أيهما أفضل ؟؟؟ لانسر ام النترا

السلام عليكم

اخواني الاعزاء الموضوع عن الالنترا واللانسر فرجاء الالتزام بالموضوع

طيب واذا قلت لك اني مجرب لانسر 1.3 وكرولا 1.3 في اسبوع واحد وفرق في الاستجابه كبير وفي الصرفيه بعد..

طيب ..

وإذا قلت لك إني جربت اللانسر ( أجار ) ولقيتها أحسن من الكورولا في الإستجابة (يمكن لأنها أخف) وحتى في التعليق بس الصرفية مثل بعض تقريباً

بس ما تقدر تقارن اللانسر 1.6 بالكورولا 1.8 من ناحية الأداء لأن الكورولا هذي طيــــــــــــــــــــارة بمعنى الكلمة.

تحياتي

Kenny

هلا بك اخوي KeN

------
أنا أتكلم عن اللانسر 1.6 لتر .. أما 1.3 هذي لك عليها وعزمها مو ذاك الزود .. مثلها مثل الكورولا 1.3 .. وقدرتهم الحصانية متقاربة جداً.
------------------------

انا عارف ان موضوع عن الانسر والانترا بس انت شوف كلامك وتدري ليش جبت طاري الكرولا..


بعدين تقولي القدره الحصانيه انت جرب السيارتين بعدين شف الفرق واترك عنك القدره الحصانيه فيه فرق لما تسوق كرولا 1.3 ولانسر 1.3 فررررررررررق صراحه...

هلابك يا مطفي النور

أحب أقول .. ســــــــــــــــــلامــــــــــتك بالخط العريض .. إذا كنت تقول إن الكورولا عزمها أقوى من اللانسر أو صرفيتها أحسن.

رح شف القدرة الحاصنية للمحركين .. تجدها متقاربة جداً .. ( يمكن فرق حصان أو حصانين لصالح الكورولا) يعني فرق لا يكاد يذكر.

بس شف فرق السعر بينهم .. راح تجده أكثر من 10000 ريال تقريباً

عموماً موضوعنا مع الألنترا مو مع الكرولا

تحياتي

Kenny

اولاً عارفين انك تكلم عن 1.6 بس العضو ماتكلم عن 1.6 حنا نرد على العضو.. ثانيا من قالك ان 1.3 لانسر مثل 1.3 كرولا سلامتك انا جربهن ثنينهم والكرولا احسن الف مره.. من العزم الى صرفية البنزين(وهذي حط عليها عشرين خط)

هلابك .. بلا حدود

أنا أتمنى شي واحد .. إنك تجرد سواقة سيارة من ميتسوبيشي وتجرب سيارة من هيونداي .. وراح تلمس الفرق وبعدين .. هيونداي تاخذ من ميتسوبيشي بعض القطع ( هذا اللي رفعها وخلاها تمشي) بس مو كل شي .. والا كان تلقى قطع الميتسوبيشي بنفس سعر قطع الهيونداي مو أغلى منها بكثير.

عموماً الحوار صار عقيم .. واللي يبي لانسر حيّـاه الله .. واللي يبي النترا برضو حيّـاه الله

وياااااااااااااااااا هلابكم مرة ثانية


Kenny

وش جاب الهونداي لمتسوبيشي <<<<< الحمدلله والشكر


والله لاخذ الالنترا وانا مغمض وعندي الالنترا احسن من السوناتا اللي عندي مو تقارنونها باللانسر

وبعدين ياكيني قاعد تعيب في جودة هيونداي يكون في علمك ان اغلب القطع متشابه ونا اعرف واحد من اخوياي معه جالنت ماخذ الجنزير من المجدوعي ومركبه على سيارتها

يعني اذا بتعيب في هيونداي في نفس الوقت تعيب ميتسوبيشي

03-05-2006, 05:19 PM

يا اخوان

حرام عليكم تنصحونه بالنترا

شكلها من جوه قبيح قبيح قبيح ومن برا قبيح قبيح قبيح
هذا اللي انا اشوفه والناس اذواق

اللانسر بالله قد ركبتوها ؟؟ يا اخي من جوه شكل يعطيك راحه نفسيه عكس الالنترا
يكفيك التخشيبه الخياليه اللي جوا السياره يا شيخ حرام كل ما اشوفها اتذكر السيارات الفخمه

الالنترا 1.6 واللانسر 1.6 نفس المحرك طيب ؟؟؟؟

الالنترا تتفوق بايش ؟؟ لا ايرباق ولاشي بس قزاز كهرب

ما عدا الشكل الانسر مقبول نوعا ما

الالنترا قبيح

الاعتماديه
لا تنسوا ان محركات السوناتا الجديده منتجه من قبل ميتسوبيشي ( على كلام راعين السوناتا مع اني اشك )

ميتسوبيشي ممتازه ولا تنسى انها يابانيه 100% واللي يقول ماهي اعتماديه قل ماعندك سالفه


تحياتي لمتعصبي الهيونداي ...

تحياتي للجميع

أنا أشوف اللانسر منتشر أكثر ...

نصيحتي جرب السيارتين واستخير .

بالتوفيق |3|

الأخ/ Snas

لمعلوميتك ... سبب إختيار الألنترا لسيارات الأجرة .. هو محرك 2000 سي سي .. لأن فيه قرار من وزارة المواصلات إن السيارة لازم يكون محركها 2000 سي سي وفوق.

ثانياً .. السيارة صار لها 10 شهور عندك .. يعني هذا ماهو مقياس على جودتها وتحملها .. وبعدين بذمتك .. لما تركب كوريلا والا لانسر والا سيفك .. ما تحس بالفرق .. ما تحس بجودة الياباني .. ما تحس لما تسوق وحده منهم إن تعليقها رائع .. وعلى فكرة اللألنترا .. تعليقها الخلفي غير منفصل بعكس اللانسر والسيفك .

عموماً الشرح يطول .. وكل واحد بكيفه

تحياتي

Kenny

خذلك صني اصرفلك

الأخ الكريم أنا أملك هيونداي إلنترا 1.6 موديل 2006 الجير بوكس أوتوماتيك وقزاز كهرب هذا المنتشر فيها
وطبعاً فيه مواصفات أعلى بس أغلى بعشر آلاف ريال محركها 2.0 فتحة وقزاز وجنوط وماأدري عن باقي المواصفات
المهم الموتر معي ممتاز له قرابة 10 أشهر ماشاء الله تبارك الله مكيف وأمشي 200 رائع وأكثر من رائع ولا تطلب منها أداء عادي في ظرف قاسي فهي تعطيك لين ترضيك
وبالنسبة لي أفضلها على كورولا ولانسر وسيفك
ومثيلاتها من نفس حجم السيارات المتوسطة
والسبب أنها الأرخص سعراً بفوارق أقل شي 6000 آلاف إلى 15 ألف بالإضافة إلى شكلها الجميل وإنتشارها
الواسع حتى وجودها ليموزين يعني أنها سيارة عملية
اللانسر والسيفيك لا تتمتع بإنتشار إلنترا ولم أجدها في الشارع بصفة / تكسي عموم / مع ملاحظة وجود سوزوكي ليانا بصفة ليموزين وهي أصغر حجماً من هذه السيارات
هذا لا يعيب شركة هوندا أو متسوبيشي فهناك فئات أخرى في هذه الشركات تظاهى العمالقة
سبق وركبت مع سائق ليموزين إلنترا فقلت له كيف كويس قال كويس بس مشكلة هذا خفيف وهذا سبب طلب الكامري
من قبلهم ولكن لا يمكن مقارنة إلنترا بكامري فكل سيارة من مقاس فالكامري من الحجم الكبير وإلنترا من المتوسط
وفقك الله لما يحب ويرضى والله يرزقك الي فيه الخير جرب السيارتين وشوف ولك أخيراً القرار
السلام عليكم ورحمة الله وبركاته

مشكور اخوي السفير عل المعلومة الحلوة,,
القائمة كالتالي (للي مايشوف الصورة او مايقرأـ انجليزي):
-لكزس
-بورش
-لينكولن
- بويك
-كاديلاك
-انفينتي
-تويوتا
-ميركوري
-هوندا
-اكيورا
-BMW
-فورد
-شيفروليه
-كرايسلر
-ساتورن
-اولدزموبيل
-GMC
-بونتياك
-مازدا
-هونداي
-سوبارو
-فولفو
-جاغوار
-دودج
-نيسان
-ميتسوبيشي
-مرسيدس
-ساب
-جيب
-سوزوكي
-اودي
-دايو
-ايسوزو
-فولكس واجن
-ميني
-لاندروفر
-كيا
_______________________
بصراحة غريبة ان شركات مثل فورد وGMو هونداي تتفوق على نيسان وميتسوبيشي؟؟

على ذمة احد الأخوان انه شاف إلنترا تكسي ماشي اكثر من 400الف

ولو الإلنترا ما هي اعتمادية كان ما اخذت السوق من الإكو

تقييم موقع http://www.jdpower.com لسيارات سنة 2002

سياسة الموقع تعتمد على تقييم سيارات الشركة بعد ثلاث سنوات من انتاجها لذلك تشوف مكتوب 2005 لأنه أصدر سنة 2005



البيان مأخوذ من هالصفحة http://www.jdpower.com/news/releases/pressrelease.asp?ID=2005089

ولو ترجع لمواقع تقييم السيارات بتشوف ان سيارات هونداي 2006 تعطى الأفضلية من جانب قلة الأعطال وسهولة التصليح وقلة تأثرها بالإستخدام

والشريطية يدفعوا مبلغ مرتفع للإلنترا لأنهم عارفين مستواها

8
8
8
كثير من أصحاب المتسوبيشي تلقاهم يشترون قطع غيار سياراتهم من عند هيونداي لأنها نفس القطع ولكن أسعارها تكون أرخص من المتسو

طيب لو قلنا قطعها أرخص .. لكن شف الفرق بين قطعة الميتسوبيشي وقطعة الهيونداي .. والله فرق السما والأرض وغير كذا .. شقالوا لك .. كل يوم بيركب قطعه الرجال علشان تقوله .. القطع ارخص .. عسى ما شر.

وبعدين .. أنا أتحدى راعي تاكسي .. إذا مدح هيونداي .. قسماً بالله .. كلهم يقولون .. نبي كامري .. وأنا سألت أكثر من واحد.

والله إن الهيونداي ما عنده ما عند جدتي .. وإنه تلفيق في تلفيق .. ولو يحلم ما يوصل لمستوى .. الياباني .. وحتى أردى الياباني .. أحسن منه.

على العموم .. صار خير وكل واحد يصلح سيارته :)

تحياتي

Kenny