السلام علكم و رحمة الله و بركاته
قد يكون عنوان الموضوع غريباً نوعاً ما ولا يدل على ان كاتبه شخص واعي بالمرة و غير فاهم ايش الدعوة خالص أو واحد يتطنز
لاكن اعيد و أكرر يستاهل السوق السعودي
اللي حصل انا اعتبره تصحيح للسوق و السوق السعودي ما يستاهل ينزل الف ، يستاهل ينزل 10.000 نقطة
و اللي حصل ممكن ما يكون في مصلحة المضاربين و المستثمرين في هذه الفترة لاكنه بيكون مفيد للأجيال القادمة من المستثمرين
اللي ابي أقوله ان المهزلة اللي صايرة و التضخم في سوق الأسهم السعودي الغير مبرر فاقت حدها الأعلى
أقوى شركة بالسوق ما تقدر توزع ارباح أقل من 40 مكرر !!
يعني أشتري السهم و اورثه لأولاد ولادي عشان يطلع راس ماله !!
و شركة خسرانة فاشلة مثل مواشي المكيرش شي غريب عجيب !!
عمرها ما وزعت أرباح و من متى كان سهم خسران بهذه القيمة الخيالية !!
من متى كان المكيرش يسوى له 350 ريال و هي اساساً لو تصفي الشركة و تبيع اصولها ما ترجع على السهم 25 ريال بالكثير !!
هل من المعقول ان 325 ريال هي قيمة اسم الشهرة موزعة على السهم الواحد ؟ :D انا كان خبري بها بـ 72 ريال و كنت أطالع فيها كذا :confused:
هذا ان دل على شئ دل على ان الأسهم اللي بالسوق ما تسوى قيمتها و اليوم اللي طلعت اشاعة فيه ان المصافي توزع حتى 20 مكرر ارتفعت من الألف الى السبعة آلاف ريال !!
و الضحك انها وزعت 2.7 مليون عن 9 شهور و أب اذكر انها الوحيدة في هذا القطاع على مستوى المملكة يعني صراحة لو عندي اسهم الشركة كلها بعتها و فتحت سوبر ماركت أصرف لي
ثم وزعت 8 ريال للسهم يعني اللي اشترى بـ 7.000 ريال بيستنى 875 سنة عشان ياخذ راس ماله |10|
اسمحو لي أقول هذا اسلوب همجي في السوف و يدل على ان اللي يشتري السهم ما يعرف يعني ايش هو السهم !!
و اسمحو لي على الإطالة و هذا بس فش خلق للي حاصل و انا واحد يستنى يرتفع السوق مرة ثانية بشكل بسيط عشان اروح أحط فلوسي بشكل استثماري ذكي قليل المخاطر تنفعني بعد سنين طول بإذن الله :)
تحياتي :cool:
