أهوى السوناتا لكن أخاف منها...تكفون دلوني..

السلام عليكم ..

اخوي صاحب الموضوع ..

انا معاي النترا 2005 وقريبا باذن الله تكمل سنه (( 28 \ 12))

الحمد لله ما واجهتني مشاكل .. انا من النوع الي اهتم بالسياره من ناحية زيوت وكذا .. بس اخذ حقي من السياره :)

وحارش مارش يعرفني دايم قومات وفله .. والى الان يدوم العز :) لا اله الا الله

هاذي وهي النترا .. وشلون السوناتا الي تعتبر من جيل هيونداي الجديد !!

توكل على الله وخذلك سوناتا .. والله يوفقك باللي تختاره

اخوووووووووووووووك مرزوووووووووووووووووووق

اسمعني يالغالي

اذا بتشتري سوناتا


لا تشتري الا فل كامل 4 سلندر وانت طااالع

لان للاسف لايوجد الايرباق الا بالفل وايرباق واحد فقط !!!

اخواني كم واحد اعرفه ماات بسبب حاادث

وكم واحد اعرفه الله انقذه ثم الايرباق من المووت واقربهم واحد راعي اكورد خويي الروح بالروح ..


الايرباق ثم الايرباااق

بالنسبه لجودة السياره وتحملها
اي سياره في العالم تبي تبي تحافظ عليها بتستمر معك
وماهو اي سياره تكررفها تمشي معك

السوناتا انا ارشحها من السيارات اللي بتحافظ عليها تمشي معك
لاكن ماهي بحقت كررف

وسيارات الكررف والتحمل محدوده وتنعد على الاصابع

ولا يهمك اللي يقول غير كذا
السوناتا احد جيراننا معه سوناتا 2001 ماشيه معه تمام لاكن هو رجال محافظ عليها ومعتني فيها

اذا انت رجال بتحافظ عليها خذ السوناتا وتوكل على الله
ونصيحتي لك لاتاخذ سياره الا وفيها ايرباق

تحياتي لك وللجميع

السيارة ممتازة ولا عليها كلام ..

انا معاي 4 سلندر موديل 2006 .. وماشية 18000

لا يوجد عيوب مصنعية او اعطال ولله الحمد :)

وبالنسبة للستة سلندر اللي ب 68 الف مو فل كامل هذي نص فل ,,

الفل الكامل بسعر 79 الف ريال وتجي بحساسات خلفية وجلد ومقعد كهربائي و6 ايرباقات وESP وTCS

هلا اخوي
شف اللي يقولك كوري ترا ما عندة سالفة ولا يدري وين الله حاطة
شف خذ الكلام من مجرب موب اللي يقول ( كــــــــــــوري ) وهو مايدري
انا معي سوناتا 2004 وما شية 35000 الف والسيارة ما عليها كلام كويس مية مية
بس يعيب موديلات 2002 ،2003 ،2004 ان عزمها ضعييف على الدورات المنخفضة لان مكينتها 2000 cc اصغر من حجمها
اما الاشكال الجديدة 2400 cc زادو حجم المكينة وغيرو السيارة بالكامل وزادو حجمها
على العموم خذها وانت مرتاح

سلام

ياخوي خدلك سونا عنابي عودي
سوناتا
توكل

الف مبروك اخوي مقدما

والسوناتا ما عليها كلام والان كملت السنة في السوق ولا ظهر فيها اي عيوب

وبالنسبة للتجهيزات صدقني اذا اكتشفتها بندهش كثيرا










هلا وغلا فيك اخوي

اخوي اذا بتسمحلي اناقشك لاني اشوفك عصبت على الاخ بلاحدود ،

1- لا يوجد اي خلل في الفرامل ولم يذكر هذا العيب ابدا بالعكس فراملها ممتاز وقوي واذا انزلق السياره ماتروح فيك يمين والا يسار زي( ...) هذا الفرامل العادي فما بالك حق ABS والموزع المكابح

2- اللمبات كذالك لم يظهر فيها اي عيوب

3-السيارة تقريبا ماسكة سعرها ،، أفضل بكثييير من الميركوري ،، وهذا الشيء لايعد عيبا ؟؟؟

4- سعر الصيانة معقول جدا عند الوعلان

5- يوجد فيها 6 ايرباقات الايكيفيك ؟؟؟؟؟؟؟؟؟؟؟؟؟؟؟؟؟؟

6-المسجل فيه فخامة ومواصفاته جميله جداجدا وحتى التغيييرات جميلة هذا غير السيدي الذي لاكلام عليه >>>>>>>>>>الظاهر انت متعود على المسجلات التجاريات اللي بعد ربع يسخنن ؟؟

7-بالعكس الاخوان مركبين عليها سيستم كامل وزينون ووووو ايش تبي اكثر


وأخيرا :

اخوي ليش ما تختصرها بالاول وتقول ما أطيق السوناتا واكرها ترى شيء طبيعي عادي من حقك


لاكن اللي مو من حقك انك تتهجم عليها

والدليل انك جالس تمدح بالمير كوري وهي يطيح سعرها اكثر من السوناتا وصيانتها ازفت بكثييير من السوناتا والايرباقات اقل بكثير من السوناتا ووووووووو الخ

واذا بتقول يمكن صاحب الموضوع ما يهتم بالمسجل ليش من اصل انت كاتبه من عيوب السيارة

0
0
0

روقنا يا بلا حدود والملعومات الغلط معلوماتك واتمنى تلتزم آداب الحوار ماغلطنا عليك فلا تغلط علينا وقلنا لك اذا الكلام ماهوب عاجبك مو معناته كل الناس على خطا وانت اللي بروحك صح الصح

باي

توكل على الله السيارة مافيها الا الخير

الكلام اللي جبته انا من واقع تجربه

واسمح لي ان الكلام اللي قلته مو صحيح

واظن انك ما تعرف عن السوناتا شي

والرجاء التأكد من صحة المعلومات مره اخرى

وبعدين ترى فيه منتدى اسمه مكشات احس انه يصلح لك.... (الله يرجعتس)....

تحياتي

تسلم ياوليدي يا بلاحدود

احب خشمك اذا سمعت كلام من احد وما (عجبك) هالشي مو معناته ان الكلام اللي سمعته (غلط)......اعقل بس:D

ومشكور على الترحيب|3|

ميرندا تلقيمه

نرحب بك عضوآ جديدآ بالمنتدى

ياوليدي الله يرضا عليك قل آمين

عاد شايب مفروض تتناقش معاه وتاخذ من خبراته اكبر منك بيوم اعلم منك بسنه ها فديتك وش فيك معصب ونقشت كلامي تعقيب في تعقيب

الكلام الي قلته من واقع تجربة اشخاص وهدفنا انا ماناخذ الشي من شكله الخارجي وصاحب الموضوع طلب استشاره فهو مايعرف شي ويبي يعرف ليه مانعلمه بالحقيقه

احب خشمك تراني نسيت ال Mp3 والا يابعدي الرجال ينشد عن الموتر زين والا لا.... جايز انه مو هاوي طرب لايبي Mp3 ولا يحزنون

1- لعلمك السوناتا اقل السيارات عيوب مصنعيه واقل من الكامري والاكورد بكثير هذا اذا ما كانت العيوب معدومه

2- معي سوناتا 2002 لها اربع سنوات معي وماشيه 178000 حتى الشمعات الاماميه ما قد غيرتها بس طفت عندي لمبة الطفايه يومين ورجعت اشتغلت من نفسها يعني ما غيرتها |3|

3- انا معك في هذي النقطه بس الحين بدا يتغير هذا الكلام

4- ارخص من هوندا وارخص من نيسان وميتسوبيشي و و و و و.
لعلمك انها نفس صيانة الكامري تقريبا او اذا انك تشوف ان الكامري صيانتها غاليه هذا كلام ثاني

5- اذا تهتم بالوسائد ادفع زياده ومع ذلك بتطلع لك ارخص من الكامري والاكورد وبمواصفات رائعه

6- مسجل السوناتا يجي من الوكاله بخاصية MP3 وتقول غبي؟؟؟ الا اذا انك ماتعرف شي عن MP3

7- انا مركب عليها زينون وسستم صوتي كامل(مسجل و سماعات و امبلي فاير و ووفر) والحمدلله ولا كني مسوي شي

صحح معلوماتك
وسلامتك يا ميرندا تلقيمه

خبره قديمه بعد 100 عام؟؟ اممممممممممممم والله جايز|4|

خذ عندك العيوب هاذي

1- خلل في البريك الخلفي من اول 1000 كيلو.
2- احتراق اللمبات بشكل فضيع تركب لمبه قدام تحترق الى ورى وتركب الي ورى تحترق الي قدام:eek:
3-اذا بغيت تبيع السياره احسن لك تغطيها وتخليها عند البيت لان سعرها ينسدح بلارض.
4- سعر الصيانه غالي
5- لايوجد فيها وسائد هوائية ولا اعمده للحماية من الحوادث
6- مسجل السياره غبي وسخيف ومامنه اي فائده
7- ماتقدر تضيف اي شي عليها من الاجهزة لان الكهرب فيها على قد الاجهزة الاساسيه بس
وسلامتك يا بلا حدود

وقفه: الله يرجعتس لنا يالميركوري ونفتك من الكوري ومميزاته الغبيه

لا تتعب مخك
هيونداي اثبتت نفسها

واحس من كلامك ان خبرتك بالسيارات قديمه شوي

كل شي تغير الحين حتى الامريكي مو مثل اول

تحياتي|3|

اببببببببببببببببببببعد عنها انحش بس انحش

لايخدعك تصميمها المسروق ترا راس مالها هونداي كوري عارف ايش يعني ك و ر ي

كل شي تمام لين تشوف علامة هونداي تنسد نفسك

دام تدفع 80 او 85 الف خذ لك لكزس اطلق مليون مره من سيارات بيونج يانج:D

هلا ولله اخوي ولله السناتا موتر ما يحتاج وبا النسبه للسعر

سته سلندر بدون جلد وبدون تخشيبه على الطاره وبدون حساسات 69

سته سلند فل كامل79
وسلامتكم



الـــغـــامـــــدي