انني اشاوركم قبل الشراء .. باثفندر

لحظه ياعزيزي لاتحكم قبل لاتجرب

شوف مع اني لا امتلك نيسان واضح من اسمي لكن أخي الصغير يمتلك نيسان التيما 6 سلندر

وقبل حوالي شهرين أخذت سيارة اخي وسافرت بها من الرياض للبحرين 400 كيلو

لو أقسم لك بالله اني سافرت بتعبية واحدة (36 ريال ) ووصلت والتانكي على النصف والعجيب في ذلك أن سرعتي

لاتقل عن الـ 200 كيلو في الثانيه



يعني كلامك هذا يـدل على عصبيـة

مع أن بالاخـير السيارة وسيـلة وليـست غايـة .....

140 ألف كم في سنة واحدة ؟!

كثيرة \\\


المهم إن عزمت الشراء \\


الله لا يهينك ركب لك تانكي ثاني للبانزين \\
السيارة أو عموما سيارات نيسان .......... تشرب بنزين كثير .من العطش


أسأل مجرب


لا تشتري سيارة من نيسان و خاصة بثفاندر


و أنت و هواك \\

نصيحة خذ لك جديد 2006 الحين لدى الجبر بـ 123000 LE , والنوع الثاني SE بـ 11000 والنوع الثالثXE بـ98000 ريال وش لك بالمستعمل ، المستعمل بعد شهر بتحط فية لين تقول امين .

الجديد 2006مختلف تماماً عن القديم 2005

بالنسبة لي انا دافع للحمراني وكيل نيسان 100000 الف ريال كحجز لموديل 2007 اللون ابيض الفئة LE لاكن يقول ميب جاية الا برمضان ويمكن بشوال بس عادي انا معي موتر وحرام اخذ 2006 وبعد كم شهر بينزل موديلات 2007 ونتم شايفين اغلب الوكالات نزلو موديلات 2007 ومتوقع بيزيد السعر شوي بس عادي اهم شي موديل السنة .

بالنسبة للفئات XE / SE / LE كل شي يفرق فيها والفل هو افضلها والمثل يقول أن أكلت بصل كثر منة .

بالنسبة للسعر مو غالي بنضري مقارنة بالموجود الأن بالسوق من فورد اكسبلور 2006 و الباجيرو و البرادو و غيرها أما اليوكن اللي مواضيعه مالية المنتدى انا برائي الشخصي أنة غير مناسب لأسباب عدة وهي :

1- أمريكي ( وأنا بشت الطرق أحارب أقتصادهم ) بسبب النظرة اللي ينظرون لها لنا وهي الغطرسة والكذب والحقد .
2- كبير الحجم وهدر بزيادة و قرقعه مراتبة تضيق صدري ونت تمشي .
3- 8 سلندر و 480 حصان كثيرة .
4- السعر جنوني.
5- البديل موجود وبشكل أقوى ومنافس .
6- السيارات اليابانية أقوى وتتحمل أكثر من الأمريكي بالنسبة لليوكن مشاكلة المشهورة ( خراب عداد الطبلون بعد شهر من شرائة / خراب القير بعدم التبديل والتعليق بالنمرة الأولى وعدم التبديل وهي مشكلة من الثمانينات لم تحلها جي ام سي بسيارات الدفع الرباعي والعائلية كالسوبربان واليوكن .
7- حرارة السيارات اليابانية مناسبة لأجواء السعودية عكس الأمريكية خصوصاً شركة نيسان.
8- المتعه بقيادة الياباني اكثر من الأمريكي .
9- أقتصادية السيارات اليابانية بالبنزين افضل من السيارات الامريكية .
10- أنا حاقد عليهم بسبب تعاملهم والخيار بيدي والفلوس عندي وأنا حر ما أشتري أمريكي أشتري باثفايندر متعه بالقيادة محرك جبار تعبية فل 50 ريال/ 80 لتر / يمشيك 450 كيلو حلو لسيارة جيب غير الراحة على الطريق لا قرقعه مراتب ولا يحزنون سيارة مشهود لها و ثقة والموديل 2006 زادوة مرتبة ثالثة و ركبو لها محرك جبار مثل محرك الزد و القير بالباثفايندر نظام تمتيك وتبديل يدوي للطعوس بنفس الوقت ( ميزة لم تتمكن منها تويوتا بالبرادو ) يعني بختصارخذ لك جديد ونت مغمض.

السلام عليكم

السيارة ممتازة كسيارة دفع رباعي

لاكن ممشى الموتر شوي زايد

وبالنسبة للسعر تراة مناسب نوعاً م ا اذا كان الموتر نصف فل او فل ( اذا كان مخشف وفية سي دي فهو فل )

شوف عزيزي

نصيحتي لك تفحص الموتر من الصدمات وتفحص المكينة والقير على الكمبيوتر

اذا كل شي تمام صلي ركعتين استخارة وتوكل على الله

انا عندي واحد موديل 2004 لونه اسود نص فل ماخذة العام الماضي مستعمل ب74 الف ريال ماشي 12 الف قير تماتيك
والموتر ماشي من احسن مايكون ويبيض الوجة في الخط وفي البر

انا بالنسبة لي سعره غالي وخاصة ماشي 140 الف بسنه وغير كذا اخوي ضابط وعنده باثفايندر 2003 ومحافظ عليه مره فجاءه وهو بالخط طفت عليه السيارة ووداها وفكو المكينه ولقو الصباب حق البلوف مكسور والبلف انكسر ودخل على البستم وخبطت المكينه وغير مكينه من التشليح وغير كذا صرفية البنزين عالية مقارنه بالسيارات الثانية هذا ماحبيت اضيفه طبعا يمكن حالة سيارة اخوي استثنائية والله اعلم

اخي : ابو ناصر 25
اخي : الاسم للبيع
اخي aza2006

اشكر لكم مشورتكم الغالية

اعتقد انه ليس فل كامل

والي فهمته انكم لاتنصحون بشراءه وانا اقول ( شوركم وهداية الله )
لكم مني كل التقدير والعرفان ودمتم سالمين

غاااااااااااالي 2005 وماشي 140 ألف ومكرووف وتلقا أنوااع الأصواات في السياره

لاتنسى الاستخاره . .


تحياتي:

aza2006

.....................زز

كثيره عليه 53 الف..

وماشي 140الف بسنه ..يعني مكروف