نصيحتكم في ورشة كويسة

أبو فهد يعطيك العافية..

وانت كذلك يا AF على الموضوع الحلو..

انا بروح للورشة الاولى من الدايري الشرقي مخرج 17 . فهل الورشة قريبة من هناك والا ادخل لشارع الامير سلمان من وسط الرياض افضل؟

وعندي سؤال -لو تكرمتوا-عن كهربائي bmw شااااطر .. اذا فيه احد عنده معلومة يفيدني لاني اشتريت730 موديل 95 من اسبوع وابغى اشيك عليها ...

لك جزيل الشكر أخوي ابو فهد جداً جداً اتعبناك معنا

والله يوفقك ويعطيك ألف عافية

هذا اللي قدرت عليه ..

ومشكلة المشوار تهون وأنا أخوك إذا لقيت الشغل الزين :)

يعطيك العافية اخوي ابو فهد


لكن الله يحفظك بعيدة جداً جداً عني

يعني قلت حول صناعية العروبة وصناعية ام الحمام



ولكن جهدك تشكر تشكر تشكر عليه واسفين كلفنا عليك يالغلا

السلام عليكم ورحمة الله ..

أخي الحبيب أعتذر عن التأخر .. وقد رجعت الآن للبيت من أجلك :)

كلمت الأخ والظاهر السالفة طويلة وهو حاب يستفسر أكثر عن السيارة ..

لأنه فنان بهالأمور .. وما كان عندي الخلفية الكافية ..

وقال : خل خويك يتصل فيني واعرف منه وش فيها السيارة بالضبط وأعطيه العلم الكويس :)

عموما توصلت معه إلى ثلاث ورش وهي على الترتيب الآتي :

1- ورشة ممتازة جدا جدا جدا .. ولن تعب شغلهم أبدا ..
بل شغلهم أفضل من الوكالات كلها .. لكن السعر غالي حبتين بس يستاهل ..
يعني تاخذ الورشة ويعطيك شرط : تدخل المعارض وابن أمه يقول السيارة مرشوشة :)

مكانها :

وانت طالع مع طريق الأمير سلمان باتجاه الغرب ( مخرج 17 ) بعد ما يجيك النفق .. ثاني إشارة خذ منها يسار ..
أول فتحة يمين .. قبل نهاية الشارع ( T ) بيجيك على اليسار ورشة مكتوب عليها : حمدان السوسي ..

2- ورشة رقم اثنين أرخص من السابقة وشغلهم جيد .. واستفسر عن الدهان التركي هل هو موجود ..
بعد ما تعدي النفق اللي قلنا عليه .. أول إشارة تجيك .. رح يمين .. بيجيك على اليسار (( شالنجر )) حق القيور ..خذ بعده يسار ..
استمر .. تجيك أول فتحة يسار الورشة على الزاوية .. اسمها (( البريكي )) .

3- الورشة الثالثة .. أرخص من اللي قبلها : (( شالنجر )) فيه قبله محل اسمه (( قيركو )) خذ من بعده يسار ..
تجيك أول فتحة يمين .. عديها .. واحسب ورشتين او ثلاث .. فيه ورشة على ما أظن اسمها ( رانج )


لكن الرجال يقول لي لو انك بتستخدم وتبي شغل 1000.000% رح للسوسي ..
وممكن تروح للثلاثة كلهم وتقارن بين أسعارهم وتشوف شغلهم بالورشة ..

وان حبيت ارسلت لك جوال الرجال على الخاص .. وتكلمه وتستفسر منه ...

يعطيك العافية على تعاونك اخوي abufhd اللي يثلج الصدر

تقبل احترامي

بإذن الله .. اليوم عندك الخبر الأكيد اللي بيسرك ..

وبالنسبة لباقي الإخوة فيمكن ما عندهم خبرة في هالموضوع .. وسع صدرك وانا اخوك ولا تشيل بخاطرك :):)

كورولا 2004 بيضا


والحقيقة أنا اشره على باقي الإخوان اللي ما لقيت منهم أي تعاون

طيب أخوي .. ما قلت لي نوع السيارة وخلنا نشوف الرجال وش عنده ..

وهو بإذن الله بيدلك على ورشة تدعي لي .. لأن خابر الرجال يبخص بالورش 100%

هلا هلا بـ abufhd

كلامك قد يكون صحيح مع الشمعات

لكن للأسف الصدام لا , لأن البوية أساسا تقشرت كيف المع شي وهو متقشر !!

ولك جزيل الشكر وفي انتظارك اخوي


وانتظار باقي الاعضاء اللي ما اعطونا رد ولو جبر خاطر !!!!!!!!!

أخوي كلمت لم الرجال ..

وقال شغلة الترميل ما تحتاج رش بوية ..

لكن هو سأل عن نوع السيارة واهم من ذلك اللون !!

ويبي يدلك على محل يلمع لك السيارة وترجع أحسن من أول :)

لك جزيل الشكر اخوي abufhd

في انتظارك ,,