيــــــــــــــــــــــــــــــيد الياباني
من كل النواحي