أيهما أسرع وأفضل : كامري 6سلندر او مكسيما ؟

1- كم أقصى سرعه تصل اليها كل من - كامري 6 سلندر - مكسيما ؟

الصراحه أنا جربتهم ثنتينهم في الشوارع الطويله ( الكامري يجيب الطبلون 240 كامل __ المكس يجيب الطبلون 260كامل )
الكامري 213حصان .... المكسيما 227حصان...

2- ايهما اقل في صرفية البنزين ؟
أكيييييد الكااامري

3- ايهما اغلى في قطع الغيار ؟
المكسيما أغلى في قطع الغيار من الكامري ....

4- ايهما افضل من ناحية القيمة في البيع ؟
من المعروف الكامري يحافظ على سعره _ المكس مستخدم رخيييص
5- ايهما افضل في المواصفات والكماليات ؟
في الكشخه أخوي أكيييييد المكس وما تحتاج عبقرية

6- ايهما اقوى في الخطوط الطويله والتحمل ؟
الكامري والله مصنووووع لللخطوط الطويله ( والله جباااااااار )

7- وماهي اهم الفروق بين الكامري 4 سلندر و 6سلندر وخاصة من ناحية السرعه وصرفية البنزين ؟
من ناحية السرعه اكيد 6 اسرع بقليل من ال4 سلندر ... اما الصرفية اكيد صرفيه 6 اكثر من ال4.....

انا صراحه انصحك انك تتأخر جم شهر .. يعني 3-4 شهور وماراح تضرك ..
لأن شكلي المكسيما والكامري راح يتغير..
وتأكد من الوكاله
وإذا تبي كامري 2007 وإذا كان الشكل الجديد روح احجز من الوكاله من الحين عشان توصلك بسرعه
وإذا تبي ماكسيما الشكل الجديد 2007 روووووح الحين احجز ..

واللي مايسمع النصيحه يضيع وانا اخوك :)
ومن ناحيتي انصحك بالكامري وبقوه .. .. و لا تعصب لأي شركه لأنها ماراح تيدك إذا شريت السياره ..
وشكرا :)

شوف أخوي هاني أنا بقول لك بصراحه مع اني أموت في شي اسمه ماكس

لكن المكسيما يطيح سعرها أما الكامري ماينزل ألا قليل

وأنا راح أقول لك عن اللي شفته فالمعارض

رحت لمعرض كله كوامري

لقيت كامري موديله 2001 سعره 49
وكامري 2004 بـ 55 جي أل آي ماشي 15000 بس على كلام راعي المعرض راعيه محتاج
وكامري 2003 بـ حوالي 52

بس بالنسبه للمكاسيم ماشفت ألا مكسرين وملعون والديهم

بس حصلت وحده جدييييييييييييييييده بقراطيسها راعيها محافظ عليها درجه أولى وجلد قير تماتك 2002 بـ 52 ألف

وإذا كان موديل المكس 2000 أسعارها حوالي 35 ألف

شوف الفرق بين كامري 2000 و ماكس 2000

بس أنا أقول لك أنت إذا بتاخذ ماكس درجه اولى وكاله لاتفكر فالبيع ولاتشيل هم السعر أما إذا كنت تفكر فالبيع فهذا شي ثاني

وتحياتي لك

الصراحه حسب الاستطلاع ان الاسرع والافضل سعرا وقت الشراء ماكسيما

والأقوى والافضل سعر وقت البيع كامري

هاني اوافق كلام ولد هاجر....لان الحين بينزلووون الموديلات الجديده ....وطبيعي اسعار 2006 بينزل ....(المكسيما +الكامري)...

شف لو مهي فلوس انا وابشتري موتر

ماراح اشتري الا موديل 2004 فل ابشن

بتحصلها رخيص اول شي

وبتوفر عليك فلوس

تحياتي

ايش رايكم ياشباب لو اشتري مكسيما مستعملة

لان الكامري مستعملة اكيد غاليه

فاحسن موديل في المكسيما ايش هو ؟

واذا نظيفه كم سعرها المناسب للشراء ؟

وكيف اشيك عليها قبل الشراء خاصة ان ماعندي خبره كافيه ؟

تسلم حبيبي على المعومات

شكلها الماكس اسرع وبقوة من الكامري 6 سلندر

بس مو غريب مع ان كلهم 6 سلندر وحجم المحرك واحد ( 3 ليتر ) والقوة بالحصان 213 و 227 يعني بسيط جدا

ليش الماكس اسرع ؟

يعني تقريبا المكسيما كم تخسر من قيمتها والكامري 6 سلندر كم تخسر

اذا البيع بعد سنه واحده ؟

هلا وغلا فيك أخوي من جديد

بالنسبة للماكس أنا جربت مع واحد كم مرة (( جير عادي )) تجيب 260 لاكن مو بالراحة مررة


الكامري معنا وحدة جراندي 2003 فل أوبشن (( جير أوتو )) أيه نعم ماتوصل لخط 240 إلا بنزلة الغاط :)


المهم أنا تناقشت مع واحد بالماسنجر بخصوص 238 ،، سألني أيش مركب جنوط قلت له 17 وبعد الكفرات عراض مرره ،، قالي حط جنوطها شد بلد 16 وكفرات الصغار وتجيب 240 .

0
0
0

بلا شك التويوتا اقل خسارة وقت البيع سواء 4 سلندر او 6 سلندر لكن الاربع سلندر مرغوب اكثر وقت البيع

يعني تقريبا كم تخسر من قيمتها سواء الكامري 6 سلندر او المكسيما ؟

كلهن ما يجيبن سعر


الكامري الـ 6 سلندر ماهي مرغوبه مثل الاربعه

الصراحه ما افكر في الاربعه سلندر

انا بين المكسيما و الكامري تورينغ 6 سلندر

لكن ما ادري اي واحده تجيب سعر احسن لو اضطررت للبيع

الصراحه الواحد لازم يحسب لاسوأ الاحتمالات

اتمنى من اهل الحراج والمعارض الافاده

انا جربت الماكسيما S.TOURING والان معي كامري GLI

طبعا المكسيما من ناحية الثبات ومن ناحية السرعه اللي ماتحس فيها وغير هذا كله ماراح تعاني من صوت المحرك

بالنسبة لي الان اعاني من صوت المحرك بالكامري 4سلندر كل شوي وانا اناظر بالقير احسبه في الرابع وهو في

الخامس

طبعا من مساويء المكسيما شكلها اللي طول وخوفي من وصول الشكل الجديد وهذا اللي خلاني ابعد عنها

تبي السرعه الماكس وهذا ضرر فيك اخي الكريم
تبي توفر قطع الغيار ورخصها والسعر ما ينزل كثير عند البيع
والتحمل والجوده كلها متوفره بالكامري

( الكامري ) بنظري اصرف

يعني برايك افضل التورينغ او مكسيما دام انك جربت الاثنين ؟

هلا اخوي ... هاني

والله بالنسبى لتسالك انا معي ماكسيما 2004 واعرف كم واحد شاري ماكسيما 2005

والله السيارة تخدم بس يبيلها محافظ

الشي الثاني الي بيكون لصالح الموديلات الحديثة من 2004 وطالع هي التعديلات الكاملة لجميع اخطاء المصنع وبالفعل لايكاد يذكر اي خلل ولله الحمد

بالنسبة للتسالك عن القومة انا موتري قير اتوماتيك S.TORING واطلع على الكابريس اس اس الين 100 كم والاتيما الين 120
وطبعا هذا يعتمد على السوااق (( قولوا ماشاء الله ))

.