نصب شركة ابو جمل تخيلوا التقسيط بزيادة 40000 ريال ؟؟

ما يحتاج كلام ولا لف ولا دوران مافيه شي جا غصب كلن براحته



الزين يفرض نفسه


ولا أحد يشتري من أبو جميل


رح للبنك عطي الله ما يخذون إلا حول 4% في الميه سنوياً


يعني فلها

اللي تكلموا عن وزارة التجارة ومكافحة الغش التجاري ..
اولا بالنسبة لاحتكار الشركة على وكيل واحد فهذا تقرره الشركة وليس الوكيل ..
ثانيا لاتنسون ان شركة عبداللطيف جميل تتحكم بسوق كبيرة وتدير مبيعات تويوتا في الشرق الاوسط كله بالاضافة الى شرق اسيا والصين وآخر شي فتحت معارض لكزس باليابان نفسها وتمتلك هالشركة 5% من اسهم تويوتا ..
اعيد واكرر الدعوة مافيها اي نصب تبي تشتري هذا سعره ماتبي منتب ملزم بالشراء ..
في شركات كثير غيره وفي معارض تبيع سيارات تويوتا ارخص منه ..

السلام عليكم

عندما يقوم الاعضاء بكتابة مواضيع لينفسو فيها عن مافي داخلهم عن الوكلاء وغيرهم يتوقعون منهم احترام الغير وعدم الغيبة او التهم فقد قال تعالي {يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضاً أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتاً فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ }الحجرات12

بالنسبة للموضوع فكما تفضل بعض الاخوان الخيارات متاحة وكثيرة ولست مجبر على شركة معية وكذلك بالامكان الشراء عن طريق البنك بنظام التورق الذي اجازته الهيئات الشرعية

اسأل الله لي ولكم التوفيق والسداد

الي يقول في غير تويوتا
ترى نقولها بصراحه تويوتا مافي مثله
وما يمشى بهالبلد الا تويوتا وفورد وشفر
فور ما تغير شكله كم سنه
والشفر صار استرالي
والتويوتا هو الموجود وافضلهم
اجل اشترى كوري ولا اوربيه وابلش فيه ؟؟؟
والدعوه مو افالون وبس !! اللكزس es 350 الجديد دفعهة اولى 80 الف واقساط 2100 سنتين ودفعى اخيره 70 الف !!!!!!!!!!!!!!!!!!!!!!!!!!!!!!!!!!!!!!!!
والله نصب عيني عينك !!
والي يقول بنوك
ترى البنوك اغلبها ربويه ما تسوى عليك ترابى عشان سياره

افضل وكالية في هذا النظام معروف شركة الجميح

بس مابعد البيع الجميح لك عليه شوي

صـــــــــــــــــح لســــــــــــــــــــانك |11|

العيب في الناس مو في الشركات

الواحد يصمم الا يأخذ تويوتا وبعدين يسب ويلعن فيهم

يأخوان الشركات مليانه البلد بس الناس عقولها هي اللي تخلي الاسعار ترتفع

البلد كلها كامري وكورلا وتويوتا مع ان هناك سيارات احسن واجمل من تويوتا بس اقبال الناس على صنف واحد على السلع يجعل من وكيل وحش كاسر

وعندك اكبر مثال نوكيا بالجولات 90% من السعوديين معاهم نوكيا خخخخ ....... يعني هالبلد تشتهر بالتويوتا بالشوارع والنوكيا بالجيوب خخخ



وزي ماقال المثل من حكم في ماله ماظلم

انا جيتهم ابي افلون ولا كان لي رغبه في الدفعه الاخيره قلت بعطيكم دفعه مقدمه حسبوها لي دفعه اولى75000كاش !!!قسط شهري2200على48شهر
قلت للموظف انت مهبول ولاصاحي,75الف ازودها 20الف واخذ 2006ممشاها قليل

فعلا وزارة التجاره ماله أي دور

والغش التجاري ماله أي مكانه


أسم,,,,وصوره,,,,,,وابتسامه

,,,,,,,,,فقــــــــط,,,,,,,,,,

أنا من رأيي أنك تتحمل دتسن موديل 80 تحصلها بـ3 الآف ريال وتتعبر بها الا ما تحصل فلوووس الكاااش


هذا إذا كنت مضطر لشرائك من وكالة تويوتا


،،،،،،،،،،،،،،،،،،،،،،،،،،

قم ورح وشوف سيارات غيرها ضاقت عاااد تويوتا !!!!!!!!!!


0
0
0

هذه شركة استفادت من خير هالبلد والتوسع بالفروع وتضخم ارباحها يأتى من عمليات الاحتكار لأسعار تويوتا بعيد عن أعين الجهات الرقابية كوزارة التجارة وغيرها من الجهات المعنية والشركة لم يعد ولائها للدولة التى قدمت لهم التسهيلات وحق الوكالة الحصرية بأستيراد سيارات تويوتا فى بدأية نشأتها الى تطبيق سياسة الغش والتدليس بمسمى عروض تسويقية تتلائم مع احتياجات المواطنين .
ويحاول الآن تلميع صورته امام العامه والمسؤلين من خلال مركز خدمة المجتمع والدورات المجانية اللى يقوم فيها من باب المحافظة على المكاسب والمكانة التى حصل عليها خلال تلك السنين بوسائل النصب والاحتيال التسويقية على شعب المملكة وبالمناسبة صاحب المؤسسة يعود أصله الى جمهورية مصر الشقيقه ومعظم القائمين على إدارة هذه الشركة واصحاب القرار بعمليات البيع والتسويق هم الجنسية المصرية ويعملون مع أبناء المؤسس لهذه الشركة ونقدنا هنا هوإنحراف سياسة الشركة عن دروها الفعلي كشركة تقوم تأمين نوعية من السيارات باستغلال العامة من المواطنين والجشع بكل وسائله واشكاله لنهب مدخرات المواطنين دون إعتبار لحق البلد عليهم .
يجب فتح المجال لشركات أخرى 40000الف ريال فارق السعر بين الكاش والتأجير هذا والله الظلم والبطش والتسلط على المواطنين والضحك على ذقونهم وإستغفال المسؤلين بحجة انها تجارة حرة ولاتخضع لمعايير ومحاسبة لدينا .

عليكم بأقساط البنك.. فقط 3.99%
واتركوا عنكم جشع الوكلاء :)

عبد الطيف جمييييل
وش اقول بس
اغلى اسعار + مواصفات اي كلام
يا شباب تراه يغير المسجل حق الوكاله لكل سيارات التويوتا ويركب صيني :eek:
وبرضه يغير كمبريسور المكيف ويركب صيني
لا ويطلب زياده غير طبيعيه في التقسيط
صراحه نصب عيني عينك:o

مالك الى تشريها عن طريق بنك اريحلك بواجد ..


فائدة فقط 4% ..


.

هو شاف الاقبال قووي عليه وسياراته لها طلب بالسوق وبما انه المحتكر الوحيد ينصب على كيفه

بس فيه ضلم قوي

شلون دفعه اخيره بهالمبلغ ..

يارب نفتك منه ومن جشعه الزايد

ياجماعة الخير السالفة مافيها لانصب ولا شي ..
الاخ يتكلم عن الايجار المنتخي بالتمليك ..
طيب شرايك اني يوم رحت وكالة الفورد وسألتهم عن الاكسبيدشن سعره 100 الف وبالتأجير خلال اربع سنين يصير سعره 151 الف ريااااااال ..
بعدين هذا عرض موب نصب يعني تبي تشتري كذا اشتر ماتبي في اكثر من طريقة تقدر تشتري فيها السيارة اولها الكاش واذا موب عاجبك الوضع مرة عندك شركات ثانية محد الزمك تشتري تويوتا ..
هذي بضاعته وهو حر بالاسعار اللي يحطها وانت ايضا حر انك تشتريها او ماتشتريها ..

اتمنى اني وضحت الصورة وشكرا لك اخوي ..!!