السلام عليكم و مبروك السيرفر الجديد . واللة انا من زمن و باشارك بس تعرفون مشاكل السيرفر و الحين عندي لكم قصيدتين من انتاجي و لا تبخلون باراكم البناءة.
يسدل ستار الليل على قلب المولع
*تنام الخلايق و هاجسه يحرمه المنامي
يسهر مع نجوم المساء و يتطلع
*لفجر ينزح عن صدره غلق الظلامي
ينشده القمر و عن جوابه يتمنع *
يخاف دمعته تسبق لسانه بالكلامي
قام حبس عبرته و بجروحه تدرع *
و فك حصنه و اطلق اسر الألامي
يقول عشقت غزال حر مدلع
*و هبته حياتي و رسمته كل احلامي
لا كنت خبيث و لا كنت كذاب مقنع
*و حبي له صادق ما خالطه حرامي
ياالمها نار الشوق في ضميري تولع*
و يحرق سنا برقها كل امالي
قاطعه القمر:
يا مشاري ترا حبل وصلك تقطع*
انساه و عيش ما بقالك من ايامي
ياقمر كيف اقفل بابي بعد ما تشرع
الباب انكسر و الموت غدا قدامي
=================================
احبك كلمة ما تعرف قدرها عندي &*&
لا قلتها صرت بعقلي و قلبي دايم
اسخرلك كل حواسي و بروحي افدي&*&
و اغار على خدك من عليل النسايم
بدونك انا طير ضايع من العش اهذي&*&
كيف اقضي العمر بين الناس حايم
مابي منك رسايل و لا ورد تهدي&*&
ابي لمسة شفاك و اظل في بحرها عايم
و ان كان حبك لي مجرد حلم وردي&*&
بحبس دمعتي في وسط عيني و ابقى نايم
و سلامتكم حبايبي
