ممكن مساعده للمقارنه للسيارات السبورت الاسيويه

حبيبي السكاي لاين خذها اذا انت مو من سكان السعودية

و السبب

مافيه امل تدخل للمملكة

و غير كذا مافيه قطع

و اخيرا بيصكونك عين تمشي الف

بس اذا انت برا السعوديه لا تشتري غير السكاي لاين لانها وحش من وحوش السيارات الـ 6 سلندر خصوصا ان لها قطع تزويد في كل مكان في العالم ماعدا السعوديه

<<<< يبي يشتري وحده جديده بس بيتوهق من جد كيف بيدخلها؟؟؟؟؟؟

لذلك خذ الايفو و اتوقع سعرها قد يصل الى 180000 الف تقريبا اذا كانت معدله تعديل الراليات

و السوبارو ما اقدر انصحك او احذرك لاني ما اعرف عنها شي بصراحه


و تحياتي لك

من ناحية الاسعار السكايلان ماعندي علم فيها لكن سعرها فوق ال20000 حسب المعلومات الي جتني...

والامبريزا سعرها بالوكاله حوالي 150000 ريال واضن الايفو نفس سعرها....

بس انا انصحك بالامبريزا لانه جباااااااااااااااااره بمعنى الكلمه وقابله للتزويد بستزويدالجيتي اسهل لانه متوفر

بكثره بس هذا السبب ....

وثاني شي عندي قومه امبريزا98 مع لومبرجيني ديابلو 98 والامبريزا راح عليه وهي ستووووووك

( ستاندر) بس ما اعرف كيف احمل المقطع هنا......

الإيفو والأمبريزا WRX STI اسعارهم حسب ما سمعت من 120 الف ريال إلى 150 الف ريال ... طبعاً وكالة ... ومايجون إلا طلبية ... والإيفو نسمع إن الوكالة ما تظمنها لك ... يعني ماعليها ظمان حالها حال باقي السيارات ... لكن شوف وكيل متسوبيشي إلي في البحرين (الزياني موتورز) ممكن يعطيك عليها ظمان ... لأني شفت كم وحده في الشرقية بلوح بحرينيه لكن أصحابها سعوديين

السكايلاين ... السيارة متوقف تصنيعها من زمان ... وكذلك السيارة ما نزلت إلا بمقود يمين وتلقاها في الإمارات ... ودخولها السعودية صعب ...

والله يا شباب ما قصرتوا بشي

ما شاء الله الرد كان سريع ووافي بس باقي الاسعار ومن وين اشتريها


انا ودي اعرف الاسعار وغالباً ابخذ الايفو لانه في واحد من الشباب وراني المقطع حق توب قير وانصدمت من قوة الايفو في المنعطفات


EF Sonata
شفت الفيديو واستغربت من مركزها مقارنة بال لامبرقيري



ومشكورين يا شباب ما تقصرون على كل معلومه قلتوها
الف شكر

والله المقارنه هذي صعب انك تحسمها لصالح وحده من ها السيارات كلها جباره ولا عليها كلام والارقام والبطولات تشهد لاكن اذا بغت

تقارنها بالاسعار اتوقع ال R34 بتطلع بره المنافسه لان سعرها اكبر من المبريزا او الإيفو.....

لكن بالقوه بين ها السيارات اتوقع انها على حسب نضافة السياره وسواقها لاني حضرت قومه بالبحرين بين الامبريزا و ار بي 26

وقطعو المسافه بفارق 4ثواني لصالح الامبريزا وهذا الفرق كبييير جدا واذا اخذنا بعين الاعتبار حجم الماكينه لان السكايلان مكينتها اكبر ......

اما الشكل الخارجي فهو بالترتيب التالي:

1.السايلان وخصوصا الجديده.

2.الامبريزا.

3.الايفو
.....وانا من رايي ارشح السوبارو دوووووون التقليل من شان الايفو او الجيتي...بس انا اعشق شي اسمه سوبارو......

((هذا رايي.....والاختلاف في الراي لا يفسد في الود قضيه)) <-----------------< |13| شعننده

إلي أظنه يخلي الإيفو تتفوق على سيارات الدفع الرباعي الثانية هي أن فيها نظام يوزع القوة بشكل جيد ... حيث إنه يعطي الكفر إلي فيه تماسك أكثر مع الأرض قوة أكبر من باقي الكفرات يعني السيارة احيان تكون تمشي على كامل العجلات وأحيان تمشي على العجلتين الأماميتين وممكن أحيان تشي على عجلة أمامي واحدة بسبب إنها هي العجلة إلي فيها تماسك أكبر مع الأرض ... فبالتالي تعطي ثبات أكثر على المنعطفات وعلى سرعات عالية ...

أذكر مقارنتين صارت في برنامج توب قير ... الأولى بين السوبارو الشكل القديم والإيفو 8 ... وذكر فيها المعلومة إلي فوق ... وكذلك ذكر إن الإيفو أسعر مع الإمبريزا في الخط المستقيم ... وشبهها قوتها في المنعطفات بالطائرة الحربية ... كذلك الإمبريزا جابة في حلبة التوب قير وقت 1:30 دقيقة (دقيقة وثلاثين ثانية) والإيفو إظن 1:22 دقيقة (دقيقة وثنين وعشرين ثانية) ... لكن في نهاية الفيديو كان كان جيرمي مع هامند يتناقشون بخصوص أي سيارة كل واحد فيهم راح يختار وثنينهم أتفقوا على الأمبريزا ... صحيح إنها مش بقوة الإيفو لكنهم ذكروا إنها أكثر راحة في السواقة من الإيفو...

المقارنة الثانية كانت بين الإيفو (أظن 8) والإمبريزا والأودي S4 ... وسووا قومة بينهم ... الأودي كانت في الخلف بمسافة كبيرة ببساطة لأنها سيارة فخمة وثقيلة ... الأمبريزا كانت في المرتب الثانية والإيفو كانت في المركز الأول وبفارق مش صغير بينها وبين السوبارو ... وفي النهاية قال جيرمي ... لو كان الكلام عن سيارة تستمتع في سواقتها فإني راح أختار الإيفو

لو علي انا باخذ سكايلاين R34 بدون تردد


لكنها صعبه ونادره واذا لقيت ممكن تلقى الدركسون على اليمين


ما بقى الا انك تآخذ ايفو مثل ماقالو الشباب....سيارة جذابة وقوية ..


.ممكن يكون حجمها صغير وهذا الحلو فيها لانها ستفاجأ من يتحداها


ولكن فيها عيب .....وهو في التيربو وهو انك لازم تكون في النمره المناسبه عشان تطلع قوته


يعني لو انك تمشي 40 وحاطه بالثالث في هذه الحالة ما تطلع قوة التيربو كلها..............


هذا عيبها الوحيد ...... غير كذا السيارة ما عليها كلام


تحياتي

Initial D : قطع الـ 25 عندنا بالقطيف مثل اللوز :D

انا انصحك بالإيفو سيارة قوية و جبارة و تلعن والديها ما تزعل و خراباتها قليلة :)

تحياتي ،،،

والله القرار لك :)
الايفو ..... حلوه وسياره قويه وتجذب الانظار .... حتى اللي مايعرفها يعرف انها سياره قويه من شكلها الخارجي والانتر كولر الامامي .... طبعا من الداخل شكلها ممل وفيه غباء في التصميم لكن محد يهنم دام انه أداء السياره عااااالي ...... تسارعها ممتاز وقوي جدا (( أقوى من الكابرس اس اس واللومينا اس اس في حالة شد وكاله )) بس عيبها انها راح تتغير السنه الجايه ..... و إذا زدت الضغط من التيربو (( Boost )) ممكن يخرب عليك الهيد كازكيت حق المكينة ....

السوبارو .... نسخه طبق الاصل عن الايفو (( وممكن تكون الايفو نسخه من السوبارو .... الله أعلم هههههه :D )) لكن بشكل مختلف من الناحية التقنيه لانه كل شيء فيها ميكانيكي ومش معتمد على الكمبيوتر في الثبات وماشابه (( عكس الايفو بالضبط )) ومستواها أحسن من اللومينا اس اس والكابرس ..... والسياره شكلها حلو من الخارج ومن الداخل .... لكن إذا انت انسان بتزود فأقولك إيها .... السياره تزويدها صعب نوعا ما لانها مش منتشره مثل الايفو والسوبرا وغيرها ...... وايضا نقطة اخرى : السياره تصرف بنزين .....

الجي تي ار ...... وحش وسياره نااااااااااده في الخليج خصوصا الـ ار 34 :)
سياره يهابها الجميع إذا شافوا علامة الـ R اللي في الخلف ...... عيبها شيء واحد .... إذا تعطل فيها شيء ماراح تصلحها بسهوله لانه ليس لها قطع غيار في الخليج :(