السلام عليكم ...
وشلونكم يا شباب ....
ابي اطرح لكم هذي الخدمه الجديد اللي وفروها شاكرين للاصحاب السيارات وهو خدمة اخفاء المطبات ... الحين الواحد ماشي بأمان الله مايدري الا الموتر يطامر وانواع الاصوات ويقامز ولما يهدا الموتر ويناظر السائق المسكين وراه يكتشف انه مر على مطب في شارع عام او حتى في حاره او شارع رئيسي لاحد الاحياء .... انا ما اقول شيلوا المطبات ولا لها لازمه لكن في شي اسمه الوان بويات عيون قطط عشان الواحد يعرف ان فيه قدامه مطب والله يا جماعه صرت اخاف من ظل اعمدة الاناره اخاف لا تكون مطب اصطناعي قدامي رجل على البنزين ورجل على الفرامل عشان اول ما اشوف المطب طبعا بشوفه وهو على بعد 3 او 4 امتار ارص على الفرامل ... والله يا ناس ما يصير الواحد يخاف يمشي في شارع اول مره يمشي فيه لانه مو حافظه ولازم يكون معاه واحد عارف الشارع وكل شوي يسأل وهو ماشي فيه مطب قدامنا ؟؟ والله حرام مواترنا كل فتره نغير مساعدات واذرعه هذا اذا الجنط سلم من المطب اللطيف ...
وغير كذا يتفننون في اشكال المطبات اقسم بالله طحت في مطب وكان معاي لينكون وصمخ بالموتر من تحت والله الشاهد ان المرايه اللي في الزجاج الامامي طاحت ... مطب طويل مطب عريض اربع او خمس مطبات صغار ورا بعض (( طبعا المطبات العاديه تخصصها اذرعه ومساعدات اما الصغار تخصصها تفكيك الموتر ))
والله يا جماعه ما يصير ... الحفر ومشيناها نقول من استخدام الشوارع وغيره مع ان هالحفر المفروض انها ما تصير في شوارع رئيسيه في مدينة الرياض لكن مشينها لكن مطبات بفعل فاعل مطبات اصطناعيه معليش صعب الواحد يمشيها ... الواحد يمشي على اعصابه ... الحمد لله مواترنا جديده لكن هالمساكين اللي موتره مرقع وطاح في واحد من هالمطبات وتفكك الموتر وصار جالس على الكرسي وماسك الطاره والموتر ما يدري وينه متفكك وراه وش ذنبه هذا من المسؤول عن اللي صاره وكم من حادث صار بسبب مشاكل الطرق وفي الاخير اذا احتجيت يقولون لك مطب وش كبره قدامك ما تشوفه عمى انت عمى ؟؟؟ والله يوميا اطيح في اثنين او ثلاث مطبات مختلفه انواعها ... في شارع توهم حاطين فيه مطبات في حي الملك فهد والله عجزت احفضها كل مره اجي ولا يبين لي ولا مطب ولا اذكرها الا بعد ما اكلها ... ليش طيب ؟؟ وين البويات وعيون القطط اللي تبين لك لا تقولون الشمس والاستخدام انا اقول مطبات توهم حاطينها جديده ولا فيها ولا اي علامه تقولك يا ابن الناس انا مطب قدامك انتبه ... الواحد ما يدري ان فيه مطب الا اذا تعدا المطب مثل ما قالوا انتبه خلفك مطبات ...
