الأحد 19 أبريل 2026
عاجل

ياشباب مقارنة بليز ادخلو ( مازدا & مكسيما)

تقييم ومقارنة السيارات مغلق
17 رد 3,833 مشاهدة 7 مشارك الأقدم أولاً
أ
أبو عجة @user_15793 · 17-06-2006
السلام عليكم ورحمة الله وبركاتة

اسعتم صباحاًَ

ياشباب انا عندي مقارنة بين سيارة مازدا 2006 زوم زوم وبين مكسيما

ما ابي احد يحكم عليها من المظهر او السمعه الخارجية لها

كم قريت موضوع عندكم ولقيتة بالاخير يطلع هوشات اذا شفته كذا حذفت الموضوع

نبي كل واحد اذا ماعليه كلافة يجيب صور شباب تكفون صور مديل 2006 لا احد يجيبلي صورة مازدا 3 ابي
مثل ماتشوفون الصور تحت مازدا 6
واصحاب المكسيما والخبرات يتشرفون عندنا ويقولون لنا عنها اذا سمحتم
انا عندي صور مازدا 6 2006











المازدا طبلونها 280 اللون احمر
الشكل الخارجي جنان

اما الماكسيما ماعندي عنها خلفيها


أبو عجة
القصيم
ن
نيسان للأبد @user_17211 · 30-06-2006
الماكسيما افضل بكثيرررررر


.
ا
الزين @user_31425 · 22-06-2006
أ
أبو عجة

تقولي الي معكم مازدا 3 او 6

يمكن يكون فرق مع مازدا 3

اخوكم
ابو عجة


المشكلة أخوي أبو عجة ان الناس اغتروا بالمازدا3 ونسوا أصلها اللي هو مازدا 323

والسيارة هذي بدأ تصنيعها من أيام الثمنينات ووقف تصنيعها عام 2004 واستبدلوها بالمازدا3

مثل المازدا6 كان أصلها سيارة اسمها مازدا626 وتوقف تصنيعها عام2002 واستبدلوها بالمازدا6

والسيارة هذه منتشرة مرة عندنا في ينبع لكن في المدن الثانية ماأظن

معليش خرجنا عن محور حديثنا<<<<<<<<<<<قلبها برنامج صادوه :D

بس حبيت أعرفك على سيارتي اللي الكل ظالمة في المنتدى |174|

بس ياخوي حاس انك قمت تكره المازدا

ترى قطع الغيار وصوت الماكينة مو أسباب قوية تخلي السيارة تنزل في نظرك

والله المازدا اللي معاي اني كرفت فيها كرف الويل ولا قالت أح

لاتقول أنا أبغى آخذ جديدة أبغى أدلعها

وربي سنتين وتطفش وتنسى أم الدلع

ونصحيتي لك إذا كنت محتار بين المازدا والماكسيما خذ المازدا

أو انتظر الماكسيما لين ما ينزل الشكل الجديد

تحياتي
ا
ابوسهم @user_22791 · 22-06-2006
اخوي ابوعجة من ناحية الصيانة لازم الواحد ينتظم على جدول الصيانة

وترا المحافظة على السيارة اهم شي وبكذا راح تطول معك

من ناحية الشاشة ما فيها

مع تحيات وتقدير ابوسهم :D
m
massari 6.1 @user_22302 · 21-06-2006
أ
أبو عجة
تسلم يالعاشق

شكرا على الرابط وراح استفيد منه

اقولك شي من طلعتي لدنيا اول مره اسمع الاسيات
اذا كان الاسيات تقول ماهو زين والمحرك يبي يزعجني
اعوذ بالله اما امشي وكاني فات الدريشة مشكلة والله كانت اخلة المازدا مزاجي 100%
والحين طاحت 25%


اخوك
ابو عجة


الاسيات يعني مقاعد الركاب

لا اخووي مش كانك فاتح الدريشه ايش دعوه راكب دتسن

لامش لهذي الدرجه هي فيها صووت مزعج بس مش لدرجه كانك فاتح الدريشه

تحياتي
أ
أبو عجة @user_15793 صاحب الموضوع · 20-06-2006
هلا فيك الزين
شكرا على تعليقك الحلو

عمي معك كابرس 2004 صدم علية من الجهه اليمنى الخلفية راح للوكاة غيروله النور الخلفي والصدام كامل كلفته
3500 ريال شوف كل الاسعار نار مو بس نيسان ومازدا

افا تقولي مقاعد غير مريحة وصوت مزعج لدرجة انه ماتسمع صوت المسجل بوضوح في السرعات العالية
مشكلة والله مابقى الا انا اركبلها ربلات اضافيه مع القزاز

تقولي الي معكم مازدا 3 او 6

يمكن يكون فرق مع مازدا 3

اخوكم
ابو عجة
أ
أبو عجة @user_15793 صاحب الموضوع · 20-06-2006
تسلم يالعاشق

شكرا على الرابط وراح استفيد منه

اقولك شي من طلعتي لدنيا اول مره اسمع الاسيات
اذا كان الاسيات تقول ماهو زين والمحرك يبي يزعجني
اعوذ بالله اما امشي وكاني فات الدريشة مشكلة والله كانت اخلة المازدا مزاجي 100%
والحين طاحت 25%


اخوك
ابو عجة
m
massari 6.1 @user_22302 · 20-06-2006
ياخي والله خوفتني 4 الاف

والله اني خايف

الوالد توه جايب سواق عليمي مايعرف يسووق

وقاعد يتعلم على سياراتي وخايف ان يصيرله شي فيها

وانتكب بعدين في القطع

تحياتي
ا
الزين @user_31425 · 20-06-2006
ياخوي توكل على الله وخذ المازدا
المازدا صراحة سيارة منظر وكرف
بس مشكلتها قطع الغيار

أنا معاي مازدا323 2003 أحسن نوعية(فل)
صدمت فيها انعدم فيها نور خلفي واحد والصدام الخلفي والمراية الجانبية(واحدة فقط)
كلفني تصليحها 4آلاف
واتذكر المراية لحالها كلفتني بين 700 إلى900ريال ماتذكر بالضبط
بس المرايا عندي كهرباء

وأوافق أخوي عاشق ولكن في عيوب السيارة
وألاحظ انها نفس العيوب اللي عندي
من مقاعد غير مريحة وصوت مزعج لدرجة انه ماتسمع صوت المسجل بوضوح في السرعات العالية

ولكن تبقى المازاد6 أفضل سيارة توازن مابين المنظر الجميل والسعر الجيد والكرف

أما الماكسيما مافيها أي نوع من الفخامة

وداخليتها عادية وقطع النيسان نار

وشكلها هذا معلق من عام2000 بس غيروا الجنوط والشبك

بس معروفة بقوتها هي والألتيما

وفي النهاية لاتنسى الاستخارة

ومبروك مقدما
m
massari 6.1 @user_22302 · 19-06-2006
هلا والله اخووي اسف على التاخير

اذا تبي شرح حلوو عن mazda6 mps

ادخل على هذا الرابط

http://www.suhuf.net.sa/2002jaz/dec/26/nc1.htm

وشووف يقوولك المثل اسأل مجرب ولا تسأل طبيب

الزوووووووووووووم 6 كل شي فيها جنان كل شي

الى شي واحد وهو الراحه

في الراحه صفر

الاسيات مش مريحه وخشنه :mad:

المحرك والله في الخط مزعج مزعج

انا عندي وحده ومجربها خطووط

والي عندي 2003

يعني يمكن في 2006 سوو تحسينات عليها من هذي الجها

في الراحه المقارنه تكوون لصالح المكس طبعاً


تحياتي
أ
أبو عجة @user_15793 صاحب الموضوع · 18-06-2006
الأخ / DraGGeR
شرفت وانورت الموضوع بقدومك وبمشاركتك

تعليقك من جد حلو والبرهان انك جربت المازدا وهذا دليل على معرفتك بها على كلامك ان قطع الغيار

رخيصة بس حبيت اسالك انا ماعندي خلفيه الا شوي وش الفرق بين المازدا 3 و 6 فيه مازدا غير 3و 6

اذا كنت تعرف لاتبخل علينا وتقولي واذا كان فيها مازدا 5 او 4 او 2 او 1 قولي وهل المكينة تزود مع التغيير بين

3 الى 6 بعدد الاحصنة والشكل الخارجي والخلفية وايش احلى لون يكون على المازدا



*************************
شباب اذا ماعليكم كلافه وعندكم صور للمازدا او الماكس لاتبخلون علينا
وكمان تكتبون اللون المفضل و عدد الاحصنة المكينة بين السيارتين


اخوكم
أبو عجة
أ
أبو عجة @user_15793 صاحب الموضوع · 18-06-2006
ابو سهم / الغالي

والله ردك ماشاء الله يسكت عاد والله تعطيك اذا كانت المواصفات الي ذكرتها شكل من الداخل

والخارج وجنوط 17 إنش طبعا انت مجربها وعندك خلفيه عنها سمعت انها لازم كل مده لازم تفحصها

وتدخلها الوكالة وقطع الغيار شوي تكوي اما المكسيما 2006 يقولن ان فيها شاشتين خلفيتين

وما ادري عن المازدا يا ابو سهم فيها شاشه او لا

اخوك ابو عجة
أ
أبو عجة @user_15793 صاحب الموضوع · 18-06-2006
سوبرا
هلا وغلا فيك مسائك ورد

شكرا على تعليقك الجميل جدا انا عندي اهم شيء الراحة اذا كانت تريح الواحد زين

والمازدا 6 انا سمعت الناس يمدحونها وفيه الي يسبونها ما ادري وش عندهم اكيد لهم تجربه وحشة على كلام المصارية

وإذا ماعليك كلافه تعطيني رابط الموقع لو انها لغتهم احاول اترجمها اهم شيء تكون عندي معلومات عن المازدا

لا اعرف كيف اشكرك على ردك الجميل جدا وبالتوفيق والى الأمـــــــــــــــام

أبو عجة
D
DraGGeR @user_10021 · 17-06-2006
شوف عزيزي

المازدا 6 كان لي تجربة لها حوالي 3 أشهر ...... كانت وقتها سيارة شركة بس الشهادة لله قمة المتعة و الاعتمادية في القيادة...... كل شي بالسيارة يتجاوب بسرعة و نعومة ان كان القير أو تسكيرة الشباك!!!!!!!!!

من ناحية الوكيل (الخبر) لا تخاف...... وكيل معتمد عليه موفر القطع و الأيدي العاملة و الموظفين ( روحلهم الصباح!!) و كل شي يحتاجه العميل

عندي مازدا 3 صارلها سنة و نص و الحمدلله عمرها ما اشتكت من شي........ تخيل عزيزي مرة وديتها على الصيانة اتصلوا علي قالو في صوت بالسسبنشن اليمين ( عمري ما سمعته والله) راح غيروا القدام كلهم و على الضمان؟؟!!!

قطع الغيار رخيصة و لكن اجرة اليد نوعا ما غير مقبولة

اتوكل على الله و خد مازدا 6 ما راح تندم ......... أهم شي اهتم بالصيانة ولا تهملها

بالنسبة للمكسيما فهي كااااااااااانت على وقتها جبارة

اتمنى لك التوفيق و حسن الاختيار
ا
ابوسهم @user_22791 · 17-06-2006
اخوي ابو عجة انا رحت وكالة مازدا قبل فترة وجربت المازدا 6 سيدان طبعا المواصفات اللي بذكرها هي مازدا6 قيرعادي قبل الفل اوبشن اللي انا جربتها : سعرها حدود 70850 ريال

جنوط مقاس 17 _ جناح ملتصق بالشنطة _ القير عادي 6نمر غير الرويس _ 6 سي دي changer _

ازرار تحكم بالطارة(تثبيت سرعة ، تحكم بالاستريو) _ مقاعد جلد _مكيف لمس _2 ايرباق_ نظام ABS , نظام EBD , نظام TSC _ مقود ملبس بالجلد _

مقعد السائق كهربائي مع 3 وضعيات للحفظ _ ريموت كنترول _ عدد 2 شكمان بشكل بيضاوي _

شبك امامي رياضي _ تكحيل الشمعات الامامية والخلفية_ مع الزوائد الرياضية


الفل اوبشن في السيدان قير اوتو تبترونيك 5 نمر ، فتحة سقف والمواصفات اللي فوق ماعدا الزوائد الرياضية سعرعا حدود 74850 ريال ، اما الهاتشباك سعرها حدود 78000 ريال

طبعا جربت السيارة بكل صراحة السيارة ماعليها كلام

الماكسيما ماعندي اي خلفية عنها
وءا سف على التقصير
مع تحيات ابوسهم


س
سوبرا @user_11499 · 17-06-2006
أخوي أبو عجة المازدا سيارو ما يعيبها غير صوتها اللي يدخل السيارة (أعتقد يسموه تنسيم)
شكل داخلي وخارجي حلو ورياضي (حتى أغلب الشركات صارت تقلد لمبات المازدا الأمامية والخلفية)
في الواجهة ........
مثل: كامري 2007 - أزيرا 2006 .......الخ لا يحضرني غيرها ..
يعني شكلها حلوووو وما عليه كلام ..

القوة ماشاء الله .. طرحت الكامري 2006 .. ومشيت مع الألتيما i4 ...... وقومتها حلوة .....

قطع الغيار الأصلية من الشركة أرخص من الكامري ...

تتوفر فيها جميع أنظمة الثبات (مومتذكرها أساميها):D

صرفية البنزين أقل من الكامري ... أقصد قليلة .. على قولتهم بالريحة تمشي ..

المسجل ماشاء الله صوته زي الاستريو ..

هذا ما لدي ولكن في تقارير كثيرة مكتوبة في المنتدى الياباني ..
ولو حبيت أجيبها لك ..
أ
أبو عجة @user_15793 صاحب الموضوع · 17-06-2006
هلا والله كيف الحال شلونك

ماشاء الله شكرا على مرورك انا لقيت الصور هذي واخذتها

اقولك اشرحلي زيادة عن mazda6 mps طيب ليش ماتنزلن عندنا ليش
قهر
انا اول ماشفت الصور قلت ماشاء الله وش السيارة هذي ننتظر تعليق البقية اخوك

أبو عجة
m
massari 6.1 @user_22302 · 17-06-2006
هلا اخوووي

انا افضل الزوووم بالف مره عن المكس

في كل شي شكل ومواصفات ورساوه وثبات تقوول ملصقنيها بصمق مشاء الله

الداخليه روووعه

الصرفيه حلوووه مش مثل المكس تبلع بلع

وعلى فكره هذي الزووم الي انت حاط صورها اسمها mazda6 mps

وهذي ماتنزل عندنا ولو نزلت والله بتلعب في المنافسين

شاحن تيربو + دفع رباعي ايش رايك ويكفيك ان طبلونها 280كلم يعني تتحمل السرعات العاليه

تحياتي