اي افضل الدرانقو او البلليزر

ماهو الفرق بينهم في اسعار قطع الغيار

كل مووتر يتميز عن الثاني باشى بس لو تبي نصيحتي تصبر باالكثير شهر وراح تشرف سيارتين كل وحده احلى من الثانيه وهي اكسبلور فورد و الباث فاندر نيسان وانا من رأي الشخصي الفورد افضل باأميال عاد انت وذووقك وانصحك انك تشوف صور الأكسبلورا صرااحه افضل من البليزر والدرانجو ومايهوون اكيد الباث :D
وانت وذووقك بس صدقني موتر الفورد يكفيك ان وكالته فورد يعني راح يكوون الموتر عملي غير كذا موديل جديد و المووتر صاار قووي باشكله الجديد من الداخل والخارج :)

موتر خقق صرااحه :D

والله يالغالي,, اذا انت راعي بر, فكل السياراتين ما يصلحن,, لأنهن نازلات من عند الصدام الامامي والدعاسات الجانبية (خصوصا البليزر) وتحك بالرمل والشجر لدرجة ان اي شجيرة ممكن تعلق السيارة او تخلع لك اللحية!!!
بس اذا انت راعي خطوط فكلهن ممتازات بالراحة ,,
وكل السياراتين لا تقربهم لورشة, لأنهم اذا شمو ريحة الورشة ادمنو عليها وصارو زباين دائمين!!!

اخوي ابو احمد ماقصر معاك

اتوقع البليزر افضل واجمل

أنا مع الدورانجو لأنه مو منتشر مثل البليزر

غير كذا أنا أشوفه ثابت اكثر من البليزر
( جربته عند الوكاله في الدمام و عملت به عدة حركات خطيره منها عندما كنت في الطريق الساحلي ( طريق جامعه الملك فيصل و اكسترا ) تعرفوا الشارع مسارين بس كنت امشي به 140 وانا عاليسار و كان قدامي سيارتين تجاوزتهم عالرمل الي في اليمين و كانت اللفه قويه بعدين رجعت لليسار ولا كأني اسوق سياره مرتفعه )
بإمكانك تسأل السعودي الي في المعرض لأنه كان معاي

الصراحه كانت حركه حلوه تثبت رساوه الدورانجو

بس الشي الوحيد الي يخلي البليزر افضل انه يجي معاه GPS بعكس الدورانجو
و ان حجم الدورانجو كبير شوي و لا يصلح حق شباب

سلام

غير كذا مكينته أقوى من البليزر

الدورانجو يالله .. بصراحة انا لما اشوفها في الشارع اتبهدل . وخصوصا مقدمتها مرعبة جدا وتحسسك ان السيارة قوية
والشكل الخارجي مقبول جدا جدا

وبصراحة تكون مميز لانه قليل ما تشوفها في الشارع ...

انا معجب بها جدا ..... بس معي بلايزر ..
وادا انت قد مصاريفها ............. خدها ومتع حالك
الواحد كم مرة بعيش :)

السلام عليكم

كلام ابو احمد كلام مجرب

والدرانجو محرك اقوى ورحابة اكبر واعتقد ان جودة الديكور افضل من البليزر

في الرمال اعتقد ان الدارنجو اقوى وافضل لانه مرتفع بعكس البليز النازل

اخي الكريم انا مجرب السيارتين الليزر والدرنجو وان شاء الله افيدك

البليزر سياره ممتازه صار لها عندي 3سنوات بدون مشاكل من الناحيه المكانيكيه مشاكلها معي كانت من ديكور السياره والاصوات الي فيه من , نسيت ان بعد شهر من شريتها صار عندي مشكله في الشوك الامامي (( الجمبيل )) وتغير على الضمان اما الدوج فسياره لاغبار عليها صحيح انا توني شاريها (( 3شهور )) بس عند واحد من الريع صار لها سنتين دون مشاكل لا وبدت تنتشر انتشار رهيب0
وهذي مقارنه بين السيارتين (( من وجهة نظري )) 0

التسارع ((القومه )) الدرنجو
السرعه القصوى البليزر (( الدرنجو يفصل عند ال180 ))
الرحابه الدرنجو
قوه المحرك لخطوط الدرنجو 5.7
استهلاك الوقود البليزر
الفخامه وجمال الشكل الدرنجو
اعادة البيع البليزر
الضمان الدرنجو 7سنوات اول3سنوات شامل وبعدين الاجزاء الرئيسه المحرك الجيربوكس000الخ
الصيانه عند ال5000كيلو نفس السعر((انا ما وصلت ال5000 بس واحد من الربع وصل))


بس هذا كل اللي عندي واتمنى اكون ساعدك واي استفسار انا حاضر

طيب ترى فيه بليزر 8 سلندر
وانا افضل البليزر على الدورانجو
لان شكله احلى واقل خرابات من الدورانقو
من تجربه لان معي واحد

تحياتي...

انا افضل البليزر من جميع النواحي لاني امتلك وحدة وما شفت منها اي عيب الا في المواقف ماتحصل !!!!

انا ان البليزر شكله احلى

بس الدرانقو مكينته 8سلندر هيمي !!!
واذا جيت بتقارن بينهم البليزر اقل صرفيه وحجمه اصغر وشكله بالنسبه لي احلى.........

واتوقع ان الدوج مشاكله كثيره وخرباته واجد....