تعبئة الكفرات بالنيتروجين بدل من الهواء العادي (استفسار)

ياأخوان بالنسبه للمكان تقريبا اغلب وكالات الكفرات (( سواء بريجستون او ميشلان او بريلي .... )) عندهم تعبئه نيتروجين للكفرات
بس ماني متأكد







على العموم بالنسبه للي سألوني على التجربه فأقولهم ملاحظاتي الفعليه :

1- صوت عيون القطط خف عن اول (( ولكن بشكل بسييط ))

2- تسارع السياره صار افضل من اول (( ولكن بشي بسيط ))

3- طبعا مثل منت عارفين الليجاسي افضل عزل لصوت الكفرات في فئتها
وبعد تعبة الكفر بالنيتروجين حسيت بعزل اكثر من اول (( ولكن بفارق بسيط ))

4- انا راعي دوران (( اقعد بالساعات بدون ماأطفي السياره ))
وطبعا هذا الشي يزيد من حرارة الكفر وبالتالي يزيد من حرارة الفحمات والهوبات
وبعد تعبئة النيتروجين خفت الحراره عن اول (( ولكن بفارق بسيط ))

5- بالنسبه لصرفية البنزين صراحه ماأكذب عليكم نسيت اختبره (( لأن معروف راعين السيارات اليابانيه مايهتمون بصرفية البنزين لأنها OK |1| ))



والباقي على قولت الاخوان الي مجربينها من زمان ان ضغط الكفر مايقل بنسبه كبيره مثل الهواء العادي
وايضا يزيد من عمر الكفر






في الاخير: صراحه انا انصح للي يحب يعتني بالسياره وتهمه الفروق البسيطه هذي وراعي ملاحظات (( مثلي )) انصحه انه يعبي

والي يبي الفرق الكبير (( بدون كذب صراحه مافيه فرق كبير ))

بس بالنسبه لي عندي الفروق البسيطه هذي اذا تجمعت مع بعض صراحه مفيده جدا وتستاهل



انشالله اكون افدتكم والي عنده سؤال يتفضل

ولله الحمد

تم تعبئة الكفرات الاربع بالنيتروجين



وهذا شكل الجهاز المستخدم





المكان:
الرياض وكالة بريجستون (( بقشان )) في طريق خريص (( تحت كوبري الخليج ))


السعر:
في البدايه استغربت من السعر (( 25 للكفر الواحد )) = 100 ريال للـ 4 كفرات
ولكن بعد النشبه عطانياها بـ 50 ريال

<<<<<<< يحقلي عميلهم (( كفراتي بريجستون ))


وانشالله ابقولك بالفروق الي حسيت بها بعد ماأستخدمها