هل تنصحوني بشراء كامري 2006

ماودي اطول وخصوصا معك لان انت وشرواك اقناعهم مو بسيط تدري ليه .. لانك زاحف اصلا !!

عموما في مثل بالانجليزي يقول ( اكشن سبيك لودر ذان وردز ) = الاقوال تسبق الافعال ، وهذا اللي كنت اقصده طال عمرك بالموضوع ، لان الكامري اثبتت للجميع وجود العيوب التصنيعية فيها من صدور النسخة 2000 الى يومنا هذا ، معليش وش هالسحر اللي بيخليها تصدر بدون عيوب للموديل 2007 علما ان الموديل 2006 لازال يشتكي مع بعض العيوب التصنيعية التي لم تعالج الا الان .. يعني (( حدث العاقل بما يعقل )) |3| .




تحياتي للزاحفين كلهم .. ،، ..

هلا بالصديق الجديد ، تصدق ماتعودت ارد عليك ، يمكن ذي اول مره ، بس مو مشكله لجل عين تكرم مدينة ..


بالنسبة للمجدوعي انا يالشيخ من الرياض ، الرياض = وعلان ... مفهوم ؟

اما بالنسبة لشركة ابوي .. ارجوك لا تغلط .. فهي شركة نسيبنا <== لكل مقام مقال :D

واما بالنسبة للقصص فياليت تتحفنا .. نرفع شوي من الملل بالقصص الحلوه يا حلو .

وعلى فكره تره مو فخر لي ولا لك ان تويوتا شركه لكزس ، انا فخري بديني وعقيدتي ووطنيي ، هذا اولا اما ثانيا شكلك ماتعرف السينتتال ؟ مو مشكلة بعدين نعرفك عليها .



تحياتي للجميع .. ،، ..

سبحان الله
توني ادري انك تعلم الغيب يابو سطام

استغفر الله واتوب اليه

لا انصح بالكامري 2006

لعدة اسباب

1- الموديل الجديد قريب بينزل

2- الكامري سيارة مستهلكة جدا لا تحمل أي تميز

3- شراء الكامري 2006 أشبه بشراء مركبة لا تحتوي إلا مكينة وقير ومعدومة الثبات وخالية من التجهيزات الضرورية مقابل سعر مرتفع

إلا اذا كنت تريد شراء الكامري المعدلة كليا لدى عبداللطيف جميل التي تحتوي على بلوتوث ومساند راس بشاشة DVD وجناح وزينون وزوائد وتخشيب واسيات جلد .... الخ

وسعرها لا علم لي به

انتبهو للمدعو أبـو سـطـام ترونه خطييييييييييييييير حيل الولد مثقف يقرا ويجي يعلمكم كود لاتتوهقون واذا صملتم يوجهكم على اقرب فرع للمجدوعي

الاخ يتلكم وبيتشقق في سبيل الذود عن حياض هيونداي >>>>وكالة ابوه على مااظن

ترا انا والله فاااااااااااااااااضي للاخذ والرد للصبح وودي اقول قصص عن الكوري اقصصد هونداي

يكفيك فخر ان تويوتا هي الشركه الام للكزس

والله اخوي ما انصحك بالشكل الحالي


وانتظر الشكل الجديد


ومثل ما قال بعض الاخوان اذا مستعجل خذ التيما


تحياتي

مثل ماقالك العضو هيمي انتظر الموديل الجاي ولاتخسر فلوسك بعدين تتحسر لما تشوف الشكل الجديد


انصحك بالتيما اذا كنت مستعجل

انا اقول لك توكل على الله وخذها

يااهلين وسهلين

بالنسبه لشفط البنزين هذي اصلا ماهي مشكله بس انا بديت اوسوس لاني اشوف زملائي معاهم قير عادي نفس حقتي والصرفيه اقل وطلعت الصرفيه عندي اعلى لانها اوتو << يعني لا تحجر والموضوع هذا قدييم والله مسوي انت ذيب خخخخخخخ

اما خرابات ماعمرها قالتلي اي مشاء الله تبارك الرحمن واصلا لو الصرفيه هذي الي اقول عنها انا ماتعتبر ايضا خراب

وعلى فكره يعني قريت فقط موضوعين عن الكامري واخذت عنها سمعه سيئه يلا الحين ابيك تجيبلي مواضيع الاكورد والالتيما السوناتا الي يشتكون منها وشف كثرها


وسلالام

اخي العزيز كامري ، هذا بعض مما قرأته عن الكامري وجعلني لا انصح احد بها يوما بعد يوم :

مشكلة في كامري 2005

الكامري وغباء تويوتا

وهذا احد مواضيعك ومشكلتك اللي عانيت منها دووس هنا



تحياتي للجميع .. ،، ..

طيب وش رايك يالذيب تشرفنا هنا ، وتفيد الرجال بما انك ذيب في الكامري يا كامري
http://www.assayyarat.com/forums/showthread.php?goto=newpost&t=82141

اجل انت معك 2000 اوتو مشاء الله ، الله يعطيك خيرها ويكفيك شرها ، عاد تدري اني احب الشكل القديم اكثر من الشكل الجديد ، يمكن لان معك وحده مثلها :D

طيب اخي العزيز كامري ، هذا بعض ماكرهني في الكامري ، ولاتلومني :


مشكلة في كامري 2005

الكامري وغباء تويوتا

وهذا احد مواضيعك ومشكلتك اللي عانيت منها دووس هنا



تحياتي للجميع .. ،، ..

بعد اذن كاتب الموضوع ، الكامري سياره كاااااانت وضع خطوط حمرا تحت كلمه ( كانت ) ، كانت سيارة اعتمادية قوية مرغوبة عند البيع وسعرها في متناول يد الجميع ، قطع غيارها رخيصة ولم يكن وكيلها بالجشع والطمع الذي نراه اليوم .

للامانة فقط انا اعرف احد الزملاء 2004 واخر 2006 ، كلهم لا يمدحونها ، الاول راحت السيارة للسواق ، والثاني يفكر يبيعها بس متخسف على الخسارة لانها ماجابت له سعر مغري .

وعلى فكره القير التوماتيك منها اثبت فشله الذريع لانه مايتحمل قوه الدعسة اقصد بكلامي هذا انها بطيئة للقير الاوتامتيك ، كما انها افتقدت احترامها في الشارع كسياره مو مثل الاكورد والسوناتا او حتى الالتيما .

الرأي رأيك اخوي الفاضل واذا كنت ولابد مشتريها فانتظر الا 2007 افضل لك ، رغم اني ابرهن من الان بكثره العيوب التصنيعه التي ستواجة الشكل القادم كما حصل مع الشكل الحالي الذي لازالوا يعالجوا عيوبة التصنيعية حتى يومنا هذا .


تحياتي للجميع ..،،..

أخوي إذا إنت مررررة مستعجل ..

أنصحك تاخذ الكامري .. لإنه ما أحد يحتار فيها ..

لكن إذت بتصبر حوالي 6 شهور .. بتنزل الجديدة 2007 .. المختلفة عن سابقتها ..

أكيد بتعجبك الجديدة ..



وفي النهاية الخيار لك ..







ت ح يا ت ي

الله يعطيك العافية اخي وليد

بلنسبه ل2007 ممكن تتأخر شوي ... لان المصنع الامريكي يختلف عن المصنع الاسترالي ..

ولا اعلم بلضبط متى ستنزل لكن ليس قبل منتصف 2007 ...

وانصحك بان لاتقد على شراء الكامري الحاليه لخلوها من المواصفات وسعرها اللذي لاتستحقه ابدا

الله يعطيكم العافية على الردود

ولكن متى وفي اي شهر تنزل موديل 2007