ماهي افضل طريقه لحماية وجهية السياره فالسفر؟

تدرون انا بفيدكم كان معي كان لاني بعته اليوم

كنت دائما رايح للرياض من الشرقيه طبعا وتقريبا اسبوعيا واذا مو اسبوعيا كل اسبوعين يعني بأستمرار من اول ماخذت سيارتي جديده وانا احط فيها الفيري

بس فيه شرط تدرون وشو اذا وصلت لازم تزيل وتغسله لانه اذا تركته اكثر من يومين راح يغير بوية السياره وتصير بوية السياره باهته

وهذا من واقع تجربه

والحمد لله وجه السياره ماراح وبعتها وهي جديده ولا كني كنت امسك عليها خطوط

واي سؤال انا حاضر

<<<<<<<<<< يفكر وش يشتري سياره

وراح يذبحه التفكير مره ثانيه

تحياتي

موضوع رائع يستحق المتابعه مشكورين

أنا أنصحك أذا بتسافر حط فيري




((((((((((((((((مجرب)))))))))))))))))

أخوي أنا صراحة راعي خطوط و دوم أسمك خطوط

فأنصحك تروح لمحلات الزينه و تقوله يغبر لك تغبيره ناعمة وهذه ما تضر في البويه مثل التغبيره الخشنه

لأن الناعمة حتى لما تجف و تمسحها ما تخدش لك البويه مثل التغبيره الخشنه

و أنا مجرب النوعين من التغبيرات صدقني راح تنفعك

و الله يعنيك أخوي على الطريق

و أنا بعد أسبوع إن شاء الله بروح الإمارات وياليت لما ترجع ترسل لي رسالة خاصه

وتقول لي وشلون طريق الإمارات لاني أول مره راح أمسك الخط بالسيارة

أتمنى أني أكون أفدتك عزيزي

تحياتي

على فكره التغبيره سعرها الناعمة سعرها 30 ريال و الخشنه سعرها 20 ريال

اخوي انا اقترح عليك بالتغبيرة

الله لايهينك تروح للمغلسة

وتغبر الوجهية فقط

اولا حياك الله يالغالي
انا ما انصح في الشحم الا اذا كان خطك طويل ورملي يعني في حدود الالف كيلو , لانه يتعب في الازاله وكذلك يبقى في الاماكن الضيقه..... اما حمايته فلا يعلى عليها


اما ان كان خط سفرك قصير فاستخدم الفيري ولكن بشروط
1- ان تكون بويه واجهية السياره بوية الوكاله ولم تتعرض لرش بويه جديده .
2- في حالة وصولك للمنطقه تقوم بازالته فورا .


فيه طريقه مجربه للفيري وتؤدي غرضها بكفائه احسن من الفيري العادي :
1- تقوم بمسح الفيري على كامل وجهية السياره .
2- تقوم بنثر التراب على الفيري الموجود بواجهية السيارة قبل مايجف ( يعني تغطيها تراب مزبوط )
3- تقوم مره ثانيه بوضع الفيري مره اخرى فوق التراب وتنتظر بعدها ربع ساعه او عشر دقايق وتمشي على السياره .


ملاحظه :
اذا كانت بويه السياره باقيه بوية الوكاله ماتغيرت عادي اذا استخدمة الفيري بس بشرط انك تزيله فورا , لانه ماراح يؤثر عليها الا مع كثرة الاستخدام يعين مع الوقت راح يبين معك بهتان خفيف في الواجهيه .

اما اذا كانت بويه الواجهيه متغيره مو حقت الوكاله انصحك بالابتعاد عن الفيري لان بعض البويات يتأثر من الفيري مايتحمله .




ولك الخيار ................................
1-

الشحم الوحيد اللي مايضر البويه ......... بس انا زي ماقلت يتعبك اثناء ازالته بس , ويبقى في الاماكن الضيقه زي شبك السياره .

الفيري افضل بس بشرط تزيلة متى وصلت للديرة الثانية
دوبي جاي من الطائف والله ........ تقليعة في رش الالوان الي يقولون انها مانعة من ضرر الاتربة
.
.
.
هذا راي شخصي

كيف الحال اخوي غريب ديار

انا ابي امشي بعد ثلات ايام الامارات وشايل هم السياره

تنصحني احط شحم او فيري


ويعطيك العافيه
ويليت تستعجل علي




تحياتي

غريب ديار

سلام

أبي أسالك الحين الشحم مايضر البويه مع حرارة الشمس

مشكووورين علىى التفاااااااااااااااعل

والاراء الجميله ولكن مازلت في حيره

على فكره الرشه الي زي لون الغبار تسوي البويه خشنه ومدري تروح مع التلميع ولا لا لاني جربت التلميع ولا راحت

ثانيا البرقع مشكلتة مشكله اذا مشيت فيه تتحرك اطرافه وبعدين تسوي تآكل في البويه وتشيله نهائي من عند أطراف البرقع.......................... مجرب الثنتين .

والفيري يعني هو اخف الضررين لانه يسوي بهتان في لمعة البويه بس , ولكن ماينفعك اذا جاك غبار كثير ولاحصى صغير خاصة اذا كنت تمشي خلف تريله , ونصيحه اذا ركبته على طول شيله لاتخليه يطول بالسياره .

ولكن مع حاجتي الضروريه لواقي بسبب طول المسافه اللي اقطعها تقريبا 1000 ك وكله طريق صحراوي
سويت لي حل وصرت اركب شحم على وجه السياره , يعجبك مره حتى اذا مشيت خلف تريله مايضر ......... بس فيه عيب واحد اذا جيت تشيله يتعبك وبعدين يبقى في الاماكن الضيقه والصغيره زي فتحات الشبك الامامي وعلى حواف الاصطبات



حبيت اعرض تجاربي لكم وانتوا واللي يريحكم والسلاااااااااااااااااااام خير ختام

انا انصحك مرة واحدة اذا السيارة جديد تروح تركب تظليل كامل :- القزازة اللي قدام - و اللي ورا -الفتحة -الشبابيك كلها - اللمبات اللي قدام ( تظليل شفاف) مع تلميع السيارة من داخل و غسيل والكراسي و الارضية بـ 2000 ريال في الخبر شارع الملك عبد العزيز جنب محطة ميد
على فكرة انا معاي هوندا جيب mrv و سويت كل اللي قلته والحين السيارة تمااااااااااااااااااام

ما انصحكم في البرقع لأن تركيبه صعب ومع المده يتمدد ويمكن يطير ويسبب حوادث
أفضل شي تستعمل النظارات الشفافه حق الأصطابات وهذا اهم شي في الوجهيه

والسلام عليكم

انا مع كلام اخوي ابو مجد والله الموفق................. راعي الهدد VXR

التغبيره البيج رحت لمحلات الزينه وقالو انها نفس التلميع العلبه السودا او الصفرا ابو عشرة ريالات بس طريقة الرش تكون با( الكمبروسر) وهذا تلميع بس ما اعتقد انه بيخدم معك لو كان الخط طويل وفيه غبار او رمل كثير:( لانه بيزيل التلميع ولو قابلت مطر في طريقك ممكن يختفي ;) ولكن ممكن يكون افضل شي حاليا
وبالنسبه للانوار ممكن تحط تضليل على الانوار شفاف والباقي على (الزجاج الامامي)وتخليه لين ينشف علشان ما يطير في الخط ولو كان عريض ابو متر يكون احسن لان الناس تحط التغبيره وتنسى الشمعات والزجاج الامامي|1| وهذي اخر اختاعاتي والله الموفق

البخاخ شفاف ولا له اي تأثير لانه مثل التغليف الشفاف

ويباع في الرياض البديعه محل اسمه كار كير

اخي الغالي

لا اعتقد ان وجهية السيارة حساسة لهذه الدرجة لكي تتعب نفسك في تغطيتها

ولك كل احترامي وتقديري