السلام عليكم :)
ركبت زينون قبل فتره وكل شئ تمام ولكن الكمبيوتر يقول ان اللمبه محروقه!! بالصدفه لقيت أحد الأخوان كاتب طريقه بكيفيه حل المشكله على سيارته وبصراحه مافهمت عليه وارسلت له رساله خاصه وحبيت انسخه طريقته وياليت اذا احد فاهم يشرحها لي بشكل بسيط لأني مافهم بالكهرباء |11|
يقول صاحب الموضوع:
هيه نسيت اقول اني حطيت لمبة عادية و اخذت خط منها للزينون عشان ما يكتب لي انه لمبة محروقة ,, و اخذت الخط الشاصي ( البارد ) من هيكل السيارة مو من خط اللمبة نفسه ... لانه بسيارتي البي ام 540 اخذت خط الارضي من خط اللمبة طلع لي اللمبة محروقة و هي شغالة على الداش بورد و يوم اخذت خط الارضي من هيكل السيارة كل شي تمام 100% من 5 سنوات للحين
ياشباب،، هذا كلامه ويقول ان الطريقه تمام معاه لكن مافهمت شئ للأسف :eek:
وهذي رسالتي الخاصه عشان تفهمون كيف الهندي اشتغل بالسياره:
شريت زينون الماني ورحت للهندي وخليني اشرحلك الطريقه اللي اشتغل فيها الهندي:
1- فك الشمعه العاديه وحط شمعه الزينون.
2- شبك المحول بالزينون وشبك الكهرباء بنفس سلك الشمعه العاديه واشتغل الزينون.
3- الكمبيوتر مايطلع ان الشمعه محروقه
المشكله ان الشباب يقولون لاتشبك كهرباء الزينون مع كهرباء السياره لأنه راح تسبب مشاكل بظفيره السياره.
رجعت للهندي وقال راح اركب كتاوت (اعتقد قصده فيوز خاص للزينون)
الحين فك الاسلاك وركب الزينون من جديد على هذي الطريقه:
1- المحول فيه سلكين كهرباء.. واحد اصفر والثاني اسود
2- السلك الاصفر شبكه (يعني وصله) مع البطاريه
3- السلك الاسود شبكه مع سلك الشمعه العاديه ((سلك لونه بني وفي سلك ثاني اصفر خلاه فاضي)) (اعتقد المشكله هنا)
ياشباب اللي يعرف كيف اقدر اطبق طريقه الأخ على سيارتي، فياليت يشرحها لي بالنقاط لأني بارجع للهندي واخليه يسويها لأن الكمبيوتر كل شوي يقول الشمعه محروقه ومطلع اصوات تحذير بالسياره للتنبيه :mad:
