}{ ادخل وسجل ملاحظاتك على سيارتك من خلال السنوات التي مضت ?

مشكور اخوي على الموظوع

مشكور اخوي على موضوعك الشيق

بالنسبه لي سيارتي كورولا 2005 1.8 جي إل فل اوبشن

السياره عموما ممتازه جدا جدا جدا للإستخدام داخل المدينه

اما خطوط الله بالخيييييييييييييييير 1- السياره بتطير مع الهوى
2-صوت المكينه مزعج
3- صوت العداد بعد ال 120 مززززززعج

وبحكم ‘ني راعي خطرط حوالي 700 كيلو اسبوعيا ((كرهت السياره))
ومن عيوب السياره السماعات اي كلاااام

لكن للامانه السياره عمليه جدا
للحين ماشيه 25000 الف
ما طلبت مني غير زيت وبنزين
حتى مويه الراديتر ما نقصت ولا قطره من بلدها
صرفيه البنزين ولا احلى إذا كان التانكي فاضي ناخذ 40 ريال ويجلس معاك اسبوع بالراحه

بالنسبه لقوة المكينه
ممتازه جدا تقدر تقاوم لحد 150
بعد كذا لا تفكر

اتمنى اكون كفيت

واسف على الإطاله

هلا بيك اخوي فارس

وبالنسبة للكزس وهي من نوع es300 موديل 2005 هذي ملاحظاتي عليها

اولا العزل الصوتي سيء تسمع فيه سيمفونية من صوت الهواء وصوت الاطارات

ثانيا العزم ضعيف نوعا ما يعني كامري XLI تطلع عليك وبقوة قومة وخط

ثالثا السيارة ما تتناسب مع ظرف قيادتي واللي انت عارفها زين

اما الباقي فهي ما يحتاج

سيارتي بيجو 307 موديل 2004

الإنطباع العام ممتاز والسيارة لم اندم على شرائها ابدا ومضى عليها للآن سنتان ونصف قطعت خلالها 50 الف كيلو

عيوبها

غلاء قطع الغيار والقير الأتوماتيك ليس عملي ابدا واتمنيت لو كانت عادي وايضا عزم المكينة ضعيف (1.6 لتر بقوة 110 أحصنة)

المكينة 1.6 تطلب تبديل سير المكينة كل 40 الف بعكس المكينة الآخرى (2.0 لتر) المتميزة بالعملية وقوة التحمل الهائلة

إيجابيات السيارة

ثبات فريد ومواصفات راقية مع ان سيارتي استاندر لكنها تشمل مواصفات ممتازة
شكلها جميل وداخليتها فارهة
أداء الفرامل ممتاز

الحين دوري


انا عندي دوج درنجو 2005

ماشيه 1050 كيلو (( توها جديده ))

سياره ممشاه حلوه مريحه وجميله بس تصرف بترول يمكن لانها 8سلندر5.7

هلا وغلا اخوي راشد

بس بصراحه السياره الوحيده اللي قهرتني بيعتك لها هي اللكزس

ما كلمت 3 شهور الا وانت رافسها الله يهديك

اخوك فارس

للاسف اكثر سيارة دامت معي هي مكسيما s.touring وجلست معي سنة مشتيت عليها 120 الف والسيارة ممتازة لكني بعتها بسبب

ان طرمبة الماء خربت علي ولا ضبطت معي بعد (تصليخها) بالوكاله لانهم عدموها علي وخربو اشياء كثيرة وقدمت شكواي

لكن للاسف الوكيل عندنا بالشرقية زفت لذالك حاولت التخلص منها


اما ملاحظتي على السيارات الاخرى بصفة عامه اني اخسر كل سنه في البيع

وشكرا

كامري 95

العداااد 240 الف او اكثر ناسي والله


وماعليها ماشالله ماااشيه


بس مشكلتها الفحمات على طول تخلص ويطلع صوت صرصره بعد مااغيرها بكم يوم

والفرامل بعد لك عليها شوي

والاحظ بعد انها تصرف بنزين شوي اذا دعست عليها

بس اذا مادعست صرفيتها ممتازه

وتنسيم هواا عند 100

بس

ولا الباقي الحمد لله تماام

ومشكور على الموضوع...

مشكوووور على هالموضوع ....


سيارتي BMW740i موديل 2000 .... ماشيه 225000

السياره حساسه بزياده مع ان مشاكلها قليله لكن تخاف عليها من اي شي لان قطع الغيار والوكاله ما تقصر في الاسعار ...

الفرامل ما تطول معاي يمكن لاني مغير الجنوط ...

ومن عيوبها اول ما تشغل السياره يشتغل المكيف مع السياره وديتها الوكاله قالوا لي عادي من موديل 95 الى 2001 وما عليك منه صرت ادق سلف واطفي المكيف بعدين اشغل السياره اذا كانت بارده ...

فيها عيوب في الصميم الداخلي منها ... مافيه زر OFF للمكيف عشان تطفي المكيف لازم تنزل قوة الهوا شوي شوي لين يطفي .. ثاني شي محل الاكواب للسائق والراكب الامامي .. ما يشيل شي مثلا ما تقدر تحط قاروره مويه لان راسها بيضرب في الشاشه وبتصير مايله وتحوسك كل شوي بتطيح .. مكان الطفايه (( مع العلم لاني غير مدخن لكن لاحظت هالشي .. )) مكانها غلط السائق او الراكب ما يقدر يقطف او يطفي براحته لازم يجلس يدورها ويناظر يعني من المفترض مكان الطفايه هو مكان حامل الاكواب والحامل مكان الطفايه ...

انوار الفرامل ... دايم تخرب وكل شهر لازم وحده تخرب ... كنت اتوقع المشكله عندي بالكهرب لكن اتضح انه عيب في كل السيارات ...

العدادات حقت السرعه فيها شاشه تحت لعداد الكيلو والحراره دايم تحترق مع الشمس وقيمتها في الوكاله 4000 ريال ... ولا تتصلح ...


واسف على الاطاله ...

كرولا 2001
117000 كيلو متر
سيارة تمام ما شاء الله
لكن صوت المكينة عالى بعد ال100 بسبب انها صغيرة جدا

السلام عليكم
اول شي يعطيك العافيه اخوي عالموضوع الحلو

بالنسبه لي معي سوناتا 2002 ماشيه 181 الف

عندي مشكله ان البريكات ما تطول معي يمكن من سواقتي المرجوجه و الكهرباء ما عليها كلام ما عدا الزجاج الكهربائي غيرت العمود لثلاث ابواب الى الان

الانوار ما غيرت ولا وحده ما عدا لمبة الشنطه بس

راسيه مره وهاديه بس صار فيها تنسيم هوا بالايام الاخيره بس اعتقد من وزنية الابواب لان صار له حادث

الجنزير غيرته مره وحده

والحمدلله مرتاح واحس انها مظلومه ومهظوم حقها

تحياتي لكم
اخوكم فارس

اكبر مصيبة في السيارة الكلتش دايم ثقيل لانه سريع الخراب وفوق هذا غير مشمول بضمان الوكالة.

موضوع حلو انا عندي سفاري موديل الفين اكثر شي ملاحظه عليه صرفيته للبانزين

موضوع رائع

انا معي باثفايندر 2005 نص فل وماشيه 45 الف <<< كثير صح

السياره ماعليها كلام بس تصرف بنزين ... وهذه ماعتبرها مشكله لان السياره ثقيله

مشكلة الراديو ضعيف شوي مايلقط الاذاعه بشكل قوي

اما الباقي فما عليه كلام والحمد لله النسيان سيارات كرررررررررررف وماتحتاج الا قطع استهلاكيه وبس

موضوع حلو وفيه انشاء الله فائدة.

بالنسبة للشباب اللي رايح يخش عشان يمدح سيارته ، رجائي انه ما يدخل اللي بيدخل وبيوضح عيوب سيارته يتفضل.

حتى الكل يستفيد .

سيارتي سوبارو ليجاسي .

الموديل 2002 .

العداد : 150 الف.

المشاكل : عيوب مصنعية صوت في الكومبرسر، أختفى لوحده بعد ثلاث سنوات استخدام.

تقطيع في السيارة في الصيف اذا سخنت بشكل كبير

حاليا: عدة اصوات اسفل السيارة تتحتاج لصيانة خفيفة.

مميزات السيارة : ثبات عجيب.

السياره: كامري

المديل:2003

ماشيه:62 الف

الحمد لله للحين ماشيه زي العسل بس فيه شغله والكل يعرفها في الكامرى تنسيم الهوا بعد 180


الكامري تحت اوامري

تحياتي للجميع

السلام عليكم

انا معي سيارتين
اوبل فكترا موديل 98 عدادها 190 كيلو
قطع غيارها الاستهلاكيه نااارر اسلاك البواجي ب 200 دينار يعني بالف ريال سعودي
مشكلتها بالحراره لانها نظام اوروبي

والسياره التانيه دايو لانوس 99 عداد 90 الف كيلو
والله ما احلاها بقطع الغيار بس مشكلتها انها مش ثابته عل الارض متل السيارات الاوربيه او الامريكي

تحياتي